اووووبا اكتشفت حاجة مهزة جداً جداً ...!!
بس ممكن تكون مش مهزة اوى يعنى بالنسبالى لانى مش حرامى وبكتب اللى بيعدى ف دماغى او ممكن اكون حرامى وانا مش واخد بالى ..!!
الحكاية ..
مرة وانا ماشى ف قلب رواية قابلتنى كتير اوى وقابلت كل تفاصيلى بيوصفها غيرى نفس وصفى لنفسى قوم اية قلت ياد عادى بتحصل يعنى مش معقولة انت اللى بتفهم لوحدك يعنى او غبى غبى لوحدك بردة .
خلص مشوار الرواية .. قمت واقع ف رواية جديدة قوم اية بقى "المفائجة" انى لقيت تفاصيل البينت اللى بحبها وحياتى والارتقاء بالروح والفكر والفعل والحركات الكئيبة دى قلت ياض عادى بتحصل بتحصل ...
بس انى الاقى كلام كاتبة اغنية اهو دة اللى ميحصلش ..!!!
قعدت افكر ياض يا دودو طب هو انت بتكتب علشان قرفان ولا عادى يعنى ؟؟
الحقيقة انى بحب مدونتى جداً ومتعلق بيها بنوع غريب كدة ملاذى يمكن بس هى قريبة من قلبى بغير ديكورها براحتى وتفرحنى !!
طب ياد يا دودو ياترى هو انت مثلا علشان كنت زمان مجنون قراءة فدة خلاك تجمع مثلا نوعية او اسلوب معين تقوم تكتبة ؟؟
مش فاهمك ؟!!
بص يا سيدى يعنى انت مثلا قرأت كتير فدة خلاك تجيب كلمة من كتاب هنااااااااااااااااااااااك ع كلمة من قصة هنا وبقيت تكتب فتطلع بالشكل اللى يخيلك تلاقى مضمونها وافكارك ف كتب كتير ؟؟
مقدرتش اجاوب لانى تقريبا كل كلمة بتلف ف عقلى بكتبها مش شرط يعنى ...
الحقيقة انى ياما كتبت حجات ومسحتها لان كان مضمونها شبية اوى اوى لحاجات اقرئها لاول مرة بس الكتاب تاريخة قديم !!!
انا بديت اتحول واسمع افلام عربى ونوعاً ما اهو باخد فكرة عن الكوميدى المصرى مش الاسفاف التانى بس بردة بلاقى حاجات غريبة ..!!
انا كنت منشن ع حديث الصباح والمساء نفسى اسمعة لا اشوفة لانة تحفة معمارية اة والنعمة بس هبطل اكتب حاجة تانى لان كدة هيبقى شكلى وحش اوى لو حد بيقرأ شاف كلامى هيقول عليا كذاب ونصاب وانا مش كدة فعلا .
انا مشكلتى انى ف الواقع مش بعرف احكى لحد ولا اشكى ولا اشيلة همومى الا اللى احبة امة داعية علية او امها مش مهم .
بس لما بكتب هنا بلاقينى رغاى اوى ومش عايز اسكت ماسورة وضربت ... عموما انا مش فذ وغيرى مش فذ ومحناش الاتنين اغبياء !!! "حد فهم حاجة " ؟؟
يعنى لما تجيلك فكرة رائعة وتحفة كدة زى ان لية ميبقاش عندنا طريق مخصص للاسعاف بس ؟؟
وبعد قرن كدة تيجى تكلم واحد وتلاقية بيقولك يا اهبل دة اصلا موجود ف اوروبا ..!!! وانت ولا تعرف بس هى مجرد فكرة ..
او لما تتخيل قصة ف خيالك وتتقمصها اوى وبعد كام شهر تلاقيها فيلم اول مرة تشوفة !!
طب بص لما تحلم بفكر وشخصية واسلوب حياة وديكور حلو كدة وتلاقية ف رواية اول مرة تمسكها !!
يخربيتك يا شارلوت ...
طب بص مثلا مثلا لما تحب تعمل فكرة خاصة بيك او حركة مجنونة كدة وفذة تلاقيها كتير اوى وانتشرت !!
او زى كدة ما بالظبط لما يكون نفسك ف حد وتفكر فية بعمق وتتمناة بتلاقية ف وشك ولو مشفتوش من فترة وف اماكن متتخليش وجودة فيها اصلا كل اللى علمتة انت يابرنس انك من اعماقك وحاجة كدة ف العقل اللى متاكد اننا لسة هنكتشف مزايا كتير لية ف المستقبل هو اللى جابة لعندك وروحك ساعدتك ..! "اللى فاهم يرفع ايدة"
والعكس اساحبى اكرة كدة حد والله ولا هتشوف خلقتة ولا حتى صدفة او اكرة انك تقابل حد بتحبة صدفة واعملها ع قبرى لو قابلتة ..
الحكاية بسيطة وهى انى حاسس بخرم ف دماغى ومش قادر احدد احنا همج ولا بنفهم ؟؟
طب هو عندنا عقل ومركون ؟؟ ولا متشابهين ف العواطف والاحاسيس والمشاعر وطبيعة البشر واحد فالفكر متقارب على حسب الشخصيات يعنى الكئيب لو قرأ روايات كئيبة هيلاقى فكرة وحياتة والمتفائل لو شاف فيلم هيلاقى افكارة والمبسوط لو دخل مسرح هيلاقى اللى يبسطة ويضحكة اظن ان الحالة المزاجية سبب ف تقارب الافكار والكتابة والكآبة والعنب العنب العنب ...
hkh ir,l hk.g hgrvt ]m jpj hg]a ^ــ^  hm ,uk]n ky.m t rgfn >>> (جملة للترجمة ترجم يا كبير) .