انا بديت احس بــ احباط ،، وان الجى اسوء بكتير ... دايما كنت اقول لنفسى ان غير الكل وان ربنا هيكرمنى ...
كنت بقول مليش دعوة بحد حتى لو احسن منى وفشل بس انا مختلف وحاسس ان ربنا مش هيسيبنى ...
ده سبب فاللى انا فيه مش عارف اكون ف الواقع واشوف الدنيا سودة ولا افضل ف الاحلام واثق ف ربنا مش عارف اكون فين بصراحة  ،، على عكس كل اللى بكتبه هنا فانا متفائل جدا بالذات ف اشياء معينة فى حياتى !!
بس الحقيقة بتقول انى لازم اكون واقعى وانى لازم ارضى باللى ف ايدى وده صعب
الحقيقه بتقول انى ابطل بقى  استخبى وافكر ببساطة ،، الواقع بيقول انى بكل ادب الم خيالى وافكارى وطموحى واحطهم ف اقرب مقلب زبالة وابص واشوف بعينى واسيبنى من الوهم .... ماهو يا كده يا هاخد بالجزمة غصب عنى ...
لازم اهتم  قدامى يا احاول انطلق وانجح واحقق طموحى واعمل اللى نفسى فيه رغم ان مليش اى امكانيات ولا طرق ولا معارف !!
واما ارضى بشغلى واروح اتجوز وتبقى دى حياتى واتأقلم على اللى انا فيه وخلاص وافكنى بقى .
انا شخصية غريبة جدا انا نفسى بحتار اوقات ف نفسى حاسس انى متعلق ف اوضة من رجلى وحد عمال يخبطنى من الحيطة دى للحيطة دى لوحدى محدش بيسمعنى محدش بيساعدنى محدش بيطمنى محدش بيصبرنى ورغم ان مفروض مكنش محتاج لحد بس انا محتاج ع الاقل صديق او صديقة حد اجرى عليه لما تضيق الدنيا بيا ،، البنت اللى بحبها تقريبا اصلا مش حاسة بيا ومش بتكلمنى ولا بتقرب منى الا كل فين وفين وبتمشى وقت ماتحب وتيجى وقت ما تحب وهى كمان حلم نفسى احققه .
بصدق لاول مرة احس انى مش عارف انا عايز ايه ولا هدفى ايه مبقتش قادر اتنفس فعلا وواضح انى هطق ومخنوق جدا .
ربنا ييسر الامور ويصلح الاحوال ...