#ذكريات ..
وانا صغير كان فى بنت بتيجى البيت عندنا ابوها كان صاحب الحاج ... كنت لما اعرف انها جاية اقوم اروح جرى اقعد فى اوضة الجلوس استناها رغم انها اكبر منى مثلا يجى كده بتلاتشر سنة !
وبما انى "تفل" وكده كنت اوقات بنام وهى تشيلنى تدخلنى جوه ... فضلت كتير كده كل ما تيجى اعمل نفسى نايم علشان تشيلنى ..
مرة اتصابت وانا بلعب لعبة من العاب الطفولة المشردة ووشى كله اتجرح وعمل قشر وكان شكلى وحش جدا بطلت ادخل استناها ومن بعد الموقف ده بطلت اعمل الحركة دى مش عارف ليه !!
الغريب ان البنت دى كانت مدرستى فى ثانوى وكنت طالب مشاغب ودايما تطردنى ولما عرفتنى كان تدخل الفصل تنده عليا وتقعدنى قدام خالص واوقات تقعد جنبى اكيد مش بتحبنى يعنى بس هى كانت جميلة اوى واكيد ده نوع من الجمال اللى فيها !!
كان فى بنت تانية صاحبة اختى واكبر منى بكتييير كنت برده كل ما اعرف انها جاية الزق فى اختى ولحد ما كبرت كده وبقيت شحط عمرى ما ناسى حنيتها فى موقف وبصتها ليا وانا نايم وهى وشها قريب منى ...
لما بقابل حد شبههم شكلا فى اى موقف بحاول اعاملة كويس جدا واحسن اليه ..
فى ناس كده مخلوقين علشان يتحبوا ،، يتحبوا وبس ... مازلت لحد دلوقتى بشوف واحدة وكل ما اشوفها اتبسط والتانية اسئل عليها دايما ...
الواحد مكنش طفل طبيعى .