عن احساسك وانت مش فارق معاك اى حاجة ولا اى حد .
عن احساسك بالخوف ...
عن احساسك بان مفيش حاجة بقت تفرحك حتى الحاجات اللى كانت بتخليك مبسوط مبقاش ليها طعم ولا قيمة ...
عن احساسك لما تعيش حياتك نفسك فى شىء ولما تلاقيه متبقاش مبسوط ..!
عن انك تايه وضايع وغريب ...
عن تخلى اقرب الناس لقلبك ...
عن مواقف مكنتش تتوقعها من اشخاص مستعد تديهم حياتك ...
عن تجاهل ناس بتحبها ...
عن موت احدهم ...
عن غُربتك وسط اهلك واصحابك ...
عن حظك النحس ... سوء الظن ...
عن انك لو جابوا الدنيا حطوها بين اديك مش هتندهش ولا هتفرح ...
عن حبيبتك اللى غابت عنك لو كلمتك مش هتتجاوب ...
عن السرحان ...
عن كرهك لاى شىء بيتكلم او بيتحرك قدامك ...
عن انك فعلا مبقتش فاهم انت عايز ايه وفين وامتى وازاى وليه ..
عن انك ميبقاش ليك هدف ولا حلم ولا فكرة ولا طاقة ولا عزيمة ...
عن اللامــبــالاة ... اذا كنت هتعيش او تموت مش فارقة .
عن الوحدة ... اتحدث .