بمناسبة الوجوه والاشخاص اللي ممكن نقابلهم في حياتنا ونعاملهم ..
ايام ثانوي اتعرفت علي شاب جميل شاطر في دراسته ومتفتح وشيك .. الولد ده كان مشاركني في اكتر من نص حياتي وافكاري وكنا دايما نتكلم عن احلامنا وطموحنا وحبنا وحياتنا ، الشاب ده له اب عديم التفاهم مكانش بيهمه غير الأرض الكتير وان مين يرعاها لو ولاده ما حدش رعاها منهم ، صاحبي كان بيريح ابوه جدا وانا ما كنتش فاهم ليه الطاعة العمياء دي وليه سايب ابوه يقتل احلامه ، شاب شاطر وذكي ويقدر ينجح بسهولة في أي مجال فعلا فعلا وده واضح عليه .. كان بيقولي دايما بعمل له اللي عايزه علشان لما أعمل اللي انا عايزه ما يزعلش !
أخو صاحبي ده مات وهو رايح الجيش واصبح تكسير أي امر لابوه او لرغبته هزيمة ، في وقت قليل بدأ يتغير في كل تفاصيله افكاره وتصرفاته ووقته .. كنا مشتركين في حلم واحد هو ما قدرش يحققه لظروف وانا برده فشلت احققه من غير ظروف !
من غير كلام كتير لاني زهقت علاقتنا انتهت من سنين تقريبا لكني شفته قريب واقف علي فرشة فاكهة !
شاب ذكي جدا وشاطر وقوي جسديا كان مستقبله في ايده لكن لأشياء اخري رأي آخر .. وعلي صعيد آخر يعني قابلت فالجيش شاب اسمه احمد ابن ناس جدا لكنه ابن وسخة جدا ده لو هو ما يعرفش ومن غير مناسبة معرفش ايه حشره في الكلام دلوقتي .!