حابب اقول انى كنت مخطىء لما فكرت انى مش هحتاج لحد ولما خرجت ناس كتير اوى من حياتى رغم حبهم ليا ...
كنت مخطىء لما كذبت على نفسى ...
وكنت مخطى لما كنت واضح اوى فاللى انا عايزه ... ضعيت كتير اوى وقصرت ف حق ربنا كتير اوى ..
وما زلت مخبى حاجات كتيييييييييير اوى حتى عن نفسى ... ولانى مش ضامن عمرى ولانى ممكن بعد ساعات قليلة ممكن اموت
حابب اقول لناس كتير عرفونى من هنا وحبونى من هنا انى اكبر مقلب فى حياتهم ممكن اكون اقذر مما يتخيلوا ..!!
ممكن اكون عكس كل حرف وكل كلمة قولتها عن الدين او عن الفضيلة ... ويمكن الكلام الى كتبته هنا هو انا فعلا وهى الحياة اللى اتمنيتها ... بس غالبا انا فى الواقع شخص تانى وحياتى مختلفة كل الاختلاف وبعيدة تماماً عن المثالية ...
انا شخصية لا تُطاق شخصية معقدة وممكن تكون فى امس الحاجة لطبيب نفسى او حتى مصحة او مستشفى ..!
شخصية غريبة جدا بتحتار فى تحديد هدفها وافكارها ومبادئها ممكن تبقى اكتر من شخصية ف وقت قصير جدا ...
شخص بيحلم ومبيحاولش يتقدم خطوة شخص بيتكلم اكتر ما بيعمل شخص لقى ان لسانه مساعده انه يتحب بسهولة شخص ممكن يتقمص اى شخصية بسرعة من غير ما يمثلها شخص حاول يعيش زى ما حب بس الواقع كان مؤلم ... شخص طيب جدا اوقات والشر نفسه ممكن يهرب منه اوقات شخص ناس كتير اوى حاولوا يفرحوه مفرحش او يغيروه ميتغيرش شخص ممكن يوقف متعة كل شى عند حد ويمل منها لدرجة ان مبقاش فى شى ممتع فى حياته ... شخصية روتينية مملة ممكن .
شخصية رغم كبرها ممكن تغلط وتبكى بعد غلطها .. شخصية متناقضة .
شخصية غبية لا تستحق الثقة ولا الحب متستحقش اى شى سوى الشفقة والدعاء ... فمحدش يحاول يثق فيها ابدا .
المكان ده هو الوحيد الللى استوعبنى وادانى فرصة ع الاقل احكى واتكلم .. وهو نفس المكان اللى حبب ناس كتير فيا مكنتش هقابلهم ابدا لو مكنتش هنا ... مكانوش هيحبونى ومكنتش هبقى بالحقارة دى ...
سامحونى // كل شخص اقصده بالكلام ده هيعرف انه موجه ليه وبتمنى من قلبى يسامحنى ويدعيلى ..
ممكن اكون ف نظر نفسى قذر وحقير وندل وبكره نفسى جدا لاسباب تخصنى ومش شرط تكون اسباب اخلاقية او دينية ..
انا مش عارف اقول ايه غير انى مكنتش كده ومكنش مفروض اوصل للى انا فيه ولدرجة التفكير دى مكنش مفروض اصلا اتولد .
فى ناس فعلا حبيتها واحترمتها وبرده بعدتهم عنى علشان مأذيش حد منهم بفعل او بكلمة او بفكرة والحقيقة انى اذيت ناس منهم بالطريقة اللى بعدتهم بيها عنى .
انا كنت درس قاسى جدا لناس كتير.
سامحونى
#حقيقتى
ــــــــــــــــــــــــــــــــــــــــــــ
استنيت كتير جدا بعد ما كتبت الكلام ده ومازلت عايز اقوله لاى سبب كان معلوم او ف علم ربنا .
اى حد ظلمته مستعد بالطريقة اللى يحبها اتحمل غلطى .
وتفتكر لو حد كسرته ووظلمته معاك وجرحت مشاعره ينفع حاجه تتغير تانى الا اذا مخلقتش منه انسان سيء كل غلطه هيعملها من بعدك هتكون انت السبب فيها :\
ردحذفانا كمان اتظلمت وناس كتير كسرتنى وكنت مخير بين انى افضل متسامح وانسى وبين انى اتعلم واتغير .... مش بنكر انى هكون سبب بس بتمنى يسامحنى ...وهبقى برده سيبت ليه درس قاسى انه يبطل يثق ف حد
ردحذفهو انت عشان اتظلمت تظلم !! واتكسرت وانجرحت تجرح!!
ردحذفده الواحد لمابيتظلم من حد بيخاف يوم يظلم او حد يدعى عليه ...يوم ماتتغير يبقي للافضل متجيش على حد ربنا يوفق ويهدينا .
واذا كان اللى ظلمته انت مصدق انك مش ظالمه لدرجة انه هو كمان صدق و بيرمى اللوم على نفسه وبالعكس اوقات بيبقى شايف انه هوه اللى ظلمك و ظلم نفسه معاك !
ردحذفاظن انكم شخصين بيردوا ...
ردحذفانا عمرى ماظلمت حد لكونى اتظلمت بالعكس بحرص مظلمش لانى جربت ...
فى ناس بتفهم انسحابى من حياتها ظلم وعموما انا شبعت دعى عليا واللى انا فيه مش شوية .
ـــــــــــــــــــــــــ
الظلم اللى بتكلم عنه مش مش ظلم افتراء على حد ،، انا عمرى ما عملت شيى وحش لحد وقلت انى معملتش ,,,, ولو حد ظلمنى انا مسامحه ومش شايل فى قلبى حاجة لاى حد . ظلم النفس اصعب ياصديقى متلومش نفسك .
نور اللى بيحبك بجد هيسامحك مهما عملت فيه ايه خليك متيقن من كده .. وهيفتكرلك دايما الخير وينسى اى حاجة تانية ... لانك بردو عملت خير كتيييييييييييييييييير واوعى تنسى ده ... كلنا فينا جانب خير وجانب شر... متشغلش بالك بئى وربنا يسعدك .. وعلى فكرة لسه بيدعيلك وهيفضل يدعيلك مش هيمل زى ما قالك قبل كده حد بيحبك :) ... وياريت متعملش القرار ده وفكر فيه كويس .... G
ردحذفشكراً ,, انا عايز اللى ليه شيى يواجهنى بيه وافهمه يمكن يسامحنى .
ردحذف