اقسم بالله عليا الطلاق بالتلاتة والمصحف الشريف انا مليش دعوة بحد .
مبفكرش زى حد ..
مليش دعوة بحد ..
مبشغلش بالى بحد ..
مبزعلش من حد ..
مبظنش خير او شر فى حد ..
ومبركزش مع حد ..
مبشغلش دماغى على حد ..
ومش عايز حاجة من حد ..
ومليش دعوة بفكرحد ..
ومبحكمش على حد ..
ولو حد زعلنى مببقاش مهتم انى ازعله زى مازعلنى ..
ولو حد اذانى مببقاش مهتم أأذيه زى ماعمل ...
ولو حد تجاوز حدوده معايا مبقولش عليه وحش ..
ولو حد عمل شىء لا اخلاقى او مرفوض برده مبحكمش عليه ..
الخلاصة انا دماغى لوحدها كده خالص مش عايز اى حد يجى يقعد يفكرلى هو ويستنتج ويقولى انا دلوقت بفكر فى ايه !
يعنى ممكن تعمل شىء وانت نفسك تتوقع رد فعل غبى منى وتلاقينى عادى ..
وممكن تعمل شىء قذر وتتوقع منى حكم عليك تلاقينى عادى ...
وممكن تعمل شىء حلو وتستنى منى ثناء على موقفك وبرده تلاقينى عادى ..
انا تايه لوحدى ومش ناقص توهان .
مش عايز حد يجى يقعد يدينى احكام مسبقة ،، ومش عايز حد يجى يقعد يحلل شخصيتى اللى انا مش طايقها ..
ومش عايز حد يجى يعمل نفسه فاهم انا بفكر ازاى ،، ومش عايز حد يفرض عليا هو فاهمنى ازاى لاننى ببساطة عكس كل توقعاتك وممكن اثبتلك انى عكس كل فكرة كونتها عنى واى انطباع اخدته عنى ... واى شىء انت شايفه فيا احتفظ بيه لنفسك انا مش عايز اعرفه .
#حد نفسة زهق منى !!

# استفزاز