انا كررت اتغير .. وكان كرار صعب جدا اساحبى .. ^ــ^
بمعنى انى لازم اغير سلوكى الطفولى دة .. لما حد يزعلنى بستنى منة كلمة ومبرر زعلنى لية .. بتقمص وبزعل وببقى هعيط لو حد بحبة ظلمنى فعلا ببقى هعيط !!!
حتى احلامى للبنت اللى هحبها وهتجوزها كلها لعب .. ومواقف وتهريج وخناقات وزعل ومصالحة ومشاكل ..!!
انانى اوى ف اى شيى اخدتة او عرفتة عايزة ليا انا بس وبتمنى للكل ياخد اللى عايزة زيى ..
قصة التعاطف والتسامح والتفاهم والتماس الاعذار دى تبقى بحدود مش فعلا لدرجة ان حد يمنع عنى شيى ملكى ويكلمنى باسلوب مش كويس وبعدها بدقيقة اكلمة بذوق وخوف على مشاعرة ..!!
طفل والله بجد بغضب على اكل امى اوقات وبخاصم اخواتى واصحابى واخد جنب وانا بحبهم جدا ..
بحب اللعب والمرح على عكس كتاباتى .. انا اصلا وهم سراب قريب هينتهى من عالم النت دة عالم دنيء اصلا ..
النهاردة اخدت لفة علية كدة وانا مقاطع التكنولوبيا محبش اتعمق فيها بدائى انا وقديم زى تاريخ ميلادى .. وعنيد ..
لقيت مناظر غريبة ع الفيس وصفحات سافلة وناس حاطة ارقامها وشبابنا هايص خالص وبتمقص من اية ومن مين معرفش ورغم انى معرفهمش اصلا ..!!
كمان شفت صفحات هادفة وجميلة وولاد وبنات زى الفل .. والكارثة لقيت حد اعرفة شكلا ف الجامعة حد منزل صور خاصة لبنت وعامل بلاوى باسمها اتصدمت .. اخاف ع نفسى بقى .. اية يقعدنى ف عالم زى دة ؟؟
بلا نت بلا بتنجان .. ثم انى طالما بحلم بشيى والدنيا كلها ماشية بالماديات ومبقاش فى مبادىء ولا قيم واخلاق طيب لية مبقاش حد كويس وانجز وقتى واحافظ على اللى بضيعة ف الهوا وبساعد بية ناس بتبيعنى ف مصالحها ؟؟
فى ناس فعلا كدة ساذجة زيى لسة موجودين .. ببقى فاهم انة بيستغبانى وبساعد وعادى يعنى قلبظ دماغك ..
لو كتبت بعد كدة هكتب قصص كدة اصيرة نهايتها سعيدة واوقات حزينة وف دفاترى يكون افضل يهمنيش الكام رأى اللى بيجولى ع الميل من الناس .. هبطل بقى انا كبرت ولازم افوق عايش من غير هدف ف حياتى العملية كل اللى اعرفة السفر بس ومش محدد هدف
شايف الدنيا كلها بخير وكويسة وطيبة والامور هتمشى ومش هتقف .. تفكير طفولى واحلام طفولية وافعال طفولية ورخامة طفولية وارجع اقول تعبان زهقان قرفان ,, لانى مش عايش سنى ايوة حاسس بمسئولية تجاة ناس معينة وحاجات معينة بس هى مضمونة وطلباتها موجودة مش بشيل همها .. اسلوب التعاطف والرقة والعتة المغولى دة هخنقة واقتلة .. كنت بستغرب اوى لو واقفين تلاتة وحد بيحكى شيى ببقى مصدقة وعادى بقول هيكذب لية ..؟؟
والاقى اللى واقف معانا بعد مايمشى يقولى كذاب "هجاص" متصدقوش دة لبط وكنت ابصلة واتخنق منة لية بيقول كدة واية يخلية يسىء الظن حتى لو صح .. ودة من الهبل بتاعى بردة فيها اية يعنى لما اتغير ؟؟
مش صعبة .. الحمد لله لقيت هواية جديدة .. الا وهى الصيد .. هضمها للقراية والكآبة وتبقى مكان العوالم الافتراضية ..
دة انا كان فى حد هنا يكلمنى وقت مايكون محتاجنى واقف جنبة ويقولى لية بتعاملنى كويس ..
ويوم ما على صاحبى مات كنت بكلمة وجريت وسبت كل حاجة مفتوحة رجعت وملقتش منة حتى رسالة يطمن وقلتلة صاحبى مات وجريت طب بعدها معبرنيش بالسؤال عنى وف عز قرفى كنت بلاقى متعتى ف انى اخفف عنة واحسسة بقيمتة كــ انسان .. او قيمتها ..
دة انا غبى فعلا .. طب ماطول عمرى اللى مش عايزنى مش بفرض علية نفسى وبمشى ولو احتجنى برجعلة ,, لية بقى ازعل ؟
طب اللى مش عايزنى براحتة .. انا مش بحب السمك  حد يقدر يأكلنى سمك غصب عنى ؟؟
لالالالالالالالالالالالالالالالالا
اهو انا بقى مش هفرض نفسى على حد حتى لو بعشقة .. وبالنسبة للسمك اللى بصطادة وهصطادة بمسكة واقولة خدلك فرصة جديدة للحياة يا اهبل ومعظمة لسة سمك صغير ميعرفش حاجة بفرح وانا بديلة حياة جديدة .. والله معتوة ..
مش هبطل رغى .. هقوم اخد دش واصلى العشا واستنى الفجر .. وفى فيلم انيميشن بتاع سمك هسمعة ههههههههه صدفة ..
فى جرس منبة بيرن بيرن زننننننننننننننننننننننن واحد ذكى ظابطة ع 2 لا معاد صلاة فجر ولا معاد ولا ......؟؟؟ لا استنى ممكن يكون جارنا هيتسحر علشان الخميس بكرة ... ^ــ^ ..
وسمعنى سلام من اول رمضان هكون انسان جديد .. اييييييييييييييييييية اهبل ومغلطش لما حطيت رسالة مع منبة موبايلى وهو بيصحينى يقولى اصحي يا اهبل ظبطة مرة لاخويا الكبير لانة قالى اظبتة ع 6 وحطيتة جنبة ع سريرة صحى تانى يوم قالى بتقولى اصحى يا اهبل مااااااااااااااااااااااااشى ههههههههههه فهم غلط يلا ايام تنقضى ذكريات بكرة تعدى وتعدى وتعدى  ونمشى بذكرى جميلة وطيبة اظن انى امشى بذوق وفكرة طيبة احسن من تكون العكس .. تصبحوا ع خييييييييييييير ... وقبل ما امشى فى ناس بتدخل هنا ف اليوم متوسط 40 زيارة للمدونة ببقى هموت من الفضول واعرف مين دول واقعد ادور ع البلاد اللى داخلين منها وفى من روسيا ،، واميركا ،، ولبنان ،، والمفاجئة اليابان واستراليا مستنيكى يا صين يا صفرا علشان اجيلك هع طفل فضولى ومجنون .!!