نازل شغلك او خارج ؟؟؟
قوم من نومك اتوضى ،، صلى ،، اتنفس بهدوء ،، فكر فى يومك ، حط احتمال ان ممكن شىء سعيد يحصلك النهاردة او شىء سيىء جدا ... افهم انك لازم تعمل شىء كويس او تقدم خدمة لحد .. "ده شىء اختيارى ممكن متعملش حاجة منه"!
الشيىء الاجبارى هو انك تقف قدام دولابك تختار هتلبس ايه ،، حددت فل اوى اكوى بطلونك والبسه مش هينفع لازم تى شيرت دور على اللى يليق لقيت ؟ البس اخرج بقى .... مينفعش فين الكوتش دور عليه البسه اخرج .... مينفعش فين الساعة دور عليها البسها خلصت ؟ اخرج بقى ...
معلش نسيت ااظبط شعرى ادخل حمامك اعمل سبايكى بتاعك خلصت ؟
اخرج....
ثوانى نسيت موبايلى ... لقيته ؟ انزل
نسيت محفظتى وفلوسى .. دور لقيتها انزل بقى ....
ده كله دورة وحلقة واحدة ماسكة بعضها مينفعش تفوت شىء منها او تسيبها حاجة كده روتينية وضرورية....
انت فى حياة ناس كده شىء روتينى مينفعش ابدا ينزل من بيته من غير ساعة ف ايده او تى شيرت بيحبه او كوتش شيك ....
انت جزء فى الدورة دى فى حياة شخص ما بتكمله... بس تبقى اهبل وعبيط ومتخلف لو مفكرتش ان التى شيرت هيقدم وهيدوب والساعة هتقف والكوتش بقى قديم هيتقطع ولازم لازم يتبدل فى وقت ما ... !
قوم من نومك اتوضى ،، صلى ،، اتنفس بهدوء ،، فكر فى يومك ، حط احتمال ان ممكن شىء سعيد يحصلك النهاردة او شىء سيىء جدا ... افهم انك لازم تعمل شىء كويس او تقدم خدمة لحد .. "ده شىء اختيارى ممكن متعملش حاجة منه"!
الشيىء الاجبارى هو انك تقف قدام دولابك تختار هتلبس ايه ،، حددت فل اوى اكوى بطلونك والبسه مش هينفع لازم تى شيرت دور على اللى يليق لقيت ؟ البس اخرج بقى .... مينفعش فين الكوتش دور عليه البسه اخرج .... مينفعش فين الساعة دور عليها البسها خلصت ؟ اخرج بقى ...
معلش نسيت ااظبط شعرى ادخل حمامك اعمل سبايكى بتاعك خلصت ؟
اخرج....
ثوانى نسيت موبايلى ... لقيته ؟ انزل
نسيت محفظتى وفلوسى .. دور لقيتها انزل بقى ....
ده كله دورة وحلقة واحدة ماسكة بعضها مينفعش تفوت شىء منها او تسيبها حاجة كده روتينية وضرورية....
انت فى حياة ناس كده شىء روتينى مينفعش ابدا ينزل من بيته من غير ساعة ف ايده او تى شيرت بيحبه او كوتش شيك ....
انت جزء فى الدورة دى فى حياة شخص ما بتكمله... بس تبقى اهبل وعبيط ومتخلف لو مفكرتش ان التى شيرت هيقدم وهيدوب والساعة هتقف والكوتش بقى قديم هيتقطع ولازم لازم يتبدل فى وقت ما ... !
و بالنسبة للناس ممكن يتبدلوا؟
ردحذفاى ناس ؟؟ انت فهمت ايه اصلا لما قرأت ؟؟؟
ردحذفاقصد انك ممكن تبقى شيىء مهم وبيكمل حياة شخص فى وقت ما وهتتبدل وهيجى غيرك يكمله ...
ده ا1ا كان حب مزيف واختيار خاطىء....
ايوة الناس ممكن تتبدل .
طيب مهو الواحد ممكن يبعد عنه حد لانه زهق منه مش شرط يكون حب مزيف او اختيار خاطئ من الطرف التانى بس لانه هو اللى بعده عنه ممكن تكون انت زهقت من التى شيرت مش شرط يكون قدم او داب_ فهمنى طيب مادام انا مش فاهمة _
ردحذفاللى اعرفه انك لو مهم و بتكمل حياة شخص مبتبقاش مسالة وقتية و بتنتهى حسب مزاجك او مزاجه
الموضوع كبر منك اوى يا اسمك ايه .. انا اتكلمت عن اختيار الاشخاص ده اولا ...
ردحذفثانيا انا لو بحبك مهما تزهقينى منك مش هبعد لان زهقك ناتج عن فعل غبى انا عملته بالتالى لما ابطله انتى هترضى وهتسامحينى الا اذا كنتى عايزة تمشى اصلا وبتتلككى ساعتها هيبقى انتى كنتى اختيار خاطىء منى .... لو زهقت من حد بحبه مبقاش بحبه والعكس ... فى ناس عندها احساس بذاتها انها دايما هتلاقى الافضل وان الافضل يتمناها وفى ناس عندها ظروف ....
انتى مش هتشحتى الاهتمام من حد ....
فى ناس لما بتاخد اللى هى عيزاه بتمشى ... فى شخص بمجرد مايعترف للطرف التانى بحبه ويثبت ده الطرف التانى بيبتدى يتغير يشوفه شىء موجود ومش هيمشى لانه خلاص اتعلق !!
وفى ناس بتبقى محسومة اصلا من البداية بتكونى انتى وسيلة نسيان او تحصيل حاصل او طرف مفقود فى معادلة انتى بتكمليها وده دورك مش اكتر ....
انا مش مركز اوى بتمنى اكون قدرت افهمك وللعلم كلامى ده حتى ع الاصحاب مش شرط حد بيحب حد .
ماشى وصلت شكراً على التوضيح
ردحذفمعلش فيه حاجة كمان يعنى ايه تاخد اللى هي عايزاه و تمشى معرفة مصالح يعنى ؟ و يعنى ايه طرف مفقود فى معادلة بكملها او وسيلة نسيان ؟ تعتبر معرفة مصالح دى ؟
ردحذفياخد اللى هو عايزه احساس او فعل ولانه مش فارق معاه يمشى ،، اى حد طبيعى لازم يكون بتاع مصلحته وده شىء بالفطرة مش هيكون بتاع مصلحة اللى جنبه يعنى ... فى شخصيات بتعرفك لكونك انتى وبتقبلك بكل مافيكى من حلو ووحش دول اللى تحافظى عليهم وفى شخصيات تقبل الحلو منك اللى هو ماديا او معنويا دول بالجزمة ... قصة المصلحة بعيد وتبقى غلطانة غلط السنين لو خيرتى اختك بينك وبين مصلحتها متحاوليش تعملى ده لانك هتخسرى ومتحاوليش تفكرى فى النقطة دى لانك هتتعبى .
ردحذفهتبقى وسلية نسيان لو عرفتى حد بيحب غيرك .... وهتبقى طرف مفقود فى معادله لما يكون فى غيرك ومفتقد الاحساس او الحب او الحنان وياخده منك ... هتبقى شىء بيكمل .
اللى يعرفك علشان منفعة ذاتية اديهاله وسيبيه يفهم انه ذكى بس اللى يعرفك علشان يكسرك اخرجيه من حياتك .
مهو المنفعة الذاتية دى ممكن تكسرك _ فى النهاية كله استغلال _ بشكرك على التوضيح للمرة التانية و ردك على اسئلتى .
ردحذف