اعشق نصف انثى ،، وهى لا تكتمل ابداً ولن تكتمل ..!

انا لست هو !!

هى وحدها من تستطيع ان تنتزع منى ضحكاتى التى نسيت كيف تكون ،، حبيبتى .

وهو وحدة من يستطيع ان يرسم البسمة على شفتى ،، كتاب اقرئة .

لكن ...~ ؟

هنالك آخرى تسبقهم وتسرق ضحكاتى وافراحى وتبتعد ،، وتقف تلتفت لى .!

وتعيد رسم الابتسامة على وجهها ،، لكنها ضحكة سخرية وابتسامة كما نسميها "صفرآء" ..

هى احلامى اللعينة ،، الفاشلة من تسرقهم منى تقلدنى بشكل مزعج يبعث داخلى التشاؤم .

فهى ليست انا ،، وانا لست لها ،، وكلانا يعشق الآخر ،، ويكرهه حد الاختناق  !

الن ينتهى الحلم المُعلق بين ضلوعى ؟؟

هذا الحلم الذى يملكنى ولا املكة ... اخبرنى بربك هل ستتحقق ام ستتركنى ؟؟

سئمت صمتك وفعلت وسأفعل كل شيى لاجلك فــــ اقترب ولا تدعنى ....

لا تدعنى لهذا الحلم الاخر الذى يجذبنى ويريدنى وهذا السفر الذى اعشقة .

مازلت اتسائل ماذا على ان افعل ؟؟

املك داخلى الكثير واخبىء ما لايراة احد وآة لو يعلمون ما بداخلى للكون ... 

اروض نفسى واجبرها على الصمت واللامبالاة واعود واتدبر حالى ولا اصل لشيى ...

اليوم وقد عدت كعادتى شارد مشتت الفكر احاول ترتيب مايدور برأسى ولن استطيع وحدى ,,,

ماذا على ان افعل واين ما افعل كى اصل الى ما اريد !!!

هذة الحياة التى لم تترك لنا شيى لنعيشة تسرق كل اوقاتنا وقوتنا ونحن لا ندرى ...

هل من اجل حلمى الكبير سأكبر ؟؟ ام سيجبرنى الواقع على الركوع ؟؟

لا ادرى ابذل كل جهدى وما استطيع وما لا استطيع من اجل ان اصبح شيئا ما ، يوما ما  ...

اتعجب لنفسى لماذا تتمرد دائما على كل شيى ولا ترتضى ؟؟ تبا لك يا نفسى انا اكرهك .

هذا ما بيدى وهذا ما فُرض على حياتى ،، افكارى كانت تسبقنى واحلامى تكبرنى حتى ظننت اننى اكبر مما انا علية ..

وبالواقع انا لا شيى وليس بيدى شيى ،، هل ظلمنا الوقت ام ابى هو من ظلمنا ؟؟

ام هى اقدار قُسمت ،، لما ياربى اصبحت هكذا اولست احن على من امى فلما تتركنى هكذا .

اشعر اننى مكبل اليدين مكبل المشاعر اتحول الى مسخ ولا ادرى اى كائن يقبع داخلى يجبرنى على ما لا اريد 

لا اريد الاستسلام للواقع ولا ارتضى بما هو بين يدى ولا املك شيئا اخر ..

اشعر اننى اود الركض بعيدا لكن احدهم وضعنى داخل غرفة صغيرة واشار ان اركض كما شئت واغلق الباب ورحل .

ومازلت حبيس غرفتى ولا اجد متسعا للركوض ،، ولا املك القوة التى  تحطم جدارها فياربى كن لى معيناً ...

اشعر ان لا امل يأتينى فى ظلمة افكارى ولا معين ،، ولا صديق يتحملنى ،، ولا حبيب يقف جانبى ...

املك حلما كبيرا بها واحلاما كبيرة لها ،، واخشى ان اموت كما انا لم افعل شيى ولم احقق حلم ..

هذا حالى وهذة حياتى التى لا افارقها ولا تفارقنى روتين ممل لا فكاك منة واحلام قاتلة تضعف جسدى وتؤرقنى ..

وهذا ما اكتبة ليس الا حرفاً سقط سهواً دون قصد .!

يارب ارضنى وارض عنى .

مُرهق جدا ،، لكننى احن لك ...~

عارفه انا نفسى ف حاجات كتييييييير اوى ..
نفسى امسك ايدك واقولك بحبك وتحسى بدة ...
نفسى اضمك وانتى حلالى ومفارقش حضنك ...
نفسى ارجع الاقى صاحبتك معاكى واندهك عايزك وتيجى اقولك انى بعشقك ...
نفسى تزعقى ليا وتتنرفزى عليا واكشر  ف وشك وارشك بالبيروسول واقلبها ضحك ...
ونفسى لما نتخاصم اسيبك تنامى وابوس دماغك واصحيكى وارخم ...
نفسى اخبيلك اللى بتحبية واجيبة مفاجئة تفرحى بيها ...
نفسى اشوف عينك بتلمع من الفرحة وانسى همومى ساعتها ...
نفسى اسعدك واعملك كل اللى تحبية ونفسى مبعدش عنك ....
نفسى واحنا برة احتويكى ببصة حنينة ويبقى نفسى اضمك ..
ونفسى اخطف الاكل بعد ما تمضغية وابلعة وتقولى يا مقرف ...
نفسى لما تتعبى اسهر جنبك اشوفك محتاجة اية ...
ونفسى لما تضايقى انيمك ف حضنى واقولك اية مزعلك ...
نفسى اعاكسك واضايقك كل يوم وابعتلك رسايل ...
نفسى انرفزك عليا وتزعقى واضحك ....
نفسى تطلعى عينى وتطلبى كل اللى تحبية ...
نفسى تزهقينى واقولك كرهتينى ف الحياة ..... من غيرك ...
نفسى ف حاجات كتيييييييير اوى انتى مش متخيلاها ومرعوب متحصلش ...
نفسى تكونى كل همى وتكونى دايما اقصى احلامى ...
نفسى اعيش جنبك واموت قبلك ....
نفسى اعملك كتييييييييييير انا اصلا عايش ليكى ...
نفسى اكسر الكلام التقليدى للحب واعرفك احساس جديد اعلى من كلمة الحب .
نفسى اوى تكونى ليا واعيش معاكى تطلعى عينى واطلع عينك ترضينى وارضيكى ..
نتخانق ونتصالح ،، ازعقلك وتكسرى البيت ...
نفسى اشوفك هدوئك وجنانك ،،
نفسى البسك هدومى الجديدة اشوفها عليكى الاول علشان احبها ...
عارفة نفسى اعضك من الاخر بقى ^ــ^ ..
بحبك .

انا استاهل والله اكتر من كدة ــ لما مش عايز لشيى دة بطلبة لية اصلا ؟؟!!!!!!!!!!!!!!!!!

حتى لو بحسن نية ؟؟ 

غباء مستوطن ــ وللاسف محدش بيفهم ولا بيصدق انى مكنتش محتاجة ...

بردة انا استاهل حرقة الدم .

( الذين إن مكناهم في الأرض أقاموا الصلاة وآتوا الزكاة وأمروا بالمعروف ونهوا عن المنكر ولله عاقبة الأمور .

ـــــــــــــــــــــــــــــ 

مكن الله لنا فماذا فعلنا ؟؟؟!!!!!!!!!!!!!!!!!!

العقلية المصرية ...
البنت متكلمش ولد ولا يلمسها ولما تتخطب تلاقى اول صورة ع البروفايل خطيبها حاضنها !!!!
ونسينا الدين .
الشباب يروح يقدم خدمات فى الجمعيات بشكل جميل ولله بس كلة اختلاط وكلام معارف ولعب وبنات وحركات وحب وارتباط وصداقة ووووووووو والاصل انة لله .!!!
الشيىء ونقيضة
 .. تلاقى حادثة مات فيها ناس بشكل بشع الكل يطلع يكتب شعر وخواطر ويحمل المسئولية لناس غريبة !!!
الراجل يرسم ان مفيش زية واول ما ياخد اللى عايزة يطلع احقر حد تعرفة البشرية . دول كتير ...
كل حاجة مصطنعة ف الزمن العجيب دة والناس مابين مغيبة ومش مغيبة فاهمة ومش فاهمة ،، عاقلة ومجنونة ..!!!
نتنازل عن مبادئنا بسرعة ونسيب حاجات مفيدة دنيا واخرة كتير لدوافع تانية .. هيصة وزيطة ...
العاقل اللى ينجى نفسة من المستنقع الفكرى اللى احنا فية والاعقل اللى يسيب المجتمع العربى دة كلة ويهاجر منة بلا قرف .

بستغرب جدا من جماعة شايفة نفسها الفكر الراقى والباقى مبيفهمش !!
بستغرب من الانتماء لشخص فى اعظم منة خدموا الاسلام .. بستغرب لما دايما يقولوا الامام الشهيد حسن !!
مش واخدين بالهم انة نسى التوكل على الله وطلب حرس شخصى وطلب سلاحة الشخصى قبل وفاتة !!!
بستغرب لما الاقيهم يكرهوا الشخص المتكلم الفاهم ويخلص كلامه بسرعة ،، ويركز على اللى عندة استعداد يكون مطيع !!
بستغرب الارتباط بشخص كل كلامة بديهى ف الاسلام !!
بستغرب على جماعة سايبة شباب تاية وضايع وصايع زى ماهو وقافلين ع نفسهم هم وبس والباقى يولع ..
بستغرب على الهجوم على اى حد ينتقدهم بدون اسباب !! بستغرب على المرجعية الدينية بدون لحية يطلقوها !!!!!!!!!!!!
بستغرب ع المبادىء الهشة والفكر العقيم !!
ثناء وتمجيد غير طبيعى لشخص !! حاجة تقلق ...
مبقولش دة علشان بكرهم بالعكس بس خايف بعد كام سنة الاقى حد بيقول "النبى" حسن خايف الحكاية تتبلور بعقول تانية .
الشباب عامل كدة كأنة مغيب طاعة عمياء واستعداد غريب للهجوم وفاجئة الاخوان بقوا سوبر مان الزمان !!!
والله الواحد اسف انة احسن الظن واسف انة انتخبهم ف مجلس شعب ورئاسة .
مفيش اجمل من رجال السلف فعلا يستحقوا كل احترام وتقدير وحب .
معنديش استعداد بقى احط ايدى ف ايد حد انتمائة وفكرة وولائة لشخص وجماعة  ،، حتى لو هو ميشرفهوش انة يعرفنى .
دة ف حد ذاتة شيى يسعدنى جدا ويشرفنى بجد ... انا مبكرهش حد بس بحب السلف وبكرة العقم ... بحب الوضوح وبكرة اللف والدوران .. ناس منهجها ثابت وناس غامضة !!
انتمائى وولائى وطاعتى العمياء لله ورسولة .
وبردة علشان مظلمش يمكن انا مش فاهم او فاهم غلط ونظرتى غلط وانطباعى مش صحيح ، بس اللى بقابلهم دول مين ؟؟!!!
مستنى اشوف الحلو منهم ومستنى اشوف اتنين متفقين من ورا بعض .

عذراً فلسطين .... فـــ انت قارة ثامنة لم تًكتشف بعد .
عذراً قد تبدلت احوالنا واصبح جهادنا اليكترونيا ،، اصبحنا نعترض بالكلمات ..!!
عذراً ابى الرجال ان يكونوا رجال ،، عذراً تأبى بلادى ان ترحل اليك ..
عذراً يا جُرحنا الذى لم ولن  يهدأ  ،، عذراً مازلنا نهوى الاختباء ...
عذراُ ابيت انا الآخر ان آتى اليك وبقيت معهم ،، وها انا مثلهم لا اقوى على شيى سوى الكلمات .
عذراً يا ارض الاجداد فلن يحررك اجيال تعشق الشهوات والملذات ...
عذراً فلن نحررك ما دمنا نتبع اهوائنا ،، ما دمنا نغنى ونرقص .
عذراً لا توجد امرأة ارتدت ثوب الحياء لتلد لنا عُمر جديد ،، فكل نسائنا يحملون مهنداً بين احشائهم !!
عذراً لاننا سرقنا صلاح الدين واعطيناة لــ آخر لا يشبة احد من الرجال !!
عذراً مازلنا نلهو ومازلنا نتبع الراقصات والراقصين على اوتار المعاصى ...
عذراً لم يجد رجالنا القليلون باباً يؤدى اليك فكل ابوابنا التى تؤدى اليك مُغلقة ..
لا لشيى الا اننا لا نستحق شهادة فى سبيل الله .. لا نستحق ان نحمل رايات الجهاد
لا نملك ايمانا كافيا ،، ابتعدنا وابتلانا الله بك وادرنا ظهورنا لك ... فعذراُ .
فتحملى آلامك ،، ونحن هنا قلوبنا معك وتسبقنا اقلامنا بشجاعة لا توصف ...!!!!
تفرقنا وظلمنا انفسنا فاجتمعوا علينا وهُزمنا ,,, لن نتفق ابداً ولن نجتمع ... فتحملى .
يارب هى امانة لديك حتى يستعيدها الرجال فلسنا اهلا لها .
لا تقلقى فهاهم المجرمون يعودون سالمين اليك من بلادنا ،، وغداُ سوف نشجب وندين لن نتركك .
نعدك لن نصمت سنظل حتى الممات نشجب وندين  ،، غدا ستصدر البيانات من كل احزابنا فلا تقلقى .
غدا سنتظاهر امام السفارات ،، غدا سنفعل الافاعيل يا اقصانا فــ انتظر نصرتنا لك ..
وما اجملها من نصرة ،، تطيب القلوب وتداويها عذرا فقد فقدنا الرجال !!
حسبى الله ونعم الوكيل .
اللهم اغفر تقصيرنا
اللهم اغفر تقصيرنا
اللهم اغفر تقصيرنا

احتآج لصديق ...~

فتيات احلامى ،، :)

عقيدة فرسان Ultras White Knights UWK

افتحولنا الحدود خلوا الفرسان تفوت ،، جيش يكسر القيود ويحطم شعب اليهود .
اكتر شباب اتفرم ف الثورة واتظلم ،، دايما كانوا صح وعلى حق واصحاب قضايا ...
مش اصحاب سلطة وتكويش وتجاهل .

لا تقف خلف شاشة وتخبر ذاتك  انك تحبنى ،، بل قف امامى واخبرنى لماذا احببتنى ؟؟
لعلك لم تعرفنى بعد وتكرهنى ،، 

قديما كنا نهرب من زحام المدينة ومن اصواتها العالية ونرحل الى قريتنا التى تتمتع بالهدوء ....
الان وبعد مرور اعوام قليلة  اصبحت قريتنا مسخ صغير ما بين المدينة والقرية لا اجد لها ملامح ...
ولا انعم بصباح هادىء ،، ولا استمتع بــ فنجان قهوتى الصباحى  ولم اعد اطلبة ،،
نفتقد كل شيى ويتملص من حياتنا رغم تمسكنا بة يرحل ويغير جلدة ...
قديما كان الاطفال فى بلدتى يملؤون شوارعها دون ضجة لاننا نعلم ان للكبار حقوق علينا فنلهوا بصمت .
الان الاطفال فى بلدتى يشبهون الشياطين اقسم ان الشياطين يأست منهم وتتعلم من حيلهم ..
الان تخلى جيرانى عن دابتهم واتوا بدراجة ،، جن جنون بلدتى واصبحت كلها تستخدم الدرجات للتنقل .
حتى الاطفال يلهوون بها !! رحم الله طفولتنا وعرباتنا الصغيرة التى كنا نصنعها من الورق ونلهوا بفرحة لا مثيل لها .
شوارع بلدتى تغيرت حتى ساكنيها لم تعد تربطهم الافراح والاحزان وتغيروا ..!!
لم يعد يبقى شيى على حالة ... ويبدو اننى لن انعم بصباح هادىء ابدا ....
فهؤلاء الشياطين لا يصمتون ابداً ابداً ابداً ... ويصيبوننى بالتوتر .
اكثر ما اكرهه فى حياتى ولا اطيقة الاصوات العالية والزحام ،، اريد ان اسقط فى جزيرة بعيدة ولا اعود ..
فلا اصوات عالية ولا زحام ولا اضواء عالية تصيب بالصرع ،، ماء وسماء ،،هواء وطبيعة  .
ونافذة تطل على شجرة كبيرة تحتوينى واطمئن بوجودها ... وطائر صغير يصبح رفيقى ... يا الله .
فقط ..
تباً للتكنولوجيا ،، وتبا لنا .

غزة بعد قليل ستحتضر ،، وايضا كعادتنا نحن العرب سنختلف ...!
هل تتطابق فصائل دمائنا معها كى ننقذها ونوقف نزيفها ونضمد جراحها ؟؟
ام نتركها لصدمة كهربائية  تجعلها تستعيد النبض دوننا ؟؟
لا نحن سنترك  هواء الغرب الملوث يأتيها كى تتنفس .

اوشك الغريب على ملــء دفترة  ،، واحلامة تنادية ،، ويناديها ان اصٍبرى اوشكت ان انتهى فــ انا بالسطور الاخيرة .

تنادية بالاستعجال  ويناديها بالصبر .... حتى انتهى من كتابة آخر حلم تعلق به... وانتهى .

جائها يحمل دفترة واعطاها اياة ان ضعية فى مكتبة الانتظار ،، وارحلى ولا تعودى .

بكت احلامة لانها تريدة وبكى الغريب على فراقها لانها لن تكتمل ولن يأتى يوم وينتهى من آخر سطورها .!!

انتهت قصة حالم تعشقة احلامه ،، ويعشق غيرها !!

قد رحلت ،، وابتعد .

^_^

لسة الامـــــــــــــــــــــــانى ممكنة ،،، 

انا مــتــــفـــــــــائل ...~   :) 

هذا المساء لن يتغير شيى ...!
قلبى اصبح اكثر قسوة ،، كنت يوماً ما درساً قاسيا للكثيرين .. كنت شخصاً طيبا حنون وصديق محب وخدعتهم ...!!
لا لشىء سوى لساذجتهم .. ولحبى لهم آذيتهم ورحلت لعلهم لا يثقون بـــ احد وقد كان ... اخطأت واصبت !!
اخطأت عندما كنت صديقهم واصبحت عدوهم ،، واصبت حينما اهديتهم شيى للخلود لا تثق بــ احد فكلهم كاذبون .
فعلت هذا ليس كرها بل خوفا وحبا ،، رغما عنى سأرحل وهم كما هم يصدقون الجميع ولا يفرقون ..كنت مختلفا ...
وكنت درسا مقصود منذ بداية صداقتنا ،، اظنة نوعا ما من المرض المستوطن داخلى .. اخدع خوفاً على من احبهم كى لايجرحهم غيرى ،، اقتل كى لا يقتلهم غيرى ... واترك لهم رسالتى ان لا تثقوا بــ احد ولا تتركوا قلوبكم ..
كنت امزح داخلى وايقن اننى لست كما يرون ،، كنت مضطرا لهذا ...
رغما عنى فعلت .
اليوم ....
تمر امامى بعض الذكريات فهناك من كانوا مثلى كانوا درسا قاسيا لى لكن ليس حبا ولا خوفا علىٍ ..!
انا مازلت بنفس سذاجة اصدقائى القدامى اصدق واضع قلبى وكل ما املك بين يدى من اعرف دون حسابات ..
اعطى كل ما املك ... الفرق بينى وبينهم اننى تقمصت شخصا غيرى ونجحت ...
وهم كانوا على طبيعتهم ونجحوا فى ايذائى وفشل الجميع فى معرفة حقيقتهم  .. هم هكذا حياتهم لا تنتهى .
وفى النهاية لم يربح احد ولن تنتهى الدروس سنظل نسقط ..!

كونى بقربى ،،

مر عام ،، وعامين ،، وثلاث وانا انتظرك دون ملل ...
وها انا احادثك لــ ساعة وساعتين وثلاث دون ضجر ...
لن امل منك ابدا وان اصبحت احادثك لـــ يوم ويومان وثلاث بل لعام وعامين وثلاث وعشر ولـــ آخر عمرى ..
لن امل منك ومن حبك .... ومن قربك ...~
قليلون هم من يشبهوك ،، وقليلون من ينثرون السعادة فى قلوب محبيهم ...
هم قليلون وانت .... لا احد يشبهك  ....
سأرددها ما دمت اتنفس وما دام قلبى ينبض ويضخ حبك فى عروقى ،،
احبك و ...
احبك و ...
احبك و ,,
احبـــــــــــــــــــــــــبك يا نبض قلبى .

المواقع الاباحية هتتمنع ،، بس ياترى الاباحية اللى ف الشارع هنبطل نشوفها ؟؟

بقى كدة ؟؟
طيييييييييييييييييييييييييب ومالة ماشى .

مُتَبْعْثر ؛ !!

فى ناس كدة دايما عايزة تاخد متديش ،، بتبص لنفسها وبس لمشاعرها وبس لقلوبها وبس ...

ناس وقت ما الدنيا تضيق بيهم يجروا عليا واكون افضل حد كلامى بيطمنهم ويفرحهم ...

اكون طوق نجاتهم اسئل عليهم دايما واطمن عليهم واعدى ليهم مواقف كتييييييييييييير اوى 

وفاجئة يقولوا انى انا الغلطان وان عندهم اسباب كافية تبعدهم عنى !!!

هو بصراحة ف ستين الف داهية ولا يلزمنى ...

كنت فين لما ببقى هطق ؟؟

وكنت فين لما كنت بكلمك وعرفت ان صاحبى مات وسيبتك وجريت مفكرتش تطمن عليا ولا تسئل !!

كام مرة قلت مش هنتكلم تانى ورجعت اكلمك ؟؟

كام مررة زعلتك وسبتك زعلان ؟؟

كام مرة اتنازلت علشانك وجيت ع نفسى ؟؟

كام مرة رفضت وجودى عندك وانت بتقول انك بتحبنى ؟؟

كام مرة سئلت عليك انا واطمنت وانا ظروفى زى الزفت ؟؟

كام مرة احتاجتك وكنت جنبى ؟؟

كام مرة راعيت مشاعرك وعملت الف حساب ليها وانت مكنتش مهتم ؟؟؟

كام مرة قلت ان دة بحبة ودة بكرهه وعملت اللى بكرهه ؟؟؟

كام مرة كلامك كان غبى شبهك ومجتش تعتذر وبديت بالكلام زى ما بعمل معاك ؟؟؟

كام مرة قصرت ف حقك وكام مرة ما اهتميتش بحقوقى اصلا ؟؟

قبل ماتقول اسبابك بص لافعالك وطول وعرض كدة ياهندسة وشوف المقاس بين افعالك ورد فعلى 

بعدها تعالى قول اسبابك الرهيبة لغبائك ...

عايزك تشوف الكلام دة وتخرج برة متجيش هنا تانى انا بطلت اتحمل وبطلت ابقى على ناس مش بتقدر ولا تستاهل الاحسان .

بص حوليك كدة هتلاقى ناس افضل واجمل واحسن منى ويتمنوك انت بس جرب تحاول تلاقى بالتوفيق وربنا معاك ياصديقى .

!!

الفرآق ..~ !

( وقدمنا إلى ما عملوا من عمل فجعلناه هباء منثورا ( 23 )

ـــــــــــــــــــــــ

هى دى فعلا الخسارة .

غبى والله غبى ،، هى دى بلد تستاهل اصلا نقطة دم .
كل حاجة ضاعت وبقى للطرف التالت اللى هو احنا ^ـ^
انا كنت بستخبى اموت اة اعيش بــ اعاقة لا .
ربنا يعوض الجميع ويكرمنا ببلد كدة تحتضنا وتكون حنينة علينا نعيش ونموت فيها .

تبآ لك حوآء ..~
انا قررت انحرف ...

ياما نفسى اصرخ واقول احية ...
احية علينا ...
مسلمات ،، عربيات ،، مصريات ،، لا مؤاخذة سافلات علشان انا طهقت ،،
انا هقدم لشركة المترو اقتراح انها تعمل اوض نوم للحبيبة بتوعنا علشان نبطل نشوف المناظر المستفزة والمقرفة دى ..
دة مسموش حب دة اسمة شهوة وتفريغ طاقات مكبوتة ،، مجتمع كلة اصلا بيبص للبنت بصة غبية والبقرة بتصدق انة حب !! .
اللى بيحب حد بيصونة ويحافظ علية من بصة ،، تقلل من قيمتها بمسكة ايد او ايدك ع كتفها وتخلى غيرك يبصلها بصة وسخة يبقى انت مبتحبهاش الحب ارقى من العبط دة ،، طب امسك ايدها مش مشكلة اما اللى بنشوفة ف شوارعنا والمتشرديت المتعلمين واللى بيعلموة !! دة ابعد مايكون عن فكرة الحب والارتباط يارب بس يكون راجل فعلا ويتجوزها ف الاخر وربنا يباركلنا ف السفلة ...
ولا حجاب ولا نقاب بقى مقياس لشيى ونسينا دينا وعاداتنا وتقاليدنا ،، دة انا كنت ملاك ع كدة اجدعان يلا مش مهم ..
كان لازم بردة اقول كدة لان المناظر دى بتخلينى اخاف اكتر من البقر شعب مبدع ف الاسفاف والانحطاط والسفالة فقط
شعب شهوانى وغبى وفاهم كل حاجة غلط ،، وللاسف مش بقدر اغير شيى لان الكل دلوقت مقضيها وربنا يخلى المسلسلات اللى لاتمت لينا بصلة دينيا واجتماعيا بوظت دماغ العيال ... انا مش هتجوز خلاااااااااااااااااص بطلت اثق ف حد .
مفيش حياء ولا كيمياء ولا فزياء ولا اصلا بقيت اقدر افرق بين الولد والبنت من البجاحة ،، الله يرحم الخجل كان طيب الف رحمة ونور عليك ياخجل وياحياء ويا اخلاق ويامبادىء وياقيم وحشتونى والله ،، نلتقى فى جنة الخلد .
اة قبل ما انسى ،،، تحية لكل بنت بتركب جنب السواق ومفكرة انة بيحجز ليها جدعنة او خوف عليها !! وابقى فكرى لية بيصمم تركب جنبة بنتين ؟؟ ،، جاتكم البلا بقر .

كلنا ف حياتنا لازم نقدم تنازلات عن بعض الاشياء علشان الحياة تمشى ،، وفى ناس عنيدة مش بتتنازل وانا منهم مستحيل اتنازل عن فكرة او عن شيى انا عايزة ،، بس بديت اراجع نفسى انا لسة مبقتش شيى يُذكر علشان متنازلش ومش مستوى علمى او ثقافى او اجتماعى ومادى عالى اوى يعنى انا متوسط ... فكرت كتييير اوى غلط وكنت صعب اخد موقف او احدد هدف ... بس كلنا لينا نظرات مختلفة وكل واحد فينا لو شاف نفس الشيى اللى بنشوفة هيقول رأى مختلف عن اللى جنبة وجهات نظر واراء وكل واحد وقناعاتة وافكارة ومبادئة ...
انا مبقاش ليا حد اتكلم معاة خلاص كنت زمان طوب الارض يعرفنى ويحبنى ويحب يقعد معايا وكنت بلاقى ناس كتيير جدا تسلم عليا وانا معرفهاش ،، دلوقت المكان الوحيد اللى بقدر اتكلم فية هو هنا وبتكلم بصدق وبعرف اعبر لانى مش دايما بحكى لشخص قاعد معايا .
اللى يعرفونى هنا شخصيا قليلين حتى اخواتى واصحابى قليل اوى اللى يعرف المكان دة ومحدش بيراقبنى لانى مبحبش حد قريب منى يعرف عنى شيى ... الكلام داخل ف بعضة انا عارف بس مش مشكلة ...
اللى عندة حلم مش قادر يحققة ممكن يتنازل عنة ويقتنع باللى موجود انا بفكر كدة .. ورغم ان كان عندى حلم ورغبة شديدة ف انى احب فئة معينة كفكر ومستوى تعليمى ومعنديش اى سبب او مبرر اقولة اشمعنى دول !! وعرفت منهم كتيييييييير جدا وهم الدكاترة اكتر حد حبيتة كان منهم واكتر ناس زعلتهم كانوا منهم بردة اوقات بنبص لنفسنا بس واوقات اللى معانا او بنحبة بيكون عندة احساس عالى بذاتة لانة اعلى علميا ودى من السلبيات ف مجتمعنا اننا اتفرقنا مستويات اجتماعية ومادية  وعلمية وف الحقيقة وف الاصل اننا لو هنفرق يبقى نفرق المستويات اخلاقية ودينية ....
انا كنت مصمم اوى انى اتجوز منهم ومش اى فكر ولا شخصية حتى اهلى من صغرى وهم لدلوقت بيقولوا هنجوزك دكتورة ورغم ان دة متاح سواء حد اعرفه او هم يعرفوة فانا بفكر ف القصة دى علشان تعبانى يمكن ف نظر حد تانى ان لو دى مشكلتى فهى شيى تافة
او انا شخص تافة بس انا شايف ان فى تفاصيل صغيرة قادرة تبوظ احلام كبيرة انا مش تافة ولا اقصى احلامى وطموحى انى احب واتحب لا انا عايز دافع للنجاح عايز وقود عايز حد ناجح ومفعم بالحيوية يشجعنى نمشى خطوة بخطوة سوا ،،  انا بحبهم وخلاص .
بس بما انى حابب تكون حياتى مش روتينية ومش تقليدية ومقتنع ان اللى هحبها دى او مراتى هيكون ليها كل حقوقها زيى تمام الا بعض الحقوق الشرعية الصغيرة اللى تخلينى شوية اسبقها بخطوة طالما انا مقتنع بان حياتى مش هتبقى زى حد فانا كدة ماشى ف طريق غلط انا عايزها ليا عايزها كل حياتى عايزها دافع عايزها دايما الشيى اللى منور حياتى وكل حاجة ليا بعيد عن حاجات كتييير تانية انا عايزها ،، انا بحب النوعية دى وانا مش الشخصيات اللى بتغيير لدرجة غبية ياترى هستحمل اشوف مراتى بتشتغل مع رجالة رغم مستواها وايا كان المستوى اللى بتشتغل معاة وفية ؟؟ طيب هبقى مبسوط لما اشوفها مضغوطة ف شغلها وف بيتها ؟؟
لما يكون عندها ظروف وضغط بيت واولاد وشغل ومستقبلها انا هكون بظلمها ساعتها لو حملتها فوق طاقتها ....
لو حسيت منها بتقصير غصب عنها ف بيتها ولو انا فاهم انة غصب عنها ومقتنع ممكن مع الوقت احس بملل واحس انى ما اخدتش الحياة اللى انا عايزها وساعتها بردة هبقى بظلمها قبل ما اظلم نفسى المقياس دة على كل بنت ممكن احبها وهى عايزة تشتغل مش شرط دكتورة .. انا ميزتى الوحيدة اللى اعرفها فيا انى بتهد قصاد اللى بحبة ومبقدرش ازعلة ولو حصل بعدها بدقايق لازم اصالحة ..
ياترى مش هيجى يوم ازعلها ولو بكلمة وهى نفسها تسعدنى بس غصب عنها ؟؟

لو فكرت ف نفسى بس هبقى انانى ومش منصف انا بعدت عن ناس كتير لاسباب هم مش قادرين يفهموها ..

الوقت بيتسرق واتعلمنا زمان ان صاحب بالين كذاب هو مش حقيقة اوى بس هو اللى يشيل حملين اكيد تقيل علية ...
الزوج لية حقوق زى ماليها حقوق مش معقول هرجع من شغلى تعبان واضغط عليها انتى لية مش بتعملى دة او دة وهى شغالة زيى تمام ... نظرة البنت للراجل انة هو اللى بيتعب علشان يعيشها ف مستوى كويس وعلشان بيتعب بتعوضة بانها تكون ف بيتة مش مخلياة محتاج شيى ،، يبقى ظلم لو انا فهمت كدة ورضيتة لنفسي وانكرتة عليها لانها كمان هتكون بتتعب علشان مستقبلها وانا مش هقدر اقف ف طريقها واحرمها من شيى هى عيزاه ... المهم انى بديت اتنازل عن حاجات كتييير بالتدريج علشان ناس تانية وعلشانى رغم ان مبقاش شيى صعب بس انا كمان كنت هفرم نفسى ف الحياة علشان اظهر بمستوى كويس عمليا وعلميا علشان لما احب دكتورة يبقى فى توافق ومحدش يقارن بينى وبين حد حتى لو محدش هيقارن انا مش هقبل اكون اقل من حد .

الخلاصة ...

ربنا خلقنا وكتب لكل شخص فينا حياتة ومن كرمة وفضلة  علينا بيدى كل واحد اللى يناسبة تمام انا مش هبص لحد اعلى منى ف الوقت دة ع الاقل انا ممكن اعيش ف مستوى متوسط مع انسانة متعلمة وبنت ناس بردة واحاول اخلى حياتى افضل ... هى مش حرب بس هى تقدير قبل كل شيى انا مش عايز اظلم حد ولا اظلم نفسى .
شفت امثلة كتيييير جدا بتخلينى اعيد تانى افكارى وبهدوء من غير عصبيتى المعروفة وعنادى مع نفسى دايما ...
انا مقصدش اى حد بكلامى دة اعرفة او معرفوش انا بقول اللى جوايا واللى هيرضينى ويريحنى ،، فى ناس حياتها دايما مشغولة دول ربنا خلقهم لبعض وفى ناس كان فى بينهم فروق ناس سابقة بدرجتين عن اللى معاهم ودة شيى عادى مفيش فرق بينهم بس انا شايف انة مينفعش اما اكون انا وهى تكملنى و مرضاش انها تكون هى وانا اكملها مهما كان ،، جزء من الحب انها تحس انى مسئول منها وعنها وتطلب وانا انفذ واعملها اللى تحبة دة جزء كبييييييييييييير من العلاقة انا مش عايز اتخلى عنة ...
مش عايز شيى كبير عليا مقدرش المة ولا احتوية ومش عايز شيى دماغة مشغولة ف اتجاهات كتيير يمكن انا بفكر غلط وكلامى دة كلة غلط ومش منطقى ولا عقلانى ،، بس انا مضطر افكر كدة لانى مش مرتاح ومش عايز اتحمل فوق طاقتى كفاية ...
عايز افوق وابتدى اكبر ... كان حلمى الاول انى الاقيها وتكون كل حاجة ليا وهى كانت الشيى الوحيد اللى مانعنى عن فكرة السفر او انى اسيب البلد اللى مش طايقها دى ،، دلوقت انا بديت اتنازل وبدت فكرة السفر اقرب ليا من حاجات كتييير هى مش متاحة ومش سهلة  بس هسعى ليها وهتكون هدفى انى امشى من هنا ...
انا مش عارف بكتب الكلام دة لية بس انا نفسى اقولة ... انا عرفت ناس كتييييير جدا ف حياتى انا مستاهلش اكون ف حياتهم وهم افضل منى وغلط كتييييييير اوى بردة ... ربنا يوفقهم ويصلح حالهم .
كنت شايف انى لازم اتعب اوى علشان اوصل للى عايزها علشان لما اخدها افضل طول عمرى فاكر انى تعبت وانها مش سهلة واقدر احافظ عليها واشوفها دايما الشيى اللى تعبت علشانة وعلشانة ممينفعش اظلمة او احرمة من شيىء .
انا هسكت لانى مش هبطل رغى .
بس عايز اقول ان فى ناس كتييير اوى عاشت وما اخدتش اللى هى عيزاة ورضيت بالواقع اللى هو مؤلم بالنسبة ليهم ..
فى ناس مكملتش احلامها وعاشت بهدوء ورضى مصطنع ودماغها بتفكر ان خلاص بقى ف الاخرة ربنا يعوضنا خير !!
كل شخص فينا كان نفسة ف شى ومكملش ،، كان فى ناس متجوزة هتموت عليا وهموت عليها بس الواقع اننا بعيد وان دى اقدار ونصيب خلاص خلصت فالكلام واللوم مش هيكون لية لزوم لازم نمشى ونكمل واحنا سايبين شي ورانا نفنسا فية ...
لازم نتنازل عن حاجات كتيييييير اوى ف حياتنا ف كل الاتجاهات والمجالات  بس مش غصب لا عن قناعة روض نفسك قبل ماحياتك تتقلب جحيم فى ناس احلامها ممكن تقتلها لازم ارضى واتنازل قبل ما الواقع والدنيا تغصبنى واتنازل غصب عنى ساعتها انا مش هرضى وهبقى عايش حياة مش اللى اتمنيتها وهغرق بردة ف وجع انا مش ادة فقلت الحق نفسك ياد يا دودو قبل ما اعاند الدنيا كلها وادخل قصة محسومة قبل بدايتها .!
هعيش زيى زى اى حد احلامى وحياتى بسيطة فيها شيى مُشرق اسمة حب مهما كانت ظروفى والحب دة مش لشخص واحد لا لكتير .

الظقاظيق "الزقازيق" سابقاً بالنسبة ليا ..
بلد بكرهها وبكرة الشراقوة كلهم اصلا ،، ابخل واندل ناس ممكن تعرفهم او تصاحبهم ف حياتك الا قلة قليلة جدا جدا جدا جدا تكاد تكون معدومة ،، وللاسف مشهورين بالكرم والجدعنة !!!!!!!!!!!!!!!!!!! طب دة انا بحب المنايفة عنهم لانهم اجدع منهم .
كان يوم كئيب وحر وممل ومقرف ف الظقاظيق ،، من اول اليوم اصلا وهو زى الفل فلوسى وقعت منى ف اول مواصلة اركبها والحمد لله كان معايا غيرهم ف جيب تانى ... ومفيش مواصلات وزحمة والبنات بقيت بلطجية وحاجات عجيبة بشوفها وانا رايح جنينة الحيوانات دى .. انا بتريق ع فئة معينة اعرف اسلوبها ف التعامل ومنكرش ان فى ناس تستاهل كل خير وناس قمة ف الادب والاخلاق بس بردة ناس بخيلة ومش ههدى الا لما اكتب دة ....
احلى حاجة حصلت بقى ان فى حد شرقاوى قفشنى وانا لسة داخل الظقاظيق لقيت رسالة منة بيقولى انت هنا ؟؟؟
وطبعا محدش بيعرف يعمل الحاجات دى غيرى ممكن اعرف مين موجود من غير ما اشوفة ...
وقفشنى وانا راجع بردة واضح انة كان بيدور ع حد تاية منة ف المواصلات :P
واخدلى بالك انت ياكابتن ياللى قاعد هناك ^ــ^
الكارثة الكبيرة انى ممكن اضطر آسفاً انزل بكرة تانى رغم انى كنت حالف ما انزلها ولا اشوف العالم الاندال دول .
مش عايز اروح هناك :( 

هتفضل طول عمرك وحيد وهتخسر كل الناس الكويسين اللي بيدخلوا حياتك ولانهم كويسين بيفقوا ويخرجوا بدري ومش هيبقي معاك غير المقرفين اللي زيك انت لعنه لاي حد يعرفك ربنا يكفينا شرك ويبعدك عنا كما باعد بين السماء والارض حسبنا الله ونعم الوكيل
ــــــــــــــــــــــــــ
الكلب صاحب التعليق دة الحيوان اللى ميعرفش يعنى اية يتكلم ياريت يعرفنى هو مين دة شخصية اقل من الكلب شخصية سافلة ،، علشان يخلينى اغلط ف ناس اشرف منة ومن اهلة ومن اللى خلفة ومن بلدة كلها ... اشكال وسخة مش هتنضف انا اعصابى باظت بسبب انى غلط تانى مرة ولتانى مرة اوجعها ،، خلانى اغلط ف شخصية انضف من اهلة ولو عندة الجراءة مهما كان ف حياتى يقولى هو اى كلب غلط وعرفتة ف حياتى ،، وانا شخص مندفع وغبى انا كمان انا آسف بجد للى غلط فية ومليش مبرر انا عارف انا شخصية قذرة فعلا .

تلك هو كبريائنا المزيف تحين لحظات نقرر فيها ان نرحل فماذا يجبرنا على البقاء ؟؟
نشعر اننا اكبر من الحزن ومن الفراق ،، نردد داخل انفسنا اننا اصبحنا كباراً ونسخر منا كوننا نتألم من فراقنا لاحدهم حتى وان رحل عن عالمنا ،، نلوم انفسنا بشدة ونندم لاننا يوماً ما رددناها كثيرا لهم ان ابقوا فنحن نريدكم ...!!
عنجهية فارغه تجتاحنا حينما يعود احدهم الينا ونبدأ فى الانتقام وننسى ان نغفر لهم ونسامحهم ...!!
اتسائل لماذا ؟؟؟؟
وقبل سؤالى لماذا عليهم ان يرحلوا ما دامت مفاتيح قلوبنا وسعادتنا لديهم ؟؟؟
ولماذا يتفننون فى ايذائنا رغم اننا لا نستحق ؟؟
واتسائل لماذا نستهين بمشاعر الغير ولا ننسحب بغير الم ؟؟
لماذا يتركوننا ونحن بأمس الحاجة اليهم ؟؟ وهم بكل اسف يعلمون هذا ؟؟!!!
هل هذة الاشياء هى سبب جفائنا وسبب قسوة قلوبنا ؟؟
اشعر بتناقض كبير بين كلماتى.... والحقيقة اننى لا اجد حلا ..
فــ انا من هوؤلاء ومن هؤلاء ....
انا من هؤلاء الذين يبكون كثيراً حتى لا يرحل احدهم ،، انا من هؤلاء الذين يتعلقون بالاشخاص حد تمنى الموت عند رحيلهم وان كان صديقاً ...
انا من هؤلاء الذين لا يهوون الفراق واصمم على بقائهم بحياتى على اى شاكلة ...
من هؤلاء الذين يترددون كثيراً عليهم املا فى ان يعودوا يوما ماً ...!
وانا ايضا من هؤلاء الذين لا يغفرون ،، ومن هؤلاء الذين يرحلون ولا ينوون العودة ...
انا من هؤلاء الذين لا يشعرون باهدار كرامتهم وان لم تكن كذلك الا مؤخرا وافضل الموت على العودة اليهم ...
انا من هؤلاء الحمقى الذيت يستفيقون مؤخرا ويعيدون حساباتهم ...
انسى اننى رجل وانسى انة على الرحيل من حياتهم والا اقف بطرقاتهم حينما يريدون هذا ...
انا من اتنازل عن كل ما املك فى سبيل بقائهم ،، فتبا لى لن يحدث هذا ثانيا ...
فـــ انا رجل واخالف كل ما املك من افكار بما افعل ،، ارى انة يتوجب على الرحيل بلا عودة حينما يريدون هذا ...
ارى انه لابد ان املك ذوقاً وكبرياء ولا ابقى لديهم ان احسست هذا ،، وارى انة لا شيى يؤخذ عنوة ...
انا اعيد بعض حساباتى واستعيد جزءاً  منى لن انحنى لـــ احد ولن اطلب منهم البقاء مرة اخرى  فمن يريدنى سيبقى ويشير نحوى ان ابق لدى ولا ترحل ..
ومن لا يريدنى ساتركة لانة يهوى هذا يظن اننى ملكا له يرحل ويعود وانا مازلت له !!
لم تعد لدى اسئلة لانهم بالطبع لا يملكون الاجابة .!
سأظل احب وحدتى وعزلتى وبقائى بعيدا خيرا لى من هؤلاء .. ولن انتظر عودتهم ...
فآخر امنياتى واجملها لم تعد "فارستى" او اميرتى ... تخليت عن حلمى بمحض ارادتى ولن اسعى له .
وضعت اعلى قائمتى اخرى اعشقها منذ صغرى واسعى لها ،، هى فاتنة اخرى ... انها الغربة.

لن اتحمل جُرح آخر ،، كونى بخير من اجلى .

(ميشيل نوستراداموس) ....

(ليليث) ....

رجعت تانى ابقى مجنون قراءة  ،، بدخل ف اماكن تجيب ورا ضررها اكبر ليا من الاستفادة منها انا عارف نفسى ،، للاسف بحب النوع دة اللى بيدخلك ف عالم خيالى لا متناهى وزمن اصلا غريب ف جمالة وغموضة واجوائة ،، اى حاجة فيها الاجواء دى انا موجود هناك ف اى كتاب  او موقع بيودى للاماكن الجميلة والقبيحة ف "نفس ذات الوقت" دى ومش هرجع الا بكبشة كوارث فكرية  ....

ملحوظة ..
"فكرية" دى قرية ف المنيا ههههههههههههههههههههه ابتدى الجنان .

حينما تطلقين زفيرك ويذوب فى هواء مدينتك اغار منهم ...!

اغار من هؤلاء الذين يتقاسمون هوائك ،، ويصادفون زفيرك ...

اغار من ذرات التراب التى تمرين عليها ،، اغار من شوارع مدينتك ،، اغار من اعينهم حينما تنظر اليك ...

اغار من كل شيى يتقاسمك مع نفسك الا انا ...!!

اغار من كل شيى يرى وجهك ....  ومن كل شيى تلمسينة بيديك ...

اغار من نسمات الهواء التى تداعبك وتشعرك بالسعادة ..

انا لا اجدنى ،، ولا اجدك .. واحبك حد الثمالة ..

انتى حلم مخبأ بين طيات ايامى ... 

انتى نبع سعادتى ،، وانتى جنتى ،، ونارى التى لا تنتهى .

لا تستغربى ولا تستنكرى فـــ فــــــــــارسك التعيس لم يصل بعد ... ولن يصل ابداً .

تشتت خطوات فارسك ،، تعددت طرقاتة ،، وضعفت خيوطة التى يتعلق بها .. قد ذابت وذاب معها .. ولا اثر .

واحمل بين كفى حلما كبيرأ بك ... لن يكتمل !

اكرة كل النساء الا واحدة ... لن التقيها ...!!

هل من منصت ؟؟
اشعر بدقات قلبى الحزينة تنشر الوجع داخلى ،، بت اشك فى وجود السعادة اهى حقيقة ام اكذوبة صدقناها ؟؟