هو انا مش هلاقيكى بقى واقعد ازهقك !!
طب مش هقرأ ليكى لما تبقى زعلانة بطريقتى واضيف جمل من عندى تضحكك !!
طب ايه شعملك شاى طيب ؟
شعكنن مزاجك ؟؟
فينك يا حاجة انا زهقت
طب مش هكتبلك ع السبورة اللى هحطها جنب الباب وانا نازل شغلى ... شقولك بحبك ؟
طب شكراً انك فى حياتى ؟
طب شقولك خدى بالك منك ؟
طب شقولك فى شيكولا فى التلاجة بتاعتك ؟
طب شحدفك ف دماغك وتنزلى دم واتخض واحدفك من فوق علشان اخفى الجريمة ؟!
مش هنفخ فى وشك وانا بصحيكى ولا هحط تلج فى قفاكى ؟
طب ايه يعنى انتى مش عايزة تيجى علشان كده ؟!
مش هعذبك يا مجهولة اوى كده .. بس انتى تيجى .