انا عاجبنى ف المسلسل شخصية عطا المراكيبى رغم انة واطى وندل وبايع اهلة بس الحب مخلية مسطول اكتر من الحشيش اللى بيشربة .. دايما ممكن يكون الانسان راقى وقادر يحقق احلام حبيبتة وقادر يكون ليها راجل وكل حياتها،، ومبيعرفش يوصل دة والبنت مش بتصدقة انة هيصونها ويخاف عليها وميأذيهاش ببصة ولا بكلمة ولا بفعل .. بيقعد بقى يتحايل يتحايل يتحايل زى عطعوط كدة ويقولها والنبى صدقينى والنبى ماتسيبينى احيات ابوكى افضلى جنبى ومش هزعلك ... والسحلية تنط وتقعد تترسم ..!!
المهم ان الاميرة وافقت لان فكرها راقى كــ اميرة قدرت تختار اللى يسعدها وتعيش حياتها معاة مبسوطة .. مطلعتش فوق شجرة الموز بقى وقالت انا اميرة انت اية ؟؟ انا نور اهلا وسهلا اميرة ^ــ^
محدفتش الواد بموزة وقالت انا دكتورة انت اية ؟؟ انا مهندسة انا انا انا انا رغى وعك ولت وعجن وفكر غبى واحمق وعبيط ال انا كذا انت اية ؟؟ ياختى ماهو لو بالمستويات كانت وقفت لازم نظرة عميقة واحساس بالروح والفكر ...
نفس الافكار لسة الغرب بيطبقها ف الوقت اللى قلدناة ف كل حاجة صغيرة وكبيرة نسينا او غبائنا منسينا نفهم ..
البنت ف الغرب بتحب الراجل كونة راجل ومش بتبص اسود ابيض حلو وحش هو راجل بتحبة ،، مش بيهمها مستوى بتلاقى الدكتورة متجوزة عامل عادى وحياتهم سعيدة وجميلة .. ومش بخترع كلام انا قعدت مع ناس كتييييييييييير جدا عاشوا برة سنين طويلة وكانوا سبب ف حبى للغربة .. عرفونى ان الاجانب ناس اوفياء جدا وجد جدا وعلى عكس ما بنفكر وبنشوف ونسمع ان حياتهم كلها مقززة وجنس وهمج بالعكس حياتهم منظمة والبنت وفية جدا لجوزها او صديقها وفى ف مجتمعهم بردة قيم ومبادىء وعادات محناش يعنى مجتمع او عالم فذ ،، فكر الاقاليم البنت تبقى طالعة من الغيط تدخل كلية تقول عايزة اتجوز المعيد عايزة اتجوز الواد الحلو دة عايزة اتجوز كذا !!
ربنا يرحمنا من القرف .. اتجوزى ياختى اللى تختارية وربنا يسعدك وسيبى ناس تتمنالك الرضى وتتمنى بس تشوفك بخير
اللى تلاقى حياتها تاخدها ويارب تكون مبسوطة واللى يلاقى حياتة بردة ياخدها وربنا يسعدة سواء مع متعلمة او جاهلة بتحبة وبتفرح لفرحة وتحتوية وتسعدة وتهنية وهو بيعشقها والعكس للبنت كل اللى عندة هدف يوصلة لو فقير وعايز غنى ولو غنى وعايز يرتاح .. بعترف ان فى رجالة رمم وملهمش اى وزن ولا طعم وبردة فى بنات حقيرة ملهاش مبدأ ولا لون كل اللى عندة شيى يحافظ علية ويحمية،، بس هو لية احنا مش قادرين نفهم ان المتشرد دة مكنش نفسة يبقى متشرد والفقير لو سألتة هيقولك نفسى ابقى احسن حد لية مش بنفكر ان الضايع والجاهل دة لو قربت منة هتلاقية نفسة يبقى زيك واحسن منك واجمل وارقى هو مين اختار ان حالة يكون قليل ؟؟
مين قرر انة يبقى جاهل او نص متعلم او فقير او وحش او او او هو بايدة ؟؟ طب هو اختار دة ؟؟ وياترى لو سألتة هتلاقية راضى ؟
لية مش قادرين نفهم ونستوعب مش كل ذنب بنت فقيرة انها بتحبنى وشايفة سعادتها معايا اقول بقلة ادب وذوق اقولها انا كذا انتى مين ؟؟ ومش كل ذنب بنت مش متعلمة انها تتمنى تبقى جنبى وتسعدنى وتعملى كل اللى احبة واكون سبب ف سعادتها واية يمنعنى اكون سبب ف دة فعلا ؟؟؟
الحب بيغير كل شيى يقدر يخلى الجاهل اعلم اهل الارض بكل شيى حولية ف اطار اسعاد حبيبة وهيتعلم كل شيى واى شيى يودية نفس الطريق معاة .. محدش اختار يكون غبى او فقير او فاشل او متشرد او ضايع او وحش او قليل البخت والحظ .. وياما ناس مستواها العلمى عالى جدا جدا وهم فقراء ومطمع للنفوس المريضة وبتترمى البنت باقل تمن وسعر وهى عندها احلام نفسها تحققها دة خلل ف فكرنا ومجتمعنا الحياة فرصة بنشوفها كدة والحقيقة ان الحياة خدعة بالاشكال والمستويات مش بالجوهر والروح .
المهم ان الاميرة وافقت لان فكرها راقى كــ اميرة قدرت تختار اللى يسعدها وتعيش حياتها معاة مبسوطة .. مطلعتش فوق شجرة الموز بقى وقالت انا اميرة انت اية ؟؟ انا نور اهلا وسهلا اميرة ^ــ^
محدفتش الواد بموزة وقالت انا دكتورة انت اية ؟؟ انا مهندسة انا انا انا انا رغى وعك ولت وعجن وفكر غبى واحمق وعبيط ال انا كذا انت اية ؟؟ ياختى ماهو لو بالمستويات كانت وقفت لازم نظرة عميقة واحساس بالروح والفكر ...
نفس الافكار لسة الغرب بيطبقها ف الوقت اللى قلدناة ف كل حاجة صغيرة وكبيرة نسينا او غبائنا منسينا نفهم ..
البنت ف الغرب بتحب الراجل كونة راجل ومش بتبص اسود ابيض حلو وحش هو راجل بتحبة ،، مش بيهمها مستوى بتلاقى الدكتورة متجوزة عامل عادى وحياتهم سعيدة وجميلة .. ومش بخترع كلام انا قعدت مع ناس كتييييييييييير جدا عاشوا برة سنين طويلة وكانوا سبب ف حبى للغربة .. عرفونى ان الاجانب ناس اوفياء جدا وجد جدا وعلى عكس ما بنفكر وبنشوف ونسمع ان حياتهم كلها مقززة وجنس وهمج بالعكس حياتهم منظمة والبنت وفية جدا لجوزها او صديقها وفى ف مجتمعهم بردة قيم ومبادىء وعادات محناش يعنى مجتمع او عالم فذ ،، فكر الاقاليم البنت تبقى طالعة من الغيط تدخل كلية تقول عايزة اتجوز المعيد عايزة اتجوز الواد الحلو دة عايزة اتجوز كذا !!
ربنا يرحمنا من القرف .. اتجوزى ياختى اللى تختارية وربنا يسعدك وسيبى ناس تتمنالك الرضى وتتمنى بس تشوفك بخير
اللى تلاقى حياتها تاخدها ويارب تكون مبسوطة واللى يلاقى حياتة بردة ياخدها وربنا يسعدة سواء مع متعلمة او جاهلة بتحبة وبتفرح لفرحة وتحتوية وتسعدة وتهنية وهو بيعشقها والعكس للبنت كل اللى عندة هدف يوصلة لو فقير وعايز غنى ولو غنى وعايز يرتاح .. بعترف ان فى رجالة رمم وملهمش اى وزن ولا طعم وبردة فى بنات حقيرة ملهاش مبدأ ولا لون كل اللى عندة شيى يحافظ علية ويحمية،، بس هو لية احنا مش قادرين نفهم ان المتشرد دة مكنش نفسة يبقى متشرد والفقير لو سألتة هيقولك نفسى ابقى احسن حد لية مش بنفكر ان الضايع والجاهل دة لو قربت منة هتلاقية نفسة يبقى زيك واحسن منك واجمل وارقى هو مين اختار ان حالة يكون قليل ؟؟
مين قرر انة يبقى جاهل او نص متعلم او فقير او وحش او او او هو بايدة ؟؟ طب هو اختار دة ؟؟ وياترى لو سألتة هتلاقية راضى ؟
لية مش قادرين نفهم ونستوعب مش كل ذنب بنت فقيرة انها بتحبنى وشايفة سعادتها معايا اقول بقلة ادب وذوق اقولها انا كذا انتى مين ؟؟ ومش كل ذنب بنت مش متعلمة انها تتمنى تبقى جنبى وتسعدنى وتعملى كل اللى احبة واكون سبب ف سعادتها واية يمنعنى اكون سبب ف دة فعلا ؟؟؟
الحب بيغير كل شيى يقدر يخلى الجاهل اعلم اهل الارض بكل شيى حولية ف اطار اسعاد حبيبة وهيتعلم كل شيى واى شيى يودية نفس الطريق معاة .. محدش اختار يكون غبى او فقير او فاشل او متشرد او ضايع او وحش او قليل البخت والحظ .. وياما ناس مستواها العلمى عالى جدا جدا وهم فقراء ومطمع للنفوس المريضة وبتترمى البنت باقل تمن وسعر وهى عندها احلام نفسها تحققها دة خلل ف فكرنا ومجتمعنا الحياة فرصة بنشوفها كدة والحقيقة ان الحياة خدعة بالاشكال والمستويات مش بالجوهر والروح .
ليست هناك تعليقات :
إرسال تعليق