يعنى اية قدر ؟؟
يعنى يتكتب على حد انة يتولد ،، ويتولد معاة صاحبة ،، وبعدة بــ 3 سنين يتولد واحد تانى .. يكبروا ويبقوا اصحاب ..
التلاتة ..
رغم انهم يمكن معرفوش بعض الا بعد ما كبروا .. اتولد هنا علشان يجى حد من هناااااااااااك يحط اللمسة الاخيرة ف حياتى !!
يجى الاول يعيش 24 سنة يطلع عينة فيهم تعب وشقى علشان يتجوز ،، عاش فرحان حزين قوى ضعيف بس كان عايش
يتجوز واصحابة يفقوا معاة يساعدوة بقوتهم وفلوسهم وكان عندهم استعداد يفادوة بروحهم ..!!
يجى القدر .. كل حاجة تتخطط ،، هو معقولة يحصل شيى كبيييييييييييييييييييييييييييير علشان يتحقق قدر ؟؟
تقوم ثورة .. تحرر الهمجية والبلطجة وكل شيى وحش ممكن نتوقعة ،، كلة يبقى معاة سلاح بلطجى او لا
متعلم او جاهل ،، ابن ناس او ابن شوارع المهم وصلهم السلاح وخلاص باى شكل وباى طريقة ..
القدر يقول ان الاول يمتلك سلاح باى دافع يقتنية حتى لو مش محتاجة ..
القدر يقرر ان التانى والتالت يسهروا معاة ف يوم محددة القدر من قبل ما يتولد الاول ..!!
يقعدوا يهزروا طول الليل .. ضحك ،، وسجاير ،، وشاى ،، وتسالى ....
بيحبوا بعض ،، اصحاب جدعان ،، احباب ،، ...
الاول اتجوز وخلف ولد وخلاص النهاردة لازم يسلم كل شيى امتلكة ويمشى .. قبل مايشوف ابنة بيمشى وقبل مايكمل سنة جواز !
القدر يقول ان حد يحط طلقة ف السلاح وهم ميعرفوش ..
يندة الاول على الاخير ناولنى البتاع دى .. يهزر الاول ويشدها منة والاخير يشد قصادة
تنتهى بان الاخير يحط البندقية على قلب الاول بهزار وبراءة وحب .. وهمجية .
ويصدر القدر اوامرة انة يضرب >>>>>>
مات صاحبى غصب وغلطة ؟؟ مين يتحملها القدر ولا صاحبى التانى ؟؟
مات الاول ... واتسجن التانى والتالت ع ذمة تحقيق القدر بردة كتب على التانى والتالت انهم يتحطوا ف مكان زى دة
القدر بيتحكم ف كل حاجة ..
هههههههههههههههههههههه اندفن الاول ،، والتانى والتالت ف السجن لسة .. وهى دى الحياة ..!!
احقر مما نتخيل اقل مما نتصور .. مسرحية عايشينها ،، خدعة مصدقينها .. الحقيقة الوحيدة هى الموت ..
الاقوى هو الموت ،، ويمكن انا بكرة ليا قصة مع القدر ،، وممكن ابن الاول يكون لية قصة .. كلنا مستنين نقع فاجئة
كلنا مستنيين نفوق فاجئة .. وانا قربت اتجنن ..
الحمد لله .. اللى يصبر حديث نبينا علية الصلاة والسلام ..
ما اصابك لم يكن ليخطئك .. وما اخطئك لم يكن ليصيبك "
وانا مستنى .