ما هو ؟؟!

وان مت سامحونى ... وادعولى والمصحف ما ناقص حد يدعى عليا ...
اى حد زعلته او اسأت ليه او عملت شىء يضايقه يسامحنى ..
اى حد دعى عليا فى وشى قبل كده يبطل كفاية بقى ادعيلى من هنا وجى ...
اى حد شايف انى وحش ومش كويس بطل تفتكرنى بسوء ...
اى حد شايفنى كويس ميبطلش يدعيلى ...
وعلشان ناس كتير شايفين انى بغلط بطلب تسامحونى واسف جدا لو زعلت حد غصب عنى .
كفاية ذنوبى ...
اكيد هيجى يوم والمدونة دى تبقى ذكرى ومهجورة :(
# بكتب وصيتى ياناس :(

قيام الليل اول حاجة صح بعد حاجات كتييييييييييييير غلط  ...
الحل والسعادة فى الانضمام الى قوافل العائدين ... يامسهل الحال يارب ..

ايوة انا بفكر بشكل دنيوى ومش هعيش شحات او باكل على ادى او البس على ادى علشان اعجبكم ..
ايوة بسعى وعايز يبقى عندى شغل مستقل بيا ،، بيت كبير او فيلا ،، عربية فخمة وشيك ...
وفلوس كتيير ... انا مادى بحت ياولاد الوزة .. بينصحونى انى مبقاش مادى !!
اذا كان انتم ظروفكم زفت وكل تفكيركم تسددوا ديونكم ويبقى معاكم فلوس !!
وتكلم الواحد تلاقى كل حياته مادة بلدنا كلها اصلا عايشة بتفكر فى الفلوس واللى معاه فلوس يسلك ويمشى ويحترموه ..
اصلى ياولاد المرة عايش فى بلد وسخة لا هتأمن ليا مستقبلى ولا هتعيشنى كويس ولا حتى لو مرضت هتهتم بيا وبعيلتى ..!!
كل اللى انا بطلبه ده يتحط تحت بند انسان  ولسة مجرد احلام فى واقع سخيف وصعب ..!
عايز اعيش انسان وده اقل حق ليا فى الحياة انى اعيش محترم عندى بيت محترم وشغل محترم ثم انى لسة صفر اليدين ..
ببتدى من سالب 100 يعنى قدامى فيلم على ما اوصل للصفر !
مش عايز حد يجى يقعد ينتقد ويقرفنى الماديات مش كل حاجة صح بس برده المبادىء والاخلاق مش بتأكل عيش .
# شيزوفرينيا

الغريب ...

اول مرة اكتب بصيغة البنت ^ـ^
ـــــــــــــــــــــــــــــــــــــ

كانت دعوة عامة للجميع لمشاهدة فيلم ... وكان ذلك يتكرر كل اسبوع ..
ودائما ما كنت اذهب للحضور انا وبعض المتحمسين تبدو وجوههم مألوفه نتحدث سوياً ... نتبادل الافكار ويطول النقاش حتى بعد انتهاء العرض الا ذلك الغريب ..!
احدهم كان يأتى متأخراً يجلس بعيداً وما ان ينتهى العرض يرحل كنت المح فى يديه كتاب يحمله معه ..!
مرة اخرى اهتم لامر هذا الرجل الغامض يمتلك وجه كئيب لكننى اشعر بالطيبة فيه نادراً ما اراه مبتسماً ...
يتحول نظرى من مشاهدة الشاشة الكبيرة لمشاهدته اراقب تصرفاته ... فى استراحة قصيرة كان يترك صالة العرض ...
ويخرج اخرج ورائه لمراقبته يختار كرسيا بعيداً عن الجميع ويجلس يشعل سيجارة ويطلب قهوته التى يغيرها كثيراً .
يبدواً انيقاً وبداخله الكثير من الوجع او الذكريات ...!
يبدوا اننى اهتم لامره لماذا هذا الصمت ؟ لماذا يحب وحدته واشعر انه يستلذها ؟؟؟
لماذا يبدوا غامضاً وغريباً .... وهذه المرة بعد انتهاء العرض ذهبت اليه مباشرة .. ينظر الى ابتسمت له ....
شفتاه لا تتحرك من مكانها دقات قلبى تعلوا وتعلوا ماهذا الاحساس الذى اشعر به لاول مرة ...
كأننى اشعر بالخوف والامان فى حضرته .. اطرافى كانت باردة وحينما اقتربت منه زادنى دفىء !
اجميل هذا الشعور ام مخيف ؟؟؟
كان واقفاً كأنه فى انتظارى يداه ممسكة بكتابه والاخرى متساوية معها فى جانبه ... لو انه يبتسم كنت سأطمئن اكثر ..
لكننى مُصرة على ان اتحدث اليه اقتربت منه اكثر وفى محاولة منى لبدء الحديث فاجئنى ..
_ انا عمر ... وابتسم
فاطمئن قلبى ورحل الخوف عنى لكننى فقدت النطق وصمت ....
فقال لى هل اعجبك العرض فقلت نعم ...
ثم عاودت السؤال عليه فقال نعم .. قلت وما اكثر المشاهد التى اعجبتك فصمت ََ !
فعاجلت بسؤال آخر كم الساعة الان ؟
اجابنى التاسعة ..
ولم يسمح لى ان انطق بكلمة اخرى قال استمحيك عذراً على الرحيل كنت سعيداً بحديثى معك .. ورحل !!
وزادنى حيرة لم يكن يتابع العرض بل كان شارداً لانه لم يجيبنى على سؤالى !!
ابتسامته جميلة ... طويل القامة .. يشعرنى بالهدوء وانا امامه طغت رجولته على وشعرت بالامان ...
رحل هذه المرة وقد انتظرته فى الاسبوع القادم ولم يأت اصابنى الحزن كأنه اصبح جزء من العرض ...
مر شهران على غيابه وانا انتظره هذا الغريب الذى اخذ مساحة كبيرة من عقلى فى تلك الفترة الصغيرة ...
وها قد جاء ....
لم انتظر قبل العرض بدقائق جلست هناك فى هذا المكان الذى دائما ما اراه فيه علنى اراه بوضوح
جلس جانبى  لا ادرى ماهذا الشعور الذى ينتابنى حينما اجلس جانبه ..
اعلم انه خجول ويبدوا انه لا يحب المفاجئات لكنه بدأ كلامه معى بالسؤال عن حالى فاجبته اننى بخير حال ..
قلت وانت قال بخير وصمت وصمت معه ...
قبل انتهاء العرض بلحظات طلبت منه الا يرحل وان يأتى ليتعرف على البقيه ونتحدث كما نفعل دائما ...
ظننت انه سيرفض لكنه ابدى اعجابه بما عرضت عليه ...
تجمعنا وبدأ حديثنا يتطرق الى مواضع اخرى  يجلس صامتاً لا يتحدث كثيراً ... يبتسم ...
يستمع الى هذه وذاك ولا يشاركنا الحديث يزداد غموضاً وازداد حيرة فى هذا الرجل الغريب ...
لم ينتظر حتى ينتهى اللقاء بل قام واعتذر للجميع وقال ان عليه الرحيل وغادر المكان ...
ذهبت ورائه ناديته فالتفت مبتسماً !! اشعر بالخوف منه حين يحدث احدهم دائما ما يبدو مبتسما وحين يكون وحيداً نادراً ما اراها !
قلت له لما سترحل ؟
فقال سئمت مما يقولون لا طاقه لى به ...
فقلت اذا سأرحل معك ..
قال الى اين ؟
قلت الى هذا المكان الذى انت ذاهب اليه !!
فابتسم وقال انا ذاهب الى اللاشىء لا املك وجهة
فقلت اذا سآتى معك ! لم اشعر بما افعل لم احدث رجلا فى حياتى قط ولم اصادق احدهم ولكن هذا الغريب يجذبنى اليه بكل مافيه ..
من جمال الروح وجاذبية الكلمات ...
قال يا انت انا حتى لا اعرف اسمك لكننى اتسائل ماذا تريدى ؟
اجبته لا اريد منك شىء فقط اود ان اتحدث اليك ..
قال ما اسمك اذا ...
مريم ... انا مريم ..
ازداد البريق فى عينيه وابتسم وقال اذا لك الخيار يامريمة الى اين تودين الذهاب ؟
احمر وجهى خجلاً فأطلق ضحكة جميلة ثم قال اذا يبدوا اننى سأفعل كل شىء ...
تعمدت ان اقترب منه اثناء سيرنا فى احد الشوارع القديمة وتعمد هو الاخر ان يبتعد عنى ..!!
سألته من اين انت ؟
فقال لما !!
قلت فقط لاعلم من اى البلاد انت
فقال انا هاهنا امامك كلى .. لن يفيدك بشىء اذا علمتى من اى البلاد انا ...
اجبرنى على السكوت وقد بدأ الحزن يتسلل الى قلبى لماذا يفعل بى مايفعل .. لما هل يكره وجودى ..
 كنت على وشك سؤاله هل تكرهنى ... التفت اليه فوجدته مبتسما فقلت ماذا يدعوا للابتسام ياعمر ؟
فقال انا لا اكرهك يا مريمة ولا اكره وجودك !!
صعقتنى هذه الجمله هل قرأ افكارى ؟؟ هل رأى سؤالى فى وجهى ؟
يزداد غموضاً ويبدوا اننى احب هذا الاحساس علنى اصل الى ضالتى فى نهاية امرى ...
انتهى بنا المطاف الى مكان هادى بسيط .. قال هنا سنجلس فــ اومأت برأسى موافقة فجلسنا ..
انتظرنا قليلاً حتى جاء شاباً صغير السن ينتظر فقلت له اريد قهوة مثلك ....
فقال اذا لك ماتريدى يا انت اذهب واحضر لها قهوتها واحضر لى شيئا آخر  ..
شعرت بالاهانة هل يستكثر على ان اتناول ما يتناوله ...؟
لم يبالى وما ان اتت قهوتى سحبها امامه واحضر لى كوب عصير كان قد طلبه وقال هذه لك ..!!
ابتسمت وراقنى ما جاء الى به حتى تناسيت قهوتى التى اردت ان اقلده فى شربها ..
ووجدتنى اراقبه وهو يتناول قهوته انظر الى تفاصيله لا اتكلم ولا يحدثنى عيناه ثابتتين على شىء ما خلفى ..
اردت ان اكسر الصمت بيننا فقلت له مالذى يجذبك خلفى ..؟
فقال الوقت ... ! الوقت يا مريمة قد مر وعليك الرحيل فأنتبهت واصابنى الحزن وقلت اذا على الرحيل ..
شخص بسيط جميل اود لو اننى قضيت مع من الوقت اكثر ...
اصر على ان يوصلنى استوقف تاكسى ثم ركبنا طال طريقنا ولم يتحدث لى ازددت فرحا حينما جلس بجانبى هذا كل ما اردت ..
يبدوا اننى لا اهتم لامره فقط بل اتعلق به !!
مر الوقت سريعاً رغم طول الطريق ثم قلت لسائق التاكسى انزلى هنا فودعنى ورحلت ...
تناسيت ان اطلب هاتفه لاتحدث اليه شعرت بالخجل ان اطلبه منه ولكننى فى المرة المقبلة سأطلبه دون خوف او خجل ...
انتظرت ان القاه ثانيا فى اسبوعى القادم لكننى لم اذهب فأمى مريضة ولم استطع ان اتركها ... تمنيت ان يصل الى ..
انتبهت الى هذا الموقع الذى ينظم الدعوة وبحثت عنه "عمر" ... لكننى لم اجده ...!
وبعد غياب ها انا ذاهبة للعرض وكأننى فراشة تطير بجناحين لاننى سألتقيه ... لكننى لم اجده !
وفى غيابه  كأننى طفلة غاب عنها والدها كأننى افتقدت جزء منى تشتت وتثبتت عينى افكر فيه فإذا به يدخل متأخراً كعادته ...
طرت فرحاً وددت  ان اخبره اننى انتظره واننى هنا لاجله لا من اجل العرض ... اشار الى من بعيد واشرت له .
فى الاستراحة ظل جالسا فى قاعة العرض ذهبت اليه جلست جانبه واطمئننت عليه واطمئن علىٍ ... وطلبت منه ان يصطحبنى مرة اخرى معه بعد الانتهاء فاليوم بدء العرض مبكرا وامامنا الكثير من الوقت ... تقبل الامر ... وبعد الانتهاء سرنا سوياً
 اخرج قطعة شيكولا من جيبه وفاجئنى بها وقال هذه لك ... لمعت عيناى حباً !
وقال مرة اخرى يامريمة الى اين تودين الذهاب .. قلت انا معك اينما تذهب لن اتركك ...
فقال تشبهيها يامريمة ... قلت من ؟ قال طفلتى الصغيرة .. قلت هل لك طفلة ؟ .. قال نعم كان لى ....
فأعتذرت وشعرت بالحزن لشىء ما داخلى ... ومضينا نكمل طريقنا ...
سألته هل هذا سبب الحزن فى عينيك ؟؟ قال وهل ابدوا حزين ؟ قلت نعم  .. قال ربما .. وربما هو الحنين ..!
وماهذا الكتاب الذى كُنت تحمله دائما معك فقال ... هى ايضا كُنت احملها وربما احمل احلامى ..!
قلت اخبرنى مابك تحدث انا هاهنا من اجلك .... فقال ليس لدى مايُحكى فلنستمر فى المضى اقتربنا من الوصول ...
مرة اخرى ذهبنا الى مكان قديم يبدوا انيقاً مثلة بسيط كطباعة جلسنا والجميع يلقون عليه التحية اظنه يأتى هنا كثيراً ..
باغته وقلت له اريد قهوة مثلك ... ابتسم وقال مازلت صغيرة يامريمة خذى شيئ آخر ... رفضت فقال كما تشائين ..
وطلب شيئا آخر واتى لى بقهوتى وهذا مافعله معى كثيراً بعدها كف عن تناولها وانا معه حتى ابتعدت عنها معه ايضا ..
هل لهذا الحد يخشى على الاخرين ؟!
تحدثنا كثيراً ومراراً ومضى الوقت بيننا ،، فى احدى المرات ترك لى هاتفه واخبرنى انه لا يحبه فلا تنتظرى ردى كثيراً .
ففعلت لكنه لم يتجاهلنى مرة !
سُررت اكثر حينما كان يطمئن على من حين الى آخر انشغلت عنه لمرض امى ومرت الايام ولم يعد يأتى الى العرض مرة اخرى واخبرنى انه سيكف عن القدوم ... واخبرته اننى لن اذهب بدونه ظننت انه سيأتى من اجلى لكنه قال كما تشائين واغلق معى وغاب !
هاتفه مغلق !!
ايام كثيرة تمر وانا اشعر كأننى اضعت حلم كأننى اضعت حياة وكأننى افتقد شىء منى ...
وقد اشتد مرض امى واخبرنا الطبيب ان ايامها قليلة  فـــ اعتدت البكاء كل ليلة.. شعرت بالاختناق واننى اود ان التقيه لاتحدث اليه ويحمل جزء من همى .
دائما ما كان يخبرنى انه اكثر ما يؤلمه ان يرى احد يتألم او يرى الوجع فى عين احدهم ... اخبرنى مراراً انه على استعداد ان يدفع عمره لقاء سعاده احدهم ... كان لى بمثابة الحياة كأنه سيرد الروح الى امى او سيكون لى كأمى ...
بشكل ما كان بطلى .. كان مُنقذى ... كان كل شىء يبدوا اننى احبه يبدوا اننى لاول مرة اشعر بالحب يدق بقلبى ..!
حاولت كثيراً ان اصل اليه وتركت له رسائل كثيرة عله يراها ويحدثنى ولم يحدث ...
ماتت امى ... وبلغ الحزن فى قلبى ما بلغ ...
اثناء جنازتها لمحت شخصاً اعرفه جيداً .. شخص تمنيت ان التقيه صدفه  كنت ادعوا الله ان يأتى ...
كان هو ..!!
لا اعرف كيف جاء اليه الخبر لكننى لم اندهش كعادته فقد كان يقرأ الاشياء قبل حدوثها ... كنت مضطربة .. حزينة ...
مرهقة الجسد انتهى اليوم وفى المساء حدثنى كثيرا يواسينى لم يتركنى لحظة كأننى لم افتقد شىء فى هذا اليوم ...
ظننت ان مايحدث لا يحدث الا فى الاساطير فقط كيف لرجل ان يُنسينى حزنى ؟؟ كيف له ان يسرق وجعى وهمى ؟؟
كيف له ان ينتشلنى من الحزن ؟؟؟
مر الوقت وتداوى جُرح الرحيل ... والتقيته امسك يدى واحتضنها واعتذر لى كثيراً حينما تركنى وحيدة قبل موت امى ...
بكيت وقد تجمعت كل الذكريات فى رأسى فأحتضنى !!
طفلة فى حضن ابيها احتضنى ولم يعرفنى الخوف او الحزن بعدها ابداً .. كُسرت كل الحواجز وحُطمت القيود بيننا ..
هو من فعل انا لا شىء لى وان لم افعل من قبل فلم اشعر بالاسى او الاسف تجاه مافعل كنت فى حاجة لان اشعر بالامان ..
لم اسئله لما فعلت ...
كنت فى حاجة لان اشعر بالحنان وقد اعطانى جرعة تكفينى لايام طويلة ....
امسك يدى واخذنى ورحل لم اسئل الى اين ولن اسئل ولا اريد ان اتركه ... مضى اليوم وانا فاقدة الشعور بالاوقات والازمان ...
مر وانا لا اتذكر شىء سوى هذا الرجل هذا القديس الذى سقط من السماء لالتقطه او يلتقطنى وحده القدر من وضعه فى طريقى ...!
اليوم اصبح دقيقة معه لم اشعر بروحى  الا وانا فى نفس المكان الذى تركنى يوم ان طلب ان يوصلنى الى منزلى ..
ودعنى ورحل ورحلت روحى معه وانتظرت بعدها كى يحدثنى هذا الذى سرق حزنى ..هذا الذى ترك لى فرحاً يكفى لسنوات .. انتظرته طويلاً ولم يأت ..!
يُتبع .
 NOUR BAKRY

ومازلت ادعوا الله ان يجعل الخير فى ويجمعنى بك ...

1000

عند المشاركة الــ 1000 كنت دايما حاسس انى هعمل حاجة مفيدة او هاخد قرار بعد الف تدوينه !
يعنى مثلا بقى اى قرار ... مثلا انى ابطل اتعب وكل يوم حاجة تضايقنى وابلبع علاجات !!
او اطلب من الناس اللى كرهانى وشيفانى ظالم تبطل تدعى عليا !!
او مثلا اقول كلام عمرى ماقلته وسهل جدا اكتبه بس صعب جدا اقوله او انفذه !!
يعنى مثلا فى ناس شيفانى سافل رغم انى عمرى ماقلت لفظ وسخ وبتكسف جدا بس انا ممكن اقوله لانى عارفه  مهواش مستخبى منى يعنى انا بسمعه كل يوم من الناس لبعضها ...
ممكن مثلا عند المشاركة الالف اتكلم عن #الاحا وفوائدها فى الجمل والمواقف ماهو انا سافل بقى ^ـ^
رغم انه لفظ عادى جدا ومتاح مباح ...
ممكن مثلا اقف فى نص المترو واشتم فى ام الشعب ابن الكلب البهايم البقرى الحيوان ده !
ممكن مثلا انتحر عند المشاركة الالف وممكن اموت لوحدى !
ممكن اقفل كل حاجة وامشى اروح اى مكان اعيش واتعايش عادى !!
ممكن افكر بشكل مختلف واخد قرارات جديدة !!
والطريف انى بقالى كام يوم تفكيرى متغير تماماً وافكارى واخده اتجاه تانى خالص .." لعنة المشاركة الالف "!!
مثلا ممكن اشتم ناس كتير وابقى قليل الادب واشرب مخدرات واصيع بقى ..!
وممكن اروح اكشف ع معدتى اللى قرفانى فى عيشتى ومش بتاخد اكتر من وجبة واحدة طول اليوم !!
ياااااااااااااااااه "كرارات " كتير كنت بفكر اخدها مع المشاركة الالف لاحساسى انها مختلفة !
ممكن مثلا ما اكلش الشوربة اللى امى لسة جيباها دى لانها حاطة فيها لمون وانا عندى حموضة !!
وممكن احب يوم التلات لانى بكرهه من صغرى ...
ممكن ابطل سخافة وبيض عادى يعنى كل شىء جايز مع المشاركة الالف ^ـ^
وممكن اكبر بدل ما انا شخصية طفولية بالشكل الغبى ده ..!!
ممكن اقابل كام واحد السعهم كام قلم ع قفاهم لانى متغاظ منهم وارتاح بقى عادى يعنى المشاركة الالف دى كأنها سنة جديدة ليا !
ممكن اجيب كبشة صواريخ وارميهم فى بلكونة الجيران واقولهم كل سنة وانتم طيبين بمناسبة الالف !!
ممكن ابطل جنان واسكت يعنى برده !
وفــ الاخر طلعت المشاركة الالف بالشكل المخيب لآمالى ده ! بس مش مهم .
بس غالبا القرار الصح هيجى لوحدة وفى ساعة الصفر وفى ساعة الانقضاض هتصرف .
# تهيس مرضى

شوية حاجات ملهمش دعوة ببعض ^ـ^ 999

الرائعون هؤلاء الذين تهاجمهم بالاخطاء فيردون بالحب لا تجد منهم الا الحب مهما اخطأت ... هؤلاء اولى بنا ان نحملهم فى قلوبنا ..
لكننا آسفين لا نهتم بمن يحبنا فقط لاننا لانحمل مشاعر تجاههم  ..
على الجانب الاخر هناك من يهاجمونك بالكرة لا لشىء سوى لضعف نفوسهم ودنائتها ... يحملون داخل صدورهم غلاً وحقداً فأولى بنا ان نتجاهل تلك القلوب السوداء ...
تترك الايام فى قلوبنا ندبات لا تتركنا مهما حيينا .. تترك اوقات جميلة وقلوب راقية وتترك ايضاً ذكريات قبيحة وقلوب سوداء !
يجب علينا ان نمضى فالحياة تستمر رغم وجع الذكريات او قبح الفراق لابد ان نستمر ... لا نلتفت لمن يسىء ...
ـــــــــــــــــــــــــــــــــــــــــــــــــــ
هذه الاحاسيس التى تجتاحنى من حين الى آخر وهذه الرغبات التى تأتى ... رغبة شديدة فى ان امضى كل عمرى وانا اطوف تلك البلاد ..
ارى اشخاص ،، بيوت ،، عادات ،، ارى الحزن والفرح ،، ارى الدفء والاطمئنان ،، ارى التشتت والوجع .. احيا حياتهم قليلاً وارحل الى مكان آخر ..!
تمنيت لو اننى احتضن هذا الكون ..
عن هذه الاماكن التى كانت مملؤة بالاحلام يوما ثم هجروها ،، كتلك البيوت التى تركها ساكنيها ورحلوا وبعدما كانت تدب فيها الحياة اصبحت مهجورة عن هذه الاحاسيس الغريبة بالحنين والحياة والحب والهجر ..!

اين ذهب ساكنيها ولما تركوها وحيدة ؟!

ـــــــــــــــــــــــــــــــــــــــــــــــــــ
اجلس وحيداً افكر ماذا اريد فلا اجد شىء !! انا اللاشىء  .
قال لى احدهم حدثنى عن احلامك فلم اجد لى حلماً واحداً او هدفاً ادركت حينها اننى اخدع ذاتى واكذب عليها !!
ثم قال اذا حدثنى عن انجازاتك فبحثت كثيراً ولم اجد شيئاً قد فعلته فصمت وقلت انا كذاب .. انا اللاشىء ياصديقى فلا تهتم !
ــــــــــــــــــــــــــــــــــــــــــــــ
انا لا اجيد صنع الابتسامة !! املك وجه كئيب مُحمل بالحزن على اللاشىء !!
ماذا هنالك يدعونى للاكتئاب ؟؟ لا شىء !
ماذا يدعوا للحزن ؟؟ لا شىء !
انا اناء فارغ لا املك شىء داخلى لاشىء يسكننى الا الفراغ .
ـــــــــــــــــــــــــــــــــــــــــ
ابتسم مزاجى جيد ثم عصبى وسىء المزاج وسريع الغضب وساخط على كل ماحولى ساخط على البشر والحيوان والجماد وكل شىء !
ارى انثى جميلة فأبتسم علنى يوماً ما سأجد من احبها واشعر بالحنين اود لو انى احتضن احداهم حباً وشوقاً لغائبة انظر الى جنسهم بحنين مفرط وحب كبير لا احب من يظلمهم او يسىء اليهم فقط لان من احبها من جنسهم !
ثم اكرههم جميعاً ولا اطيق النظر اليهم ولا اود القرب منهم ... ابتعد عن كل ماهو مؤنث وان كان اقرب الناس الى قلبى !!!!
احب الجميع دون استثناء واهتم لوجودهم واصنع لهم الفرح ثم ابتعد عنهم لا اريد ان احادثهم وان اراد احدهم اغضب منه وعليه ..
يثيرون غضبى سريعاً رغم اننى احبهم وايضا لا اطيقهم !!
احب وجودى معهم كثيراً واسعد بذلك لكننى احب عزلتى اكثر فى بعض الاوقات واهرب منهم !
ــــــــــــــــــــــــــــــــــــــــ
لا اجيد الحفاظ على الاشياء رغم تعلقى بها .. ربما هذا الشعور الذى يلازمنى دائما هو السبب ربما هو الموت الذى يفرقنا هو السبب !
اتمنى لو ان الجميع يحبوننى ويرونى فى وقت ما ... وايضاً اتمنى لو انهم يخرجون من حياتى لئلا يشعر احدهم بالحزن مع رحيلى واتمنى ان اختفى دون سابق انذار ولا يروننى ابداً ..!
ـــــــــــــــــــــــــــــــــــ
من الممكن ان احبك جداً وابقى جانبك طيلة الايام والشهور ومن ثم ابتعد او اكف عن الاهتمام  على الرغم من اننى مازلت احبك !
ــــــــــــــــــــــــــــــــــ
ارى اننا خلقنا نملك مزايا كثيرة لا نلتفت اليها ... لماذا نتطفل على الاخرين ؟؟ لماذا نتدخل فى شئون الاخرين ؟؟ لماذا يجب علينا ان نتدخل ؟؟
فى هذا المستنقع الذى احيا فيه لماذا لانحترم انفسنا ونحترم الآخرين ؟ لماذا لا نحيا كالبشر لما لانحيا كما خلقنا الله ؟؟!
لماذا لا نحترم جنس آخر ولما يُفضل الرجل على الانثى ولما الانثى هنا ترى انها جسد فقط تثير به غريزة الجنس الاخر كالحيوان !!
ماذا لو تبادلنا الاحترام ماذا لو اكتفينا بنظرة وابتسامة ماذا سيحدث حينها ؟؟!!
نحن لانكتفى لابد ان نتكاتف وان نصبح روح فى جسدين فى الشوارع ووسائل المواصلات ... يأتى الرجل او شبه رجل ككائن لزج يلتصق فى الجنس الاخر الذى يراه خُلق فقط لاجل خدمتة ومتعتة !!
ماذا لو  كنا بشراً ماذا سيحدث لنا ان ارتقينا ؟؟ ماذا سيحدث ان تقبلنا افعال وانفعالات الآخرين ؟؟ ماذا لو التسمنا الاعذار ؟؟
ماذا لو اكتفينا من سوء الظن وقبح الفعل ؟؟ ماذا لو تبادلنا التحية بابتسامة وحب ؟؟
ماذا لو احترمنا انفسنا واحترمنا الآخرين ماذاان حيينا كالبشر كما خلقنا الله ؟؟
ــــــــــــــــــــــــــــــــــــ
كل منا يحمل بعض الاشياء فى داخله تجاه شخص ما جميلة او قبيحة حين يرحل احدهم يأتى الوقت ويثبت لنا ان الجمال كان قبح وان القبح كان جمال حينها يؤرقنا الضمير لاننا اسأنا للجميل واحببنا القبيح !!
وحدها الايام من تثبت لنا من كان جميلاً ومن كان قبيحاً حقاً من يحمل السعادة ومن يحمل الكره .. نكره الوقت الذى جاء بالحقيقة متأخراً لاننا لم نعد نعلم اين هؤلاء واين يعيشون وهل هم احياء ام اموات فنكتفى بالاسف داخلنا نكتفى بالوجع لاننا اسأنا لاشخاص رائعون ...
ــــــــــــــــــــــــــــــ
بعض الاوقات لانجيد فهم الاخرين لانجيد فهم تقلب مزاجهم او تكوين نفوسهم فنسىء اليهم وهم صامتون لانرى فيهم الخير ونظن بهم السوء ويمر الوقت وتتسع الرؤيا ونرى اننا كنا نملك عيناً واحدة كنا نرى بها نعلم اننا لم نعطى انفسنا مساحة كافية لنرى هؤلاء على حقيقتهم .. ربما هم يعلمون انهم ليسوا بهذا السوء لكنهم يرحلون ولا يدفعون عنهم الشر ولا يدافعون عن انفسهم ربما لانهم يعلمون داخلهم اننا مخطئون وربما لانهم يعلمون ان الايام هى الحكم المنصف .. وربما ايضا لانهم ادركوا مدى ضيق صدورنا وانهم وان فعلوا لن نبرأهم ابداً ولن يخرجوا من سجن الاتهام الذى وضعناهم فيه فيرحلون بنصف مرفوع القامة واخر منكسر حزنا واسفاً على مافعلنا بهم ...
ــــــــــــــــــــــــ
فلنمضى ونحمل الخير دائما اينما تحط اقدامنا فقط اينما كنت كُن بشراً كما خلقك الله .

3

يُقال اننا جميعاً نفقد 21 جراما من وزننا فى لحظة معينة من موتنا ،، انه يساوى وزن كومة من القطع النقدية ،، وزن قالب او قطعة من الشيكولا ،، وزن طائر ....
ـــــــــــــــــــــــــــــ
الحياة تستمر ....
ـــــــــــــــــــــــــــ
شىء رائع ،، فيلم عبقرى  ..
نفسية ،، معاناة ،، فلسفة ،، تشبث ،، استفهام ،، قدر ...

عبدالرحمن محمد - قولو لها ...4

قولوا لها اننى مازلت اهـــواهــــــــا .... مهما طال النوى لا انسى ذكراها ...
ـــــــــــــــــــــــــــــــــــــــ
واللى هيسمع حاجة من الاتنين يتحمل الذنب لوحده انا برىء ...^ـ^
https://soundcloud.com/search?q=%D8%B9%D8%A8%D8%AF%D8%A7%D9%84%D8%B1%D8%AD%D9%85%D9%86%20%D9%85%D8%AD%D9%85%D8%AF

علشان يشبهلك ... 5

كان نفسى اناديلك ياحبيبتى ،، كان نفسى اناديلك وناديته ..
كان نفسى اناديلك اشكيلك اسمع منك ابكيلك ،، كان نفسى انورلك قمرى واعملك بــ إديا الشاى ..
احكيلك فى الليل حكاياتى واغنى لعنيكى بناى ،، كان نفسى اضمك وبقوة اضمك انتى مش هوه ...
كان نفسى اناديلك احكيلك اسمع منك ابكيلك ،، كان نفسى وجريت ايامى وخدنى البحر وودانى .... كان نفسى .

6

عيدى انت .. فرحتى انت .. سعادتى انت ..

7

8 هلوسة

الموت ..!
الموت هو الحقيقة المطلقة الوحيدة اللى كلنا بنهرب منها او نستخبى منها !! فى كل مرة كنت احضر دفنة حد كنت لازم اقف قدام القبر وانزله وهو مربوط فى كفن لا حول له ولا قوة .. كنت دايما اسمع كلمتين عند نزوله القبر الاولى هات "الامانة" والتانية الله يسامحك يا فلان ... وبعدين نمشى من شوارع مختلفة نرجع بيوتنا .. ناكل ،، نشرب ،، نفرح ،، نلاعب اولادنا او زوجاتنا ...
ونكتفى بــ الله يرحمه !! كان طيب او كان مؤذى ...
الموت اللى كلنا رايحين ليه وطالما رايحين ليه فملوش لزوم نخاف منه لاننا كده كده هنواجه السكرات وعزرائيل ...
الموت اللى بحسه دايما قريب منى ولمسته فى موت ناس قدامى فى ثوانى  ..
الموت اللى لو وقفت سئلت نفسى بصدق هو انا عملت ايه كويس علشان ابقى اد الحياة الجديدة دى هلاقينى صفر اليدين !!
انا اصلا بشك اوقات فى وجود ربنا والحساب والعقاب والجنة والنار !!
انا تايه مليش اى هوية وعمرى ما اخدت موعظة من الحاجات الكتير اللى شفتها .. فى كل مرة دخلت فيها صديق او غريب قبره كنت بقول هو اللى مات مش انا وماخدش عزاء حد الاولى اننا نعزى الاموات ونصرخ ونسئلهم شايفين ايه ؟؟!
الموت اللى بحسه اقرب ليا من نفسى واوقات كتير بستسلم ليه واتشاهد كنوع من الضمان ابقى ضامن شىء اموت بيه ولو صح ابقى عديت !!
عملت ايه فى حياتى كويس ؟؟!! =صفر
صلاتى مبحسش بطعمها مبقتش اعمل اى شيى كويس ،،  الشقاء اللى انا فيه ده يمكن سببه ضعف الايمان !!.
انا مش عارف اى حاجة اى حاجة خالص وبخاف من كل حاجة واقل حاجة كل اللى انا حاسه انى تايه ومشتت وقلقان ..
مش حاسس بالامان ولا حاسس بالراحة اوقات برحب بفكرة الموت اوى والنسيان والرحيل واوقات بقول لسة لسة ...
انا مبقتش فاهم اى حاجة فى حياتى ورجعت أأذى نفسى أأذيها بقسوة وادمر كل حاجة فيا برغبة مترددة ..
كل حاجة بعد مابعملها بخاف منها وبندم انى عملتها ومتوبش وارجع اغلط وارجع اظلم نفسى ...
انا طفل صغير بكل ماتحتوية الكلمة من معنى ــ او راجل مايع لا يُطاق ولا يعتمد عليه وغبى واهبل ..
انا مبقتش عارف حاجة انا صح فى نظر ناس كتير ولما ابقى لوحدى ببقى الغلط نفسه .. بتزنق كتييير والموت يحاصرنى ..
كأنه حد بيكلمنى يقولى انا جنبك هاخدك عمرى ماخفت منه بس بخاف اموت مليش هوية مش عارف انا ايه خايف اموت وانا بضيع عمرى وبضيع نفسى واخسر دنيتى والآخرة ..
انا مش عارف اى حاجة غير انى تعبان ومشتت وضايع ومليش سكن انا تـــــــــــايه عايز حد يعنفنى ويقولى ده صح وده غلط ..
عايز حد يزعلنى ويرجع يصالحنى عايز حد يفوقنى .. ويفهمنى من جديد ايه الحياة وايه الموت لانى مش قادر افصل بينهم !
انا حتى مش عارف بقول الكلام ده ليه رغم انه مخلوط ومتناقض بس لازم اقوله علشان يمكن ارتاح ..
انا مش خايف من الموت بس خايف اضيع نفسى وانا لوحدى ومحدش عارف انى بضيع نفسى ..
ويمكن من الى انا شفته دايما فكرة الموت ملازمانى وده مش عارف شىء كويس ولا وحش رغم انه بيفسد كل فرحة فى حياتى ..
بخاف ابقى مع حد واسيبه يموت ــ بخاف ع اصحابى ـ اهلى ـ واى حد اعرفه انه يروح منى وبرده يمكن بخاف من الموت بس مش بعمل للقاء !!
انا مش فاهم حاجة ومش عارف انا بقول ايه ــ انا هسكت.

9

مختلفاً فقط ...

10

ومن الاشياء المضحكة المبكية انك يكون معاك صفحة فيها مليون !
تقوم تنزل بوست تنتقد شىء معين تقوم تتشتم !!
تنزل بوست تانى تظهر سلبيات موجودة فينا كشعب وفى مسر كدولة تقوم تتشتم !!
تنزل بوست تبقى واقف فيه مع الحق وضد الظلم اللى باين لاى حيوان قبل الانسان تقوم تتشتم !!
طب تنزل بوست تكذب شوية وتمدح برده تلاقى ناس بتهاجمك !!!!!!!!!!
ده ان دل يدل على اننا شعب ابن وثخة وسخ جاهل بشهاداته او جاهل بجهله فعلا ... شعب مش عايز يرتقى مش عايز يفكر
مش عايز يحترم نفسه او يحترم غيره مش عارف حتى اداب الحوار والنقاش ودى ثقافة البقر والحيوانات عموما ...!

11

هييييييييييييييح
وقعدت اظبط دماغى طول اليوم بس اتظبطت غصب عنها ^ـ^ ..
ايوة بقى من 4 سنين محستش الاحساس الجميل ده ...
طظ فى كل الدنيا ...

12

هييييييييح ..
القرار رقم 1
انا قررت ابقى نباتى .. ليه اقتل حيوان مسكين علشان استمتع بيه !!
سبب "منطئى" ...
ثم انى مبحبش اللحوم اوى يعنى ...

روائع ابن مصر مصطفى ابراهيم نهائى

ايوة بقى الواد العسل اللى يدخل القلب بمكوك فضائى ده ... مش محمد برهيم النحنوح .!!
وتلاقى البنات النحانيح بتسرسع زى العرسة محمد برهيم محمد برهيم  ع ايه مش عارف!
مصطفى ده واد قريب كده ويدخل القلب وكلامه رائع ومميز جدا ...  برنس ياصاصا ..

ويوم العيد ببقى نفسى اليوم ده يقف لانى فى اخره بحس بالزعل بحس انى كنت ممكن استغله اكتر من كده ..!

بحس انى كان مفروض اعمل حاجات كتيييييير مستغلتش اليوم بالشكل المطلوب ..كمان بيبقى نفسى الف كل الدنيا يومها...

اشوف الشوارع والناس والبيوت والبلاد والعادات والوشوش .. ببقى نفسى اعيشه فى كل حارة وبيت واشوف حياتهم ازاى واحساسهم بالعيد شكله ايه وطقوسه عندهم !!

ببقى نفسى اعمل حاجات كتير اوى اوى فى اليوم ده ولما يخلص بزعل جدا بس فى الاخر يعنى بقهر امنياتى دى وبنام واصحى الاقى العيد خلص فى بلدنا .. ادينى صاحى ليه مخصوص قبل مايفلت منى المرة دى علشان اشوفه الصمح بدرى فى وشوش العيال واللبس الجديد والشيبسى والحركات .. ببقى نفسى افرح كل الناس اجيب عربية ورد وادى الناس او افرح حد ...

اخيرا بقى كل عيد بزعل انه مشى لانه ببساطة ممكن يكون الاخير ليا وانوت بقى وادفن ومشفوش تانى ومحققش امنياتى ..!

هييييييييييييييييح العيد الجى هكون فى الجيش ان شاء المولى اذا كنت عايش واكيد يعنى هكون مرمى فى قبرى لو مت ...

هبقى اخد 2 كيلو عضم وازور اصحابى الميتين اعيد عليهم وياسلام لو فى جثة جديدة فى قبر جنبى هسرق حتة لحمة منه ودى بقى هتبقى اجمد زيارة لميت جنبى .. انا شرير اصلا حى وميت ...

اوقات بيقى عندنا كبشة امنيات واحاسيس كده متتوصفش فعلا بالكلام يعنى مش بتتكتب دى بتتحس بس !

بس العيد ده مش بتاع سعيد ومبارك لوحدهم دى عنصرية ياولاد القلبظ .. 

#العيد

# احساس

#امنيات

وعلى سبيل كل حاجة حلوة ...
حلمت بيكى ...^ـ^ وده كافى لاسعادى اليوم كله ،، كافى لانى امشى مبتسم بدون سبب ..
لانى بحبك اوى واللى يحب عمره مايكره .

تهنئة رئيس الوزراء نتنياهو لمواطني إسرائيل المسلمين ولمواطني الدول العرب...

وانت طيب يابرينجى والسنة الجية تكون ع عرفات ان شاء الله .. دى مجتش من حكامنا !!
واضح ان بيجيلك برد فى العيد زيى لانك اخنف سلامتك ياسطى نتن ياهوو ماسنجر من البرد والانفلوزة ...
تعيش ياسطى تعيش وتهنينا ...

وكل سنة وانتم طيبيبن صحيح الكل بلا استثناء حتى الناس اللى مزعلانى ...
واللى قالى كل سنة وانت طيب تعليقك اتمسح غصب ^ـ^ وكل سنة وانت طيب ياحوووبى .

انا اسف لو حد زعل منى .. مش هتتكرر ومش هيكون ليا دعوة بأى حد .

والايام الزفت والاحساس الخرا مش عايز يسيبنى ملعون ابو ام القرف والايام وملعونة الدنيا كلها ..

انا طهقت وقرفت وزهقت يلعن ابو العيشة على ابو الحياة كلها .. هو اللى انا فيه ده مش عايز يسيبنى ليه ايه اللعنة دى .

عن الصراع الداخلى واحاسيس متناقضة ...
عن احساسك انك كبرت لمجرد انك عديت العشرين وانك لازم تتحمل المسئولية وانك بقيت راجل خلاص ...
تصرفاتك لازم تبقى بحذر ،، فكر كويس ،، عيب تعمل ده وعيب تعمل ده لان المجتمع بيرفض ...
عن انك ممكن تحس انك بقيت عجوز لمجرد انك ترضى افكار ومبادىء قديمة فرضها المجتمع بمزاجه وخلاص رغم ان ملهاش اى علاقة بالدين ولا بالحياة بس هم ربطوها بالدين عافية !!
عن انك لما يبقى عندك خمسة وعشرين سنة تقول عمرى بدى يجرى وانا لسة معملتش حاجة متجوزتش ومحققتش اى شىء !!
عن انك يبقى نفسك تجرى وتتجنن وتخرج طاقتك وتبقى مطالب انك تبقى هادى عاقل متزن رزين علشان تدخل دماغ ناس مريضة اصلا !
مال اللعب والجرى والتنطيط بالشخصية وتفاهتها من عدمه ؟؟!
عن انك ممكن يكون عندك هواية ومخبيها لان ابوك لو عرفها هيقفشك بالمبادىء والعادات وعيب ومش لازم تعملها !!
عن انك نفسك تعمل حاجات كتير اوى ومرفوضة لمجرد انها مرفوضة وخلاص بدون مبررات ...
عن انك ممكن تبقى شاب بس بقيت عجوز فاجئة بسبب افكار كتير غلط ..
للاسف فى حاجات كتيييييييييير اوى جوايا متشابكة ومتناقضة مش عارف اتخلص منها ومش عارف ارضى طرف من الطرفين ..
هو انا متحرر او علمانى بالفطرة او ملحد بالاختيار ولا انا ملتزم وصاحب مبادىء وقيم ومؤمن بالفطرة ومسلم بالاختيار ؟؟!
فى حاجات كتير مش عارف اوصلها ولا اخد قرار نهائى فيها هو انا عايز ده ولا ده ؟؟!
هو انا اصلا عايز ايه ؟؟!

تبرئة ضمير ...

والواحد فى غنى عن التفاهة دى والمهاترات دى بس اصل الكلام كتير وكبرت دماغى كتير  وانا قاعد اقول الناس بتقولى انى مش "صادق" ليه ؟؟
اتارى اللى يعرفنى كذبنى وصدق اللى ميعرفوش !!
عموما شكرا لكل حد عارفنى كويس ومصدقش واى حد اتقمص وزعل منى وصدق يتفضل انا مش محتاجة فى حياتى بأى شكل ..
حتى لو هموت عليه هى خلاص خلصت الناس بتبان فى المواقف وانا موجود وتعاملى معاك هو اكبر دليل عليا وتقدر انت تحدد انا كويس ولا لا ...
ربنا يوفق ويصلح حال الجميع .. فل اوى كده .

ههههههههههههههههههههههههههههههههـ والله الناس الوضيعة برده اللى بقابلها دى بتعلم منهم !!
معرفش ناس بتستفيد ايه لما تخرب حياة حد ؟؟!
وتقولك مبسوطة اصل مش عارف مين صدقتنى وبعدت عنك ومين مصدقش ..!
وترجع تقولك انا غلط فى حقك وهروح اصلح غلطى !
لا وبعد ده كله تيجى تنصحك !! هههههههههههههههههههههـ
ناس مبتذلة واحقر م الحقارة واللى فى حياتهم اقرب الناس هو اللى مستحق النصيحة !!
انصح نفسك واهلك واللى قريب منك ووسخ زيك وابقى تعالى انصح الناس اللى جزمها بمليون زيك .
# وضاعة
# بيض
# ناس مريضة

يعنى ايه حياة فى مصر يعنى شاب بيلف فى المترو يبيع لعبة "بجنيه" وصوته راح من كتر ماينده ..!

ومحدش يشترى منه ... وبعد محطتين تلاقيه قاعد مطحون من العياط ،،  اللى زى ده مش عايز فيلا ولا عربية ده عايز عشرين جنيه يتعشى بيها او يرجع بيها بيته ..

فى نفس ذات الوقت انت ممكن يكون معاك الوف فى جيبك ومش بتوعك ! دى فلوس ناس بهوات انت مهمتك تشتغل وتتفرم علشان توصلها ليهم !!

ومعاك فى جيبك التانى يادوب اللى يكفيك ومتقدرش تاخد جنيه من فلوس الناس ...!

ساعتها تحس بالعجز والدناءة والوساخة بتجرى فى دمك لما تشوف "راجل" بيعيط لضيق حاله ومتقدرش تساعده ولما تفكر تساعده ترجع متلاقيهوش ..!

هو اشتغل واجتهد وحاول يكسب حلال  يبقى محدش يلومه لما يبقى حرامى ومجرم اصل الحرام سككه كتير وسهلة .

بلد بنت ستين كلب وكالعادة المواقف الزفت دى لازم انا بس اصد فيها ولازم اروح اماكن اول مرة اروحها تقريبا علشان اشوفها !

مش عارف فى حكمة لانى اشوف المواقف دى علشان انا "بتمرد" او نمرود " زى ما بيقولوا ومش عاجبنى حياتى ولا علشان ايه بالظبط ...؟!

غالبا بيجيلى اكتئاب ومبعرفش انسى الوشوش دى ولا المواقف الزفت دى .. مظنش يعنى ان فى حكمة لانى مش هحمد ربنا واسجد شكر انى مش زيه كفاية القرف اللى هيلاحقنى بعدها .. ومينفعش الشكر والسخط يجتمعوا ..!

# مواقف 

# فضفضة علشان مزهقش ..

لسة شوية ع الارض ... لسة شوية على ما ادشدش من الوقعة ^ـ^

انت حلم ولد بمخيلتى ... قبل ان التقيك ..

وحينما اخبرتها ان تلك المرة ليست كــ الاخريات وان قلبى قد اُغلق ناحيتها عدت احن اليها ...
عدت اشعر بالحب تجاهها لمجرد اننى شعرت بقربها ووجودها ... هذا القلب الذى ينبض حبا لها لن ينغلق ابدا ..
هذا القلب الذى ان نزف حزناً وجرحا منها لا يكرهها ابداً ... عند اول نظرة له فى وجهها ينسى جراحة وحزنه وينبض حباً ...
فمال هذا القلب لا يرجع عن حبها ؟  !! وماله يهتف فرحاً حينما يشعر بقربها  ؟
قلب مريض بتلك الجميلة  يتدواى بالقرب منها والنظر اليها ... فيا قلبى مهلا فأنت لم تمتلكها بعد وهى لم تبوح لك بحبها ...

ومازلت ادعوا فى صلاتى ان تكونى لى ... مليكتى زوجتى وحبيبتى  ...
يتحدثون عن السعادة كثيراً ويقولون ان هناك مادة هى المسؤلة عنها ...
وسعادتى هى انت ،، ضحكتى انت ،، فرحى انت ،، حياتى انت ،، هوائى الذى اتنفسه انت ...
انت سعادتى لعلهم لم يكتشفوا بعد انك سر آخر من اسرار السعادة على هذه الارض وفى هذا الكون ...
سيروتونينى انت .. وسعادتى انت .

قريب جدا يابطوطى ...

الارض بيضاوية .. وكل ماعليها من كائنات "بيض" ...
#حقيقة

والمعلومة الوحيدة اللى فاكرها وعرفتها من التعليم كله ان ابو قردان صديق الفلاح ...!!
#اة والله 

(1) ...
مالك يابنى مكشر ليه انت كده بتتعب نفسك ... مفيش ياحاجة انا كويس ... "مواصلات" ...
مالك
مالك
مالك
مالك
مالك
مالك
مالك
انا كويس ... "ناس كتير معرفش نصهم" !
(2)
جايب اليمامة دى منين ؟؟
مسكتها وهاخدها البيت ...
طب تبيعها ؟
اشتريها ...
اشتريت ... طيرى وخدى فرصة تانية لانك تبقى حرة .. " شىء ايجابى فى اليوم"
(3)
انا تعبت يادكتور دى المرة الالف اجيلك ...!
وانا اعملك ايه علاجك فى ايدك انتى متوتر وعصبى ..
علاجى فى ايدى ازاى امال انت لزمتك ايه ؟
انت ملكش علاج لانك مش عيان ..!
تباً لك يا دكتور ...
# تلخيص يوم كامل
3#مواقف
# بيض

مش عارف عندى رغبة ملحة بأنى اعمل حاجات كتير ابرأ بيها نفسى ليه قدام ربنا !!
عموما انا ندمان على كل حاجة وحشة عملتها .. غلط كتير وعملت حاجات كتير غلط ..
وبرده عملت حاجات كتير كويسة ..
مش عارف بس زى ماطلبت ناس تقول رأيها وشخص او اتنين بس بعتولى ياريت الكل يسامحنى مش الاتنين دول بس .
انا ان كان ليا عمر وعشت ان شاء الله مش هغلط تانى او ع الاقل مش هتمادى فى الغلط .
سامحونى بقى .
ـــــــــــــــــــ

(واذا مس الإنسان الضر دعانا لجنبه أو قاعدا أو قائما فلما كشفنا عنه ضره مر كأن لم يدعنا إلى ضر مسه )
اخدت فرص كتييير اوى وكفاية .

استغفر الله العظيم الذى لا اله الا هو الحى القيوم واتوب اليه ...
استغفر الله العظيم الذى لا اله الا هو الحى القيوم واتوب اليه ...
استغفر الله العظيم الذى لا اله الا هو الحى القيوم واتوب اليه ...
اللهم توفنى وانت راض عنى يارب ،، اللهم احسن خاتمتى ..
اللهم احينى مسلماً توفنى مسلماً والحقنى بالصالحين ...
اللهم يامقلب القلوب ثبت قلبى على دينك ...
اللهم يا مصرف القلوب صرف قلبى على طاعتك ...
اللهم نجنى من عذاب القبر وعذاب جهنم ان عذابها كان غراما ...
اللهم احشرنى مع النبيين والصديقين والشهداء ...
اللهم طهر قلبى من الشك والشرك والكفر ....
اللهم توفنى وانت راض عنى ..
اللهم توفنى وانت راض عنى ...
اللهم توفنى وانت راض عنى .

هتُفرج ....

ادينى مسحتها خالص لا يجزم ولا ميجزمش اصل فى ناس بتحب تهجص وتخترع .!

كل اللى اعرفه انى فشلت فى الجزء الاول من حياتى ..

فى بلادى يصبح المجرم والقاتل بطلاً بدعوى الدفاع عن الوطن !!
فى بلادى يُقتل طفلاً يُذبح شاباً يهان شيخاً ويقف الجميع ويهتف فرحاً للقاتل استمر ..!!
كانها لعبة مُسلية كأنهم يشربون الدم كؤساً يستلذوها !!
فى بلادى يصبح التافه رمزاً للوطن !! فى بلادى يمثلنى ممثل تافه او مغنى ضائع !
فى بلادى يُهان العلم ،، يُهان الفكر ،، فى بلادى مُعلم خلف قضبان دون قضية !!
فى بلادى يُهان كُل من يحمل فكرة وعمل يدفع الجميع الى الامام !
فى بلادى اناس كالانعام بل هم اضل سبيلا ..
فى بلادى يدسون السم فى اخبارها يزيفون الحقائق ويجعلون الحق زائفاً !
فى بلادى عالم دين مُضلل فى بلادى يُفصل الدين كما يريده القاتل !
ويلعن ابوكى يامسر

هيييييييييييح ومصر بتاريخها كله معروفة ان اللى "يقتل" يحكم ...

اللى يقرأ تاريخ البلد دى هيفهم كده كويس ... تقتل تحكم .

الرسالة وصلت .

وبمناسبة نصر اكتوبر المجيد الفشيخ احب اقولك يامصر انى بكرهك ..^ـ^

تحية للدولة الصغيرة المجاورة والمهزومة تحيه ليها على تقدمها وعدلها واحترامها لمواطنيها ...

بعد تفكير طويل شوية قررت منزلش وانزل ليه ؟؟ لو اخدت طلقة مسر مش هتفيدنى  طب ما تتحرق ...

ثم ان شعبها واخد ختم ربانى ملازمنا ليوم الدين ... "فاستخف قومه فأطاعوه انهم كانوا قوما فاسقين" ...

شعب جاهل بينضحك عليه شعب وسخ يستحق الحرق شعب شايف الضلال وماشى وراه !!

شعب مش عايز يشغل مخه بينضحك عليه وبيصدق !

ورغم معجزات سيدنا موسى اللى شافوها بعيونهم وفى رحلتهم شافوا ناس بيعبدواعجل فقالوا لسيدنا موسى اجعل لنا آله مثله !!

سابهم ورجع لقاهم بيعبدوا بقرة !!! ورغم ان نهاية القصة فيها توبة الا اننا اخدنا ختم ربانى برده .

هههههههههههههههههههههههههههههههههههههههههههههـ يادين النبى علينا ده احنا حاجة فل .

كل شخص فينا جواه الخير بوفرة وبحب وبعطاء ..
وبرده كل واحد جواه الشر بوفرة وحقد وغل ...
كل اللى عليك انك تستدعى شىء منهم وتستعمله ،، كل اللى عليك انك فعلا تفكر انت عايز تستخدم ايه فيهم .
عموما مش هرد الاساءة بــ اساءة لانى مش زيهم .
كل اللى عرفنى بجد وسمع كلام وحش عنى هو الوحيد اللى يقدر يقرر انا ايه فعلا .
واللى اخد فكرة وحشة عنى لمجرد كلام وهو يعرفنى وزعل وبعد عنى ربنا ييسرله اموره ويوفقه .
فى حاجات كتير بتبقى متناقضة ومش مفهومة وانا كلامى خلص فى النقطة دى اللى عايز يستمر فى اظهار انه فعلا الحقد مالى قلبه يستمر .