السعادة بالنسبالى ...
بيتنا ،، اخواتى ،، امى وابويا ،، اوضتى  ،، افلام انيميشن ،، بطانية ،، دخان مالى قلبى ،، شوية احلام ،، نوم ،، واللاب اللى كنت مش بطيقة بقيت احبه ... وضوء بسيط .. شوية مزيكا ..  ولفة بالعربية لما ازهق
افتح نافذة بتفتح بيوت ناس قدامى بشوف كل حياتهم وابتسم او اتهكم ،، ناس بتمثل وتطلع اجمل ما عندها وناس تانية ع طبيعتها المصطنعة !!
السقعة تخبطنى / اتغطى ــ موقف يضايقنى / اتف فى وشه ـ حد يزعلنى / اقوله انه وسخ ..
لا عايز حد ،، ولا نفسى اشوف حد ولا اتكلم مع حد .. شىء جميل انك تكون شخص انطوائى .
كل دى حاجات بسيطة جدا اى حد متاح ليه ده  بس مش متاح ليا لانى فى الغد مش هكون هنا !!
هكون عايش حياة عبثية فى عالم موازى ،، بعمل حاجات لاقيمة لها ولا استفادة منها !!
ــــــــــــ
ولما حد يقولى انى بقيت مر يض نفسى وعايز مستشفى العباسية اقوله عادى .. عندك :ـ
نيتشه ،، فان جوخ ،، توماس مان ،، فلوبير ،، تشيكوف ،، شكسبير  ،، كافكا ،، ديستوفيسكى ،، جبران خليل ،، نجيب سرور ..
كانوا مرضى نفسيين ـ مش بحط نفسى معاهم بس اد ايه هم كانوا عظماء وعندهم نفس اللى قلت عليه ودى حاجة مطمنانى ،، ابعد انت بس عنى وخلينى لحالى واشغل نفسك بنفسك وانا هبقى زى الفل وكويس  .