6/2
6:16 ص
الى مجهولة
صباح الفل يا قمرى ..
وحشتينى وبما انى لقيت الجو حوليا كويس افتكرت ان فى اجمل من كده وان فى اوقات هتكون اجمل من كده بكتير فى وجودك ..
انا مش عارف هشوفك امتى بس من هنا لحد ما نتقابل دماغى فيها حاجات كتير ومش عارف تفكيرى هيكون مناسب ليكى ولا لا ؟!
كنت محتاج وجودك بصراحة محتاج رأيك توجهى وتشاورى وتختارى معايا .
عايز ابقى شىء كويس علشان ابسطك واشرفك دايما مش عايز حياتى تبقى روتينية ومملة زى الناس ..
عايز اكون مختلف انا وانتى ،، محتاج شوية قرارات لازم ناخدها سوا لما اكون متردد تاخدى انتى قرار وتحسمى الموقف وهسمع كلامك سيبك من الناس الهابلة او المجتمع العبيط ده اللى بيعتبر ان الراجل ميغلطش وياخد قراره بنفسه وميسمعش كلام مراته ..
هو بينى وبينك المجتمع الشرقى ده دكر فى الظاهر "انما جوا البيت الست اللى دايرة كل حاجة "
فأنا بقولك من اولها اهو ناخدها بالتفاهم احسن ..
اوقات هلغى رأيى خالص واسمع كلامك بس بشرط يكون عقلانى ومقنع .. لازم هغلط يعنى اكيد ولازم الحياة تبقى فيها مشاكل مش وردى ومثالية ع طول .
والله شكلى مش هقابلك ولا هشوفك !!
بس انتى الخسرانة اكيد يعنى يا مجهولة .