انا بكره المقدمات ، بكره الاغاني اللي أولها مزيكا طويلة ، بكره فيديوهات التوعية اللي فيها مقدمة ، بكرة المط واللف حوالين المضمون لو لدقيقة أو اتنين ، بكره وبشتم اي ست على يوتيوب بشوف أكله بتعملها  وتلف حوالين حط ايه مكان ايه ، بكره الناس اللي بتسيب وقت لحد ما توصل لمرحلة معينة رغم أن الشخص ده دلوقتي هو هو كمان شوية طالما عنده هدف ، بكره الناس اللي بتعرفني بنفسها كتير قبل ما تتكلم  ، بكره الناس اللي مش واضحة على طول...
مش بكرهم كـ أشخاص لكني بكره الطريقة دي وغالبا انا اللي غلط وماعنديش صبر ومتوتر...
انا اسرع واحد يدخل في الكلام وأسرع واحد اقول عايز ايه وبكره جدا الكلام يتقال لي مرتين ..
عموما بلاش مط ولت وعجن كتير لأنه شئ مرهق لفئة مختلة عقليا انا منها.!