بما انى من الناس اللى بتهتم بالتفاصيل واللى ممكن تميز الشى الغلط من اول نظرة فى شكل اى حد ..
زمان كنت لما اشوف شاب لابس شى مش لايق ع بعضه اقول ايه ده لابسه ازاى وخرج ازاى بيه ؟؟
لو شفت ولد شعره منكوش او مش مرتب اقول ايه ده سايب نفسه ليه كده ؟؟
لما الاقى حد مش مهتم بمنظره ككل كنت ببقى ساخط جدا عليه !!
دلوقت ولما بقيت منهم فهمت اد ايه انا كنت سىء الظن وغبى ومتسرع ..!!
لانى ببساطة دلوقت مبقتش اهتم بلبسى البس ايه وايه لا ،، اى شى ع اى شى وبخرج نوع من اللامبالاة عادى يعنى .!!
بس غيرى ممكن ميكونش معاه فلوس يشترى ودى مفكرتش فيها !!
دلوقت وبما ان شعرى بيقع وبقيت اصلع بخرج عادى شعرى كل شوية ف ناحية هتشيك لمين يعنى وع ايه ؟؟
احلامى وكل شى ضاع ومع الوقت بكتشف اد ايه انا واهم نفسى وبخدعها فعادى يعنى لا مبالى باى شى ..!!
وبرده نسيت ان فعلا غيرى ممكن ميكونش قادر يشترى كريم لشعره .. حمق ..
دلوقت مش هاممنى يكون شكلى ايه فى نظر اى حد رغم انى كنت حريص جدا فى لبسى  .. واهتم ليه عادى يعنى ..!!
اليأس والاحباط والشعور بالعجز يعمل اكتر من كده ،، عموما انا كاتب ده كنوع من الاعتذار لكل لا مبالى او فقير شفته وحكمت عليه غلط .. لكل واحد ضيع احلامه وطريقه ومبقاش همه شى ... ولكل واحد عرف حجمه الحقيقى وانصدم فى الواقع  .. انا اسف .