الاقناع !
فى حد ممكن يحاول يبهرنى علشان يقنعنى بيه غالبا ممكن يكون صادق فى كلامه فبيستخدم الاسلوب ده علشان معندوش افضل منه بس لو بيكذب هلاقى هفوات اكيد اقفشه منها !
انا افضل انى اتكلم مع انسان لبق واعى بيعرف يتكلم امتى فى ايه ويسكت امتى كلامه موزون ومُرتب فى ناس دى فعليا طبيعتها مش مصطنعة افضل جدا الناس دول كــ اصحاب واتمنى يعنى لو اتجننت واتجوزت مراتى تكون لبقة وبترتب كلامها وتعرف امتى تتكلم وامتى تسكت وتتكلم فى ايه اذا اتكلمت النوعيات دى من الطرفين مُريحة جدا ومميزين وفى اى مكان تقدر تشركهم معاك فى الحوار والنقاش ويطلع شخص مُبهر وساحر .
فى ناس كده من غير اى جهد كلامها ساحر ومرتب ومقنع وبسيط حقيقى الناس دى رائعة ومميزة جدا ..
يعنى مش كفاية اننا عايشين فى مستنقع وعقليات خرا هروح استحمل ناس بتعك وبتتهته فى الكلام ومش عارفة تتكلم ولما تغلط وتعك يقولك اصله طيب وقالها بعفوية اصله ميقصدش اصله اصله اصله شخص مدب بيحدف طوب بداعى انه بسيط او طيب او ساذج ..
بفضل النوعية اللى كلامها مقصود فعليا سواء بيعبر عن حبه او كرهه او انزعاجه ع الاقل هتلاقيه واضح ولو غلط فيك هيقولك انه قاصد يغلط .
انما مش عايز اتعامل مع بقر كفاية كده اللى قابلتهم .
ليست هناك تعليقات :
إرسال تعليق