عارفة يعنى اية تتجوزينى يا اسمك اية ؟؟
يعنى هتسيبى بيتك اللى ليكى ف كل ركن جواة ذكرى حلوة وموقف احلى ...
يعنى هتسيبى امك اللى حرمت نفسها كتييييير علشانك ..
يعنى هتسيبى ابوكى اللى تعب اكتر علشان ترتاحى ...
يعنى هتسيبى اخواتك اللى كانوا مرة يزعلوكى وكتييير يقفوا جنبك
هتسيبى اصحابك اللى بتعشقى وجودهم وكلامهم ..
هتسيبى شارعكم وعم شندويلى البقال اللى كان بيعاكسك ... واللى هقتلة لو بصلك ف المستقبل ...
هتسيبى كل حياتك اللى عشتيها بعيد عنى علشان تيجى معايا انا ،، ليا انا ..
رغم انك متعرفنيش و اللى بينا احساس بيربطنا انتى بتحبينى وانا وعدتك انى هكون ليكى كل شيى ...
تفتكرى لما تسيبى دة كله وتجيلى هزعلك ولا هسيبك ؟؟؟
ياترى ممكن حتى ازعق كدة ليكى واشوفك مكشرة واسيبك من غير حضن يصالحك ...
دة لو فى راجل بيفهم لازم يفكر الف مرة قبل ما يزعل مراتة هى عملت اية علشانة ...
تفتكرى لما اختارتينى من كل رجالة العالم هزعلك ؟؟ ما كان ممكن ترفضينى وتطردينى وانتى تستاهلى غيرى ..
احسن منى وكنتى هتلاقى ...
بس احنا الاتنين بنكمل بعض ع فكرة ,, لو شفت راجل مُهمل بعرف انة مش متجوز ولا لية ام او بنت تهتم بية ..
ولو شفت بنت غلبانة بتطلب حقها بعرف ان ملهاش اب ولا اخ يتشغل ويصرف عليها ... الا اذا كان واطى وراجل بس ف البطاقة .
مستحيل ابدا لو هخبط دماغى ف الحيط ازعلك ،، بس الحياة مش وردى ورمانسية كلها انا هطلع عينك بس مش هتنامى يوم زعلانة منى ... ودة وعد .