يعنى هى جت كدة وبكتبها لنفسى .. علشان منساش ...
بعد يوم طويل وممل ف الشغل نويت انزل التحرير ابص يمكن اعمل شيىء مفيد كان اخدنى الحماس شوية زملكاوى بقى وهقف جنب الاهلاوية ف المصيبة اللى حصلت .. دايما من عادتى وكتير عاداتى اللى انا محظوظ بيها ومحظوظ بوجودها اة والله مبسوط بيها اوى ع الاخر ،، ديما احشر دماغى ف حاجات توجع قلبى وتزيد العقد الدفينة .. ما علينا نزلت بصيت بصة وملحقتش اعمل حاجة اختى اتصلت عليا قالت تعالى عندى عيزاك مع انى كنت ناوى ارجع بيتنا بس قلت ازورها واشوف الواد يوسف حبيبى بالمرة ،، ركبت وطلعت وطبعا عملت عبيط عن مناظر كتييير ف الطريق مش ناقص قلق نفسى وعصبى اول ما ركبت لقيت كلة بيتكلم عن اللى بيحصل ف البلد واللى بيتكلم اصلا حقوقة ف السلة وحالة زفت بقت ثورة الفتايين وطبعا ف مكان تانى .. اخوان وعلمانيين وليبراليين بيضربوا بعض ولو انهم اتفقوا ع ان الاخوان كويسين واعمالهم ف الخفا كانت كتير وانهم شالوا ناس ياما وانهم فعلا مؤهلين يمسكوا البلد لانهم مارسوا دة وقربوا للناس انا شايف انة مجرد كلام .. انجز ما علينا عديت مرحلة الفتاوى ووصلت الشقة عموما اول ما بدخل البيت بدى نفسى ساعة هدنة وابطل افكر واوجع دماغى اللى معرفهاش ولسوء حظى لقيت الواد يوسف نايم قلت ابص ع اعلامنا وبرامجنا وافلامنا اللى مفيش زيها حاجة زى الفل بحس كدة اننا مسخ لاوروبا بس الناس مصدقة ،، قعدت اتفرج ع شوبير وادينى اتصالات وياكابتن دة كان محترم وامة واخواتة لسة جايين من لندن امبارح ! وهاتك يا حزن والشكرمون ضرب ف الترارولى انا زهقت ودمى يتحرق طبعا زعلان عليهم بديت احس بكبت ولما بضايق ببقى واد مقرف وانا اصلا بطبيعتى مقرف ولما اضايق بقعد ارجع والدنيا تبوظ قفلت بسرعة وقلت فكرة اطلع الصالة واشغل ضوء هادى اسيب هنا واشغل تلفزيون هناك اخرج برة الجو دة ،، ابص ع فيلم عبنبى ع رأى محمد صديئى ويقصد اجنبى .. بقلب وافلامنا ممكن تجيب شلل ف اول خمس دقايق وانا بقلب ايدى جت ع قناة المحور وقفشت ..
عمنا عمرو الليثى بيخدم البلد بخدماتة الرهيبة قلت ابص .. بصيت ويارتنى ما بصيت البية ذل الناس معاة القرية الفلانية مفيهاش مية يقوم يجيب راجل يشرب مية معفنة متخزنة علشان البهوات اللى زينا بيشوفوا يصدقوا !! وطبعا كواليس البرامج دى كلها سخافة وتعالى من المعدين والمقدم وانا عارف دة كويس وعارف ان بيبقى فى فرق بين فريق التصوير والاعداد وبين الناس الغلابة دى طبعا لفرق المستويات عارف الذل اللى بيحطهم فية ،، يتكلموا ازاى ،، ويعملوا اية ،، ويتصورا ازاى وتحط ايدك كدة وتجيب ابنك كدة وهكذا ذل ذل يعنى وطبعا كفاية اوى ان راجل يقف قدام راجل ويقول ياة هو فين وانا فين دة باشا وانا ؟؟؟
البية يدخل بيوت الناس يفضحهم اكتر ما بيخدم ويصور حماماتهم وخصوصياتهم .. مهما كانت فقيرة اظن ان اسمها خصوصية والتعدى عليها بيوجع صور يا جهاز علشان نتعاطف .. يبكى ستات كبار علشان نفرح .. يصور ستوتة زى القمر وجنبها لمبة جاز برغم ان فى اضاءة !! يحط ع الشاشة كام اسم لشباب قرية جابلهم وظيفة استنى طيب انا معرفتش هم مين الاسماء بتتشابة ،، طب متحط الصور بتاعتهم والعناوين .. يعنى هم لما قدمولك ع شغل مكنش ليهم ارقام تليفون تتصل عليهم مكنش ينفع يعنى تتصل ف الخباثة كدة وطبعا مشكور وربنا يجزيك خير ؟ عارف انا متاكد ان الشغل دة عبارة عن ... سواقين مقشة ،، وعمال فوطة ،، ومشرفين مكانس والذى منة .. عارف كمان انا متاكد ان الشباب دة يستاهل كل خير ويستاهل اكتر من خدماتك المتلطخة بالرياء والذل ولحد دلوقت جالى شلل سباعى لو موجود .. بهرب من الفقر ف الشارع والذل الاقية اشد واوسخ ف التلفزيون .. وبما انى نابغة سئلت نفسى هو لما كدة كدة هيخدم وفى ناس معروفة لاعمال الخير اصلا وماشاء الله عندنا ناس بس حد يقولهم بنعمل خير بالله بيدفعوا ومحدش بيسئل الخير فين ولمين ومبالغ مهولة بردة ما علينا سئلت هو لما كدة كدة هيخدم وهيساعد لزمتة اية يصورهم ويشردهم كدة ؟ لزمتة اية يورينى (قهر الرجال) اللى رسولنا استعاذ منة لزمتة اية الذل ؟؟ لزمتة اية يا معلم هم رجال الاعمال بالشكل دة هيدفعوا ؟؟ طب طز فيك وفيهم وف اى مساعدة فيها اهانة وذل يا اخى حسسهم انهم ليهم حق وانت جى تساعد قولهم دة حقكم علينا اننا نساعدكم فهمهم ان ملهمش ذنب ف اللى هم فية انما تحاول توصلنا مأساة ؟
مخبيش عليك هى فعلا مأساة بس مش كدة انا بكتب دة لانى هعمل عبيط عن اللى شفتة ومش هوجع قلبى اكتر من كدة عادى يعنى .!
عمرو اللسان .. بكل حزن وانكسار يقول جالى شكاوى من كذا وكذا ويروح يصور وادينى شوية مناظر فلة وبان فيها اعمال الخير المتخفية برغم ان طلبتهم بسيطة ومش محتاجة التقارير دى كلها ..!! طب يا اخى اعمل تقارير بس بلاش تطول التقارير اوى كدة بلاش توجع قلب اهلى وقلب ناس كتير .. والواد الشجاع يقول عايزين وزير عندة (دم) يسئل ؟ ياعم الحمش الوزير اتبرع بدمة للمصابين وعمل اللى علية ولا متعرفش ؟ يا حمش الوزير قاعد زيك ف تكييف وايدة ف المية السخنة لان ف البرد دة المية الساقعة غلط بيشربها دافية يا حمش ،، بس قولى هو انا استفدت اية لما شفت معاق بيسحف ع ايدة ؟؟ استفدت اية لما صورت جمب عربية بطاطا ؟؟ عارف اللى بيسمع البرنامج دة معظمهم ناس بسيطة عامة الشعب زيى كدة بيسمعوة علشان يقولوا احنا احسن من غيرنا ويحمدوا ربنا تفتكر فى حد مترقب ومستنيك علشان يساعدك ؟؟؟ اظن لا لان الناس دى معروفة انها بتساعد بالطلب مش بالتصوير !!
ياترى بقى ساعدت اد ما زليت وفضحت ؟؟ ياترى انت راضى عن نفسك ؟؟ ياترى انت مبسوط طيب دة حتى انت معارفك كتير بالشكل دة بيستجيبوا ويساعدوا ؟؟ انا بصراحة مفهمش ف شغلك اوى وبصراحة معرفش بس المناظر جابتلى اسهال بالظبط زى العيال بتوع الشرقية اللى صورتهم !!
اقولك سر ،، انا مش عارف "اتصير" فاكر الست دى ؟
استنى كمان انا عندى قطة عندها انيميا بحسس عليها بردة زى قطة الواد اللى عندة فقر دم وبسذاجة صورتة ومساعدتوش !!
استنى استنى سديت نفسى فاكر الراجل بتاع المعدية اللى قالك اللى بيتعب بنفتح الترب ونرمية فيها وكأنة مكنش انت موقفتش عند الكلمة دى وفكرت فيها ؟؟ وكأنة مكنش ،، يا انفراداتك يا معلم يالعبك وياجراءة قلبك ومش ناسى النسوان الغلابة اللى عذبتهم معاك مش ناسى نظرة عنيهم ومش ناسى غبائك بردة بتستفزهم جايب مزة شيك تصور وتعمل تقرير ! دة استفزاز لمشاعر الستات والرجالة مع بعض ،، حسيت انك عملت زى اللى قال لواحد عطشان عندى مية بس الاول امسح جزمتى ومسحها عارف لية علشان عطشان بس لعلمك هو بردة عندة كرامة بس معلش الغُلب اوقات بيغلب الانسان.
وف الاخر استضفت عيل روش كدة وجامد شكلة ابن ناس مركزتش معاة معلش تلاقى مشكلتة عويصة ولولو تاهت منة ،، كنت بجرى ورا المناظر اللى شفتها والسخافة بتاعتك كنت بطردها برة الصالة ..
انت عايز اية ياض انت ؟؟
انا لسعت والله اتجننت خلاص احنا فين بالظبط واية اللى بنشوفة دة ولية ؟؟
واية اللى انا بكتبة وبهببة دة ؟؟
يارب ما تحوجش حد يارب لعمرو الليثى وامثالة الذل وحش يارب متخليش بينا فقير ولا محتاج يارب .
وكان فين خيركم المتخفى يا اخوان لما عمرو زلهم .. وزلنا .. حسبى ربى .
بعد يوم طويل وممل ف الشغل نويت انزل التحرير ابص يمكن اعمل شيىء مفيد كان اخدنى الحماس شوية زملكاوى بقى وهقف جنب الاهلاوية ف المصيبة اللى حصلت .. دايما من عادتى وكتير عاداتى اللى انا محظوظ بيها ومحظوظ بوجودها اة والله مبسوط بيها اوى ع الاخر ،، ديما احشر دماغى ف حاجات توجع قلبى وتزيد العقد الدفينة .. ما علينا نزلت بصيت بصة وملحقتش اعمل حاجة اختى اتصلت عليا قالت تعالى عندى عيزاك مع انى كنت ناوى ارجع بيتنا بس قلت ازورها واشوف الواد يوسف حبيبى بالمرة ،، ركبت وطلعت وطبعا عملت عبيط عن مناظر كتييير ف الطريق مش ناقص قلق نفسى وعصبى اول ما ركبت لقيت كلة بيتكلم عن اللى بيحصل ف البلد واللى بيتكلم اصلا حقوقة ف السلة وحالة زفت بقت ثورة الفتايين وطبعا ف مكان تانى .. اخوان وعلمانيين وليبراليين بيضربوا بعض ولو انهم اتفقوا ع ان الاخوان كويسين واعمالهم ف الخفا كانت كتير وانهم شالوا ناس ياما وانهم فعلا مؤهلين يمسكوا البلد لانهم مارسوا دة وقربوا للناس انا شايف انة مجرد كلام .. انجز ما علينا عديت مرحلة الفتاوى ووصلت الشقة عموما اول ما بدخل البيت بدى نفسى ساعة هدنة وابطل افكر واوجع دماغى اللى معرفهاش ولسوء حظى لقيت الواد يوسف نايم قلت ابص ع اعلامنا وبرامجنا وافلامنا اللى مفيش زيها حاجة زى الفل بحس كدة اننا مسخ لاوروبا بس الناس مصدقة ،، قعدت اتفرج ع شوبير وادينى اتصالات وياكابتن دة كان محترم وامة واخواتة لسة جايين من لندن امبارح ! وهاتك يا حزن والشكرمون ضرب ف الترارولى انا زهقت ودمى يتحرق طبعا زعلان عليهم بديت احس بكبت ولما بضايق ببقى واد مقرف وانا اصلا بطبيعتى مقرف ولما اضايق بقعد ارجع والدنيا تبوظ قفلت بسرعة وقلت فكرة اطلع الصالة واشغل ضوء هادى اسيب هنا واشغل تلفزيون هناك اخرج برة الجو دة ،، ابص ع فيلم عبنبى ع رأى محمد صديئى ويقصد اجنبى .. بقلب وافلامنا ممكن تجيب شلل ف اول خمس دقايق وانا بقلب ايدى جت ع قناة المحور وقفشت ..
عمنا عمرو الليثى بيخدم البلد بخدماتة الرهيبة قلت ابص .. بصيت ويارتنى ما بصيت البية ذل الناس معاة القرية الفلانية مفيهاش مية يقوم يجيب راجل يشرب مية معفنة متخزنة علشان البهوات اللى زينا بيشوفوا يصدقوا !! وطبعا كواليس البرامج دى كلها سخافة وتعالى من المعدين والمقدم وانا عارف دة كويس وعارف ان بيبقى فى فرق بين فريق التصوير والاعداد وبين الناس الغلابة دى طبعا لفرق المستويات عارف الذل اللى بيحطهم فية ،، يتكلموا ازاى ،، ويعملوا اية ،، ويتصورا ازاى وتحط ايدك كدة وتجيب ابنك كدة وهكذا ذل ذل يعنى وطبعا كفاية اوى ان راجل يقف قدام راجل ويقول ياة هو فين وانا فين دة باشا وانا ؟؟؟
البية يدخل بيوت الناس يفضحهم اكتر ما بيخدم ويصور حماماتهم وخصوصياتهم .. مهما كانت فقيرة اظن ان اسمها خصوصية والتعدى عليها بيوجع صور يا جهاز علشان نتعاطف .. يبكى ستات كبار علشان نفرح .. يصور ستوتة زى القمر وجنبها لمبة جاز برغم ان فى اضاءة !! يحط ع الشاشة كام اسم لشباب قرية جابلهم وظيفة استنى طيب انا معرفتش هم مين الاسماء بتتشابة ،، طب متحط الصور بتاعتهم والعناوين .. يعنى هم لما قدمولك ع شغل مكنش ليهم ارقام تليفون تتصل عليهم مكنش ينفع يعنى تتصل ف الخباثة كدة وطبعا مشكور وربنا يجزيك خير ؟ عارف انا متاكد ان الشغل دة عبارة عن ... سواقين مقشة ،، وعمال فوطة ،، ومشرفين مكانس والذى منة .. عارف كمان انا متاكد ان الشباب دة يستاهل كل خير ويستاهل اكتر من خدماتك المتلطخة بالرياء والذل ولحد دلوقت جالى شلل سباعى لو موجود .. بهرب من الفقر ف الشارع والذل الاقية اشد واوسخ ف التلفزيون .. وبما انى نابغة سئلت نفسى هو لما كدة كدة هيخدم وفى ناس معروفة لاعمال الخير اصلا وماشاء الله عندنا ناس بس حد يقولهم بنعمل خير بالله بيدفعوا ومحدش بيسئل الخير فين ولمين ومبالغ مهولة بردة ما علينا سئلت هو لما كدة كدة هيخدم وهيساعد لزمتة اية يصورهم ويشردهم كدة ؟ لزمتة اية يورينى (قهر الرجال) اللى رسولنا استعاذ منة لزمتة اية الذل ؟؟ لزمتة اية يا معلم هم رجال الاعمال بالشكل دة هيدفعوا ؟؟ طب طز فيك وفيهم وف اى مساعدة فيها اهانة وذل يا اخى حسسهم انهم ليهم حق وانت جى تساعد قولهم دة حقكم علينا اننا نساعدكم فهمهم ان ملهمش ذنب ف اللى هم فية انما تحاول توصلنا مأساة ؟
مخبيش عليك هى فعلا مأساة بس مش كدة انا بكتب دة لانى هعمل عبيط عن اللى شفتة ومش هوجع قلبى اكتر من كدة عادى يعنى .!
عمرو اللسان .. بكل حزن وانكسار يقول جالى شكاوى من كذا وكذا ويروح يصور وادينى شوية مناظر فلة وبان فيها اعمال الخير المتخفية برغم ان طلبتهم بسيطة ومش محتاجة التقارير دى كلها ..!! طب يا اخى اعمل تقارير بس بلاش تطول التقارير اوى كدة بلاش توجع قلب اهلى وقلب ناس كتير .. والواد الشجاع يقول عايزين وزير عندة (دم) يسئل ؟ ياعم الحمش الوزير اتبرع بدمة للمصابين وعمل اللى علية ولا متعرفش ؟ يا حمش الوزير قاعد زيك ف تكييف وايدة ف المية السخنة لان ف البرد دة المية الساقعة غلط بيشربها دافية يا حمش ،، بس قولى هو انا استفدت اية لما شفت معاق بيسحف ع ايدة ؟؟ استفدت اية لما صورت جمب عربية بطاطا ؟؟ عارف اللى بيسمع البرنامج دة معظمهم ناس بسيطة عامة الشعب زيى كدة بيسمعوة علشان يقولوا احنا احسن من غيرنا ويحمدوا ربنا تفتكر فى حد مترقب ومستنيك علشان يساعدك ؟؟؟ اظن لا لان الناس دى معروفة انها بتساعد بالطلب مش بالتصوير !!
ياترى بقى ساعدت اد ما زليت وفضحت ؟؟ ياترى انت راضى عن نفسك ؟؟ ياترى انت مبسوط طيب دة حتى انت معارفك كتير بالشكل دة بيستجيبوا ويساعدوا ؟؟ انا بصراحة مفهمش ف شغلك اوى وبصراحة معرفش بس المناظر جابتلى اسهال بالظبط زى العيال بتوع الشرقية اللى صورتهم !!
اقولك سر ،، انا مش عارف "اتصير" فاكر الست دى ؟
استنى كمان انا عندى قطة عندها انيميا بحسس عليها بردة زى قطة الواد اللى عندة فقر دم وبسذاجة صورتة ومساعدتوش !!
استنى استنى سديت نفسى فاكر الراجل بتاع المعدية اللى قالك اللى بيتعب بنفتح الترب ونرمية فيها وكأنة مكنش انت موقفتش عند الكلمة دى وفكرت فيها ؟؟ وكأنة مكنش ،، يا انفراداتك يا معلم يالعبك وياجراءة قلبك ومش ناسى النسوان الغلابة اللى عذبتهم معاك مش ناسى نظرة عنيهم ومش ناسى غبائك بردة بتستفزهم جايب مزة شيك تصور وتعمل تقرير ! دة استفزاز لمشاعر الستات والرجالة مع بعض ،، حسيت انك عملت زى اللى قال لواحد عطشان عندى مية بس الاول امسح جزمتى ومسحها عارف لية علشان عطشان بس لعلمك هو بردة عندة كرامة بس معلش الغُلب اوقات بيغلب الانسان.
وف الاخر استضفت عيل روش كدة وجامد شكلة ابن ناس مركزتش معاة معلش تلاقى مشكلتة عويصة ولولو تاهت منة ،، كنت بجرى ورا المناظر اللى شفتها والسخافة بتاعتك كنت بطردها برة الصالة ..
انت عايز اية ياض انت ؟؟
انا لسعت والله اتجننت خلاص احنا فين بالظبط واية اللى بنشوفة دة ولية ؟؟
واية اللى انا بكتبة وبهببة دة ؟؟
يارب ما تحوجش حد يارب لعمرو الليثى وامثالة الذل وحش يارب متخليش بينا فقير ولا محتاج يارب .
وكان فين خيركم المتخفى يا اخوان لما عمرو زلهم .. وزلنا .. حسبى ربى .
ليست هناك تعليقات :
إرسال تعليق