سيرة الاراجوز - فرقة عمدان النور - Gazaga

فيها شىء عميق ،، شىء جميل ..

حنين لــ شىء ما ...

المكان القاهرة ... تحديداً مترو القاهرة ... محطة الخلفاوى ...
وبما انى بقيت شخص عدوانى ومبقتش اتحمل اى حد وسهل حد يستفزنى والعن سلسفيل اهله واهزقه راكن مع نفسى ...
واذا بــ بنت اجنبية شايفها والمترو بيهدى واضح انها هتركب فى نفس العربية اللى انا فيها ... القطر وقف .. بصت ع الباب ..
راحت جرى ع الباب التانى وانا مندهش .... ركبت من الباب ... ولقيتها تلقائى راحت ع باب تانى !!!
لابسة شبشب عادى بنطلون جينز ازرق وتى شيرت رمادى نص كم !!
قمة البساطة والشياكة والتلقائية مش الفلكلور الشعبى اللى بشوفه فى الشارع ..
وقعدت تبص باستغراب ع الناس اللى عماله تطلع من نفس الباب اللى هى واقفة عليه !
لما نزلت من القطر وقعدت اريح فى محطة العتبة الحبيبة .. بصيت ع القطر وفهمت ايه اللى حصل ...
كانت واقفة عند الباب مكتوب عليه ممنوع الصعود وطبعا قصادها ترجمة انجليزى ... هى جريت للباب التانى مكتوب عليه صعود ..
... ولما طلعت راحت ع الباب التانى اللى هو نزول وبرده عليه الترجمة ... سرحت وقلت ياه النظام فى العقلية ...
وفهمت هى ليه كانت بتبص على المصريين اللى طالعين ع نفس الباب اللى هى واقفه عليه .. لانه للنزول ^ـ^ !
ساعتها افتكرت مقالة للواد اللى عنده فرط حركة اللى اسمه هشام الكخ كان متعصب اوى من كلمة ايجيبت وان معناها الهمج ..
وكان قاعد يكتب ويصرخ ويشخط وينطر ان احنا مش همج ... وزعلان اوى
كنت عايز اقوله عندك حق يابن المرة احنا عدينا مرحلة الهمجية بمليون سنة ضوئية .. الاسم على مسمى ..
وفضلت بقى افتكر كام موقف كده وقلت ياه الناس دول اذكياء حتى فى اطلاق الاسماء وعندهم نظرة صحيحة !
انا حتى اوقات بشك فى اننا احفاد الفراعنة مش معقولة الناس اللى سابت حضارة دى احنا احفادهم ..
ناس اشتغلت وتعبت وكان عندهم عبقرية لا مثيل لها مستحيل نكون احنا احفادهم اللى مش قادرين نعمل اى شىء يفيدنا قبل ما يفيد البشرية طبعا بــ استثناء حوار الكفتة ده .. المهم بعد ما قعدت سرحان شوية قلت ياريتنى كنت اتشعلقت  ف رجليها ومسبتهاش ..
بس ياترى الاجانب بيحبوا المصريين زى ما المصريين فاهمين ان اتخن اجنبية بتلزق فيهم ؟؟؟ !
اشك .

حقيقة 

واضح انى مش مناسب لاى لحد !

ادخل صفحة فلسطينية وهات كام اكونت لولاد وبنات .. هتلاقيهم رافعين صورهم وماشاء الله قمة السعادة والشياكة ..
هتحس كمان انهم مبسوطين ونفسيتهم عالية وده معكوس على وشهم ... انا مش بنق لا انا بحقد وبحسد بس ^ـ^
يعنى احنا منقدرش نقول ان معظمهم مش اصحاب  قضية بس نقدر نرجع بالزمن لورا ... هم اللى باعوا ارضهم لليهود مقابل الدولار ..
غزة اللى كان فيها عملاء لاسرائيل وكان عددهم مهول ... انا مسميهم الشعب الاصفر المغلول عرفت ناس منهم قمة الغل ...
على عكس السوريون .... على كل حال متنساش برده تجيب بروفايل كام مصرى وانت هتعرف مين اللى فى احتلال حقيقى !!
انا مش هشيل قضية غيرى ... من باع الارض عليه ان يستردها .

مازل المسجد كما هو ومازال هذا المكان الذى كنت اجلس فيه دائما جانبه ينتظرنى ...!
الشمس تُشرق وتغيب ... القمر يصعد الى السماء باهتاً وزاهياً ...!
الناس كما هم كُل منهم يداوم على ما كان يفعله دائما ...
السيارات تغزوا الشارع ...  ترتفع اصوات مكبرات الصوت ..
امام المسجد يصلى كل يوم ... وفى الجمعة يأتى آخر ليخطب خطبته ثم يدعوا ويرحل ..
يسرع الناس فى الخروج من المسجد .. ويقف احدهم يحمل صندوقاً وينادى تبرعوا من اجل اليتيمات ..
تقف جميلة سورية تطلب بعض المال مساعدة ليها ...
يتجمع الاصدقاء خارج المسجد ليتصافحوا فاليوم اجازتهم ... يضحكون ويمرحون ...
بينما لم يلاحظ احداً غياب تلك العجوز الذى كان دائما يبادر بالسلام باهتمام لا مثيل له رغم عدم معرفته بى !!!
لم  اره منذ فترة قصيرة ثم ما لبثت ان تذكرته وسئلت عنه من جار له فقال لى قد مات ورحل ..^ـ^
رحل العجوز والكون هو الكون والحياة هى الحياة ... وهؤلاء كما هم  تدور حياتهم ولا شىء ينقصها ...
ربما انا من يتحمل عبــء الرحيل  ربما انا من يتذكر كل هؤلاء الذين يرحلون الى المجهول ... ربما انا من يفكر !
وانا ايضاً بعد الجمعة اذهب الى بيتى اتناول فطورى ثم التقى باصدقائى لنمرح ...  فلا شىء . !

رسائل عفوية ...

 نسيت اقولك
: انك فى وادى وانا فى وادى تانى خالص
: ومستحيل الطرفين دول يلتقوا
: هيحصل تنافر
: قلتى قبل كده يمكن لما اشوفك اغير فكرتى
: هتغيريها ودى حقيقة انا لا امثل 1% من فكرك
: ولا الشخص اللى ممكن تعيشى معاه حياتك
 ورغم انى بنام واصحى واكل واشرب واخرج وانتى فى عقلى وقلبى
: ورغم انى مستعد اخسر كل حاجة بس اعيش معاكى
: ورغم انى مستعد حتى اخسر عمرى فداكى
: انتى برده فى اتجاه وانا فى اتجاه آخر
                           2

: احنا الاتنين هنكسب
: انتى هتكسبى فى طريقك وتعيشى حياة رائعة لانك جميلة وتستاهلى
: وانا ان عشت هكسب فى طريقى وهصنع حياة رائعة
: انا دايخ والارض بتمشى تحتى فهقوم
: هنتكلم تانى اكيد
: خدى بالك منك



                       3
: نسيت اقولك اهم حاجة صح
: انا بحبك
: بحبك اوى
: بحب التراب اللى بتدوسى عليه
: ربنا يحفظك ويسعدك ويطول عمرك
: لو كلمتك بعصبية علشان خايف عليكى وبحبك
: ولو فهمتى غير كده تبقى غبية بجد
: وصح
: انتى ذكية وشطورة
وعسل
وليكى مستقبل جميل "وسوف تبدى لك الايام":
: عارفة كمان بحبك لدرجة انى مش عايز اقوم
: ومش عايز ابطل كلام
: انا رغاى اصلا
: يلا بحبك بقى
: خدى بالك منك
: سلام

زهقت من التفكير لوحدى ....

محتاج حد يفكر معايا ... محتاج دافع ..!

انا محاولتش أأذى حد او قصدت ده انا كنت غلطة فى حياة ناس وادينى صلحتها ووانسحبت من حياة الجميع ...

انسحبت وخلاص بدون اى انذار وبدون اى مقدمات 

انا مش عايز حد يرجع هنا تانى يظهر فى حياتى ،،، مش عايز حد يكلمنى بشكل غبى ،، مش عايز حد يلومنى على غلطة غلطها ..

مش عايز الكام شخصية اللى اعرفهم هنا يطلعوا يقولولى كلام يوجع ويسمم البدن ويسيب ندبات طول العمر ...

انا مبعرفش انسى حاجة ،، مبعرفش انسى موقف ،، مبعرفش انسى تفاصيل ،، مبعرفش انسى كلام وده بشكل ما نوع من الشقاء ..

نوع من المعاناة لانى ببقى فى امس الحاجة لانى انسى حاجات كتير...

انا فعلا بقى عندى القدرة اللى تخلينى ابعد عن المدونة شهور طويلة جداً وما اهتمش بيها ولا بأى حاجة فيها ...

بس ده المكان الوحيد اللى بلاقى نفسى فيه وبرتاح فيه .. ده المكان الوحيد اللى باقيلى وبيحتوينى وبيدينى مساحة اتكلم بحرية وزى ما احب ... انا رجعت لانى محتاج افرغ طاقة جوايا .. لا عايز انتقاد ولا عايز ثناء ...

بمعنى آخر المدونة دى ملاذى مكان بستخبى فيه . انا رجعت للمدونة وبس 

انا هجرته بسبب اشخاص كتير معينين لو سمحتوا اذا كان فى حد لسة بيجى هنا انا مش عايز اعرف ان حد فيكم لسة موجود ..

ممكن يتابع فى صمت ممكن يسكت وهكون ممتن .

غريب جدا انى افضل ادور على شخص فترة طويلة واقعد اجرب ارقام علشان اوصله وفى الاخر افشل !!
غريب انى اقول لنفس الشخص انى بعد ما قفلت رقمى وغيرته هرجعه تانى وهستنى منك اتصال !!
غريب انى قلتله هسيبه مفتوح دايما يمكن يوم تتصل بيا وبرده ما حاولش يقربلى !!
والاغرب ان الشخص ده رغم حيرتى ورغم انى بدور عليه كل يوم الان انه يوميا فى المدونة تايه ومش لاقيه ع الارض رغم انه فى المكان الصغير ده  !!!!!!!

وبعد كل هذا العناء استطعت ان اتخلص من كل تلك الاشياء التى ترهقنى ...

تخلصت من تلك العادات السخيفة .... لم اعد اهتم بأحد ... لم اعد اتعلق بالاشياء كما كنت بالسابق ...

ليس هناك مايغرينى ...  ازلت عنى حبهم الزائف ... تخليت عن كل احلامى.. ...

انا لم اعرفنى جيدا فى السابق لم اعطى نفسى مساحة كافية لــ اعرفنى او احبنى ...

اعطيت كل من صادفت اعطيتهم ما يكفى من الحب والاهتمام دون الالتفات الى ذاتى ...

انا ما زلت اكره بعض الاشياء فى .. لكننى تصالحت مع ذاتى وتوافقنا .. تبقى لي ان اتخلص من كل تلك الافكار التى تشنقنى ...

بقى لى ان اضع حداً لتلك المعركة الدائرة فى رأسى والتى تكفى لان افقد وعيى ... بقى لى ان اتعلم كيف اخطوا من جديد ..

وخطوة خطوة سأبدء ... سأبذل كل جهدى من اجل ان اصبح كما اردت وان لم اوفق فقد فعلت ما على فعله ...

اصبحت احلامى اقل ... ربما هو نتاج مراجعة النفس ... ربما هو نتاج صدقى مع ذاتى وما املك ...

كالبسطاء .. الفقراء 

وكالملوك ... الاغنياء !

ســـ احيا ! ... يكفى القليل من الحظ لــ افعل هذا ... 

مرة اخرى لا شىء ها هنا يغرينى ... لا شىء يدعوا للبقاء فقد تخلصت من هذا العالم وللابــد ..

لم اعد اتعلق به لم اعد اهتم بمن فيه ها هنا لا شىء سوى الوهم .. فخلف شاشتى حياة اخرى وواقع آخر ..!

ــــــــــــــــــــــــــــــــــــ

رسالة لك ...

بقى لى شيئاً واحداً لم اتخلص منه اليك ايتها الجميلة التى احببتها ... مازلت فى كل سجدة ادعوا لك ان يريح الله قلبك ..

ان يسعدك ويطيل عمرك ويوفقك ويسهل جميع امورك هذا ما تبقى لك لدى ... ولم اعد اريدك انت الاخرى ..!!

هناك واقع آخر ينتظرنى هناك حياة اخرى لا تليق بجميلة مثلك ... انا وفى حياتى الصغيرة تلك لم  يعرفنى اليأس مرة !

ولم يزورنى لكننى امام واقع قبيح .. كونى جميلة كما عاهدتك دائما ... وسأظل ادعوا لك حتى اجد من يخرج قلبى من سجنه ..

حتى اجد من يربت عليه من يقف بجانبه ويعطيه وعداً بالبقاء ... اعدك يا جميلة اننى سأنساك حينها وفائاً لمن هو قادم ...

وحبا لمن اخرج القلب من محبسه ... فانها تستحق الحب حينها لا ظلماً ولا قهراً بذكرياتى معك ..

ــــــــــــــــــــــــــــــــــــــــ الايام الجميلة لم تأت بعد ..

ستكون هناك حياة اخرى ربما اكثر سعادة وربما شىء آخر . للجميع مرة اخرى دون اسثناء اتمنى لكم الخير والسعادة .

لكل هؤلاء الذين يمرون من هنا .. دائما انتم الانقى والاجمل فكونوا دائما وابداً كذلك .

قبل أن تفكّر في زوجة إستمع لهذا الفيديو

محمد صل الله عليه وسلم .. قدوة ،، مُعلم ،، رسول ،، انسان ،، حبيبى .
دينا دين جميل ... "ما اولئك من خياركم" ...

والله يا شنقيطى انا بحبك جدا مخلص وموفق وصادق ... وبرتاح نفسيا جدا لما بسمع بس صوتك !

المخلص موفق دائما مش مشايخنا اللى طبق كل الشرع وفاضله انه يتجوز 4 !!

يلا ادينا بنتعلم ... كل اللى ناوى يخطب يشوف الفيديو ده ..

وكل اللى اتخطبت او هتتخطب ان شاء الله تبقى تبعت الفيديو ده لخطيبها ...

حيآة مثالية  وراقية جدا ربنا يكتبها للجميع .

الله الموفق والمستعان يا مسر ....
365 يوم وبعدها نقعد ونتحاسب واللى ليه حق ياخده ...
https://soundcloud.com/mohabrbeats/the-day-i-lost-it-all
^ـ^
https://soundcloud.com/dimitrivegasandlikemike/dimitri-vegas-like-mike-chattahooche-tomorrowland-anthem
استرخى يا مسر .
لو حصلى حاجة بطلوا تسمعوا الموسيقى دى علشان مشيلش ذنوب .
هبقى اكتب فى وصيتى ان حد يمسحها ^ـ^