رغم ان عندى كلام كتير جدا ممكن اقوله الا انى لما بفضل السكوت وعدم الرد على الاتهامات بكون فعلا خلاص ملوش لزوم اوضح فقدت الامل ف ان الشخص ده يفهم واسيبه يفهم اللى يفهمه ويقول اللى يقوله حتى لو غلط ..
عموما شىء مزعج وغتت لما تلاقى حد يعرفك كويس وبتقضى كل وقتك معاه وبيشوفك وف الاخر ميكونش فاهم هو ايه ف حياتك !!
عادى يعنى شىء غبى جدا لانه يقدر يعرف انت فعلا مستهتر ويهمك مصلحتك ولا لا بس للاسف فى ناس بتشوف نفسها وبس ..
عادى بقى مبقتش تفرق خلاص انا مش هقعد افهم كل واحد لوحده افعالى واضحة جدا ومش بكذب ومش بخاف من حد مهما كان حتى لو غلط بقول اللى بيحصل الكذب ملوش لزوم ....
بس فى المقابل نفس الشخص ممكن يكون بيستمتع بوجعك وبستفزازك وتراقبه تلاقيه بيضحك بعد ماينكد عليك !
طالما محدش مقدر وجودك ولا فاهمك اصلا فاظن انه خلاص ملوش لزوم تفضل .. لانك عارف كويس ومقرر انت عايز ايه مهما كان حواليك ناس كتير ...
كل شى ليه طاقة  ولما بيفيض بيه بينفجر وانا طاقتى خلصت ومفياش دماغ ولا حيل افهم حد كل اللى عايز يفهم حاجة يفهمها احسن الظن او اساء لما يحب يتفضل يخرج من حياتى  انا ولا بدى الحياة لحد ولا باخدها من حد ... ربنا يوفق الجميع للخير .