كل سنة والناس اللى بتعدى هنا طيبين وكويسين ومبسوطين _ الله يجعلها سنة جميلة عليكم ان شاء الله وتحققوا فيها كل احلامكم وكل اللى نفسكم فيه ، ويبعد عنكم الحزن والهم والفشل ...
مش علشان انا مش مبسوط يعنى انساكم .

2014 الـــى اعماق الجحيم ،،

مسارح وسيما عمدان النور

المستنقع ده مش هينضف الا اذا المية اتحركت وطردت تعابينها وضفادعها الا اذا اتحركت وبعدت الزبالة اللى فيها ..
الموت اكرم واشرف واهون من العيشة اللى عايشينها _ الاحلام ملهاش اى قيمة طالما الواقع قبيح التنازل عنها واختيار الموت بقى اسهل بكتير ...
انا مش فااهم احنا عايشين ازاى لحد دلوقت ازاى مستحملين نبقى بالقذارة دى وراضيين ؟!
#الموت احلى من عيشة مُرة .

من هنا لحد بكرة كل اللى يعرفنى هنا وليه حق عندى يجى يقولى عليه ،، كل اللى شايف انى جيت عليه وظلمته يجى ياخد حقه ويرتاح ..
فى حاجات كانت ابعد من ان حد ياخد باله منها _ عمرى ما استغليت حد .. عمرى ما عملت حاجة حتى لو غلط بقصد ..
مش ببرر بس بوضح يمكن حد يفهم حد يستوعب جزء من الفجوة الكبيرة !انا برىء من اى حاجة حصلت فى حياتى قبل كده ... من كل كلمة او فعل بقصد او بدون .

هدأ القلب ياعزيزتي ولم يعد يبالي بضجيج انثي ،، ففي كل صباح يغازل العقل ويخبرة. ..
اني احبك فــ افعل ماشئت وماتريد فـ إن المحب لمن يحب مطيع!
لم نعد احباء كما لم نصبح اعداء.

كمية الظلم والاساءة والقذارة والانحطاط اللى فى البلد مخليانى حاسس انى انسان سلبى بطريقة بشعة وعندى احساس بالذنب انى كان ومازال لازم عليا اكون فرد بيطالب بحقه وانه يعيش انسان بس قريبا الاحساس ده هينتهى لما احاول بجدية انى اهرب من المستنقع ده واسيب البلد القذرة دى .... ثقافة عقيمة وعقول غبية ،، قدرلنا الخير يــــارب وهونها .

فى الصباح حضر حزينا ومعزياً .. ثم فى المساء كانت جنازته .!

واحنا اللى تمن الواحد مننا علم ونعش وكفن ...
ملعون ابوك ياوطن .

 كل حد ظلمك ، اساء الظن فيك ، قلل من قيمتك ، شافك فاشل وتافه ...
اى حد شافك شىء عبيط ... انتصارك الوحيد عليهم انك تنجح وتكبر انك لما تشوفهم صدفة بكل ادب لو فاكرينك تسلم عليهم باهتمام وحب من غير ما يكون فى قلبك ذرة حقد لحد لانك فعلا مش هتنجح وانت بتكره او شايل حقد فى قلبك ...
دائما وابدا ـ عــانـــد ،، عــافــر .

وان وضع نساء الكون كلهم فى كف وهى وحدها فى آخر لربحت ...
هى وان جاءوا بالجميلات منهن واكثرهم حباً وثراء .. لربحت فى ميزان حبى وليس غيرها ...
هى وان خُيرت بين نساء الكون كلهم لا يميل القلب ولا يهوى غيرها ..
هى وان كانت لا تأبه ولا تهتم فلن يمل القلب من حبه لها وعشقها ..

قالوا عنه أنه افضل فيديو على الإطلاق..وهو فعلاً كذلك

الشيخ محمد الشنقيطي

محمد مختار الشنقيطي

الشيخ محمد الشنقيطي

وصية الشنقيطي

خالد الراشد -

قصه عن عمر بن خطاب مع ابا الدرداء لشيخ خالد الراشد

خالد الراشد

خالد الراشد

خالد الراشد

الشيخ خالد الراشد

اللشيخ خالد الراشد

ياه كانت ايام جميلة لما كنت الى حد ما ملتزم ومحترم وبفهم ..

لما كنت بسمع للشيخ خالد ومحمد الشنقيطى ..

كانوا هنا يوماً ما .. !
هذه اعقاب سجائرهم مازالت شاهدة عليهم ..تلك بقايا ملابسهم تحمل رائحتهم ..
كانت اصواتهم تملأ اركان الصحراء الواسعة .. كلماتهم التى مازالت منقوشة على الجدران ..
حروف اسمائهم ..
ضحكاتهم تُبدل هذا القبح الاصفر بالجمال .. كل شىء ها هنا شاهد عليهم ..
وتلك قلوبنا شاهدة على ان هؤلاء مروا بها وتركوا اثراً جميلاً ..
فقدناهم فى زحام الحياة ،، تفرقنا واصبح لكل واحد منا وجع بدلاً من ان نقتسمه ..!
رحلوا تاركين لنا ابتسامتهم ونقاء قلوبهم .. رحلت اجسادهم ومازالت ارواحهم تطفوا بقلوبنا وعقولنا وتبتسم .

اثنان فى الارض اذا صلحا صلح الناس ،، واذا فسدا فسد الناس ... العلماء والامراء ..
وفسد الامراء والعلماء والناس ... صدقت يارسول  الله .

انا خلاااااااااااااااااص اتجننت وصلت لمرحلة من القلق مبوظة حياتى فعلاً ..
اخويا مسافر مع انه مش هيخرج من مصر .. ممكن يحصله ايه انا لازم اتطمن مش هنام الا لما اتطمن ...
امى فى المطبخ وانا مش فى البيت ممكن يحصلها ايه طب ممكن تتعب فاجئة واقعد اتصل بسبب وبدون ...
اختى زعلانة ليه لازم اعرف مالها ومين زعلها واعمل واسوى واروح واجى ...
صاحبى عنده مشاكل ممكن يحصله كذا وكذا انا لازم اكلمه ...
اخويا ،، امى ،، صاحبى ،، اختى ،، اى حد اعرفه تعب شوية مبنامش اصلا تقريبا من القلق ...
مش مهم انا اطلاقاً انا سوبر مان اللى بعرف اتصرف وامشى امورى ومش عايز اجى فى بال حد اصلا  ،، عندى قناعة انى قادر احمى كل دول واساعدهم واعمل ليهم الصح وكأنهم ميعرفوش حاجة !
لو حد كح لو حد قال آه بس قدامى ببقى هتجنن عليه بقول حتى ياريت مكنش حد يعرفنى علشان لو مت محدش يزعل ويحزن منهم ولو ساعة !!مش مهم خالص اى حد بيعاملنى ازاى بس مهم اعامله انا ازاى !
ده مش شىء كويس ابدا ده نوع من الجحيم انا عايش فيه وزاد عن حده !
وصل بيا لانى ممكن افضل فى كل سجدة يجى عشر دقايق ادعى لكل اللى اعرفهم ربنا يحفظهم ويطول عمرهم ...
انا تعبت بجد من الطريقة دى تعبت من القلق والتفكير ده والمهدء مبقاش نافع واضح انى محتاج دكتور نفسى ..
واضح انى مكنش مفروض اتولد اصلا بشخصيتى وتفكيرى ده .

حديث الصباح والمساء .

البساطة

الجمال

الحياة والموت

صراع الاجيال

تغيير الازمان

شىء بيغزو الروح كده فى مشاهد الموت

البيوت والشوارع ـ

الزمن والتصوير ..

الاجواء ..

فكرة الحياة والموت فى حاجة غريبة لما بيجى مشهد للموت احساس ملوش وصف اعرفه كويس ..

يمكن اطمئنان ويمكن جهل !!

عبقرية ،، يمكن المسلسل الوحيد اللى هشوفه فى حياتى هو ده ..

وأمى حين غلبها النوم انتهى يومى وفقد جماله حتى وان تبقى فيه الكثير .

انا بردان ،، ولاول مرة فى حياتى احس بالخوف ...
خوف حقيقى ـ خوف من كل حاجة حوليا ..
خوف ليه اسباب كتير اوى مفيش وقت انى اقولها .!

اللهم قدر لى الخير حيث كان ثم ارضنى به ..

الدعاء ده انا بعتبره ليه مفعول السحر ...

قرب ،، اسجد ،، اخلص ،، ادعى ..

#مسك الختام ..

سلامو عليكو .

شوية حاجات معبرة ،، عارف ان فى ناس بتحب الصور دى .

العالم على وشك الانفجار ..!

ام الدنيا ..!

وف كل سنة فى نفس التوقيت من العام بياخد التعب منى جزء كبير ،، السنادى هبقى وسط ناس لو مُت مش هيسئلوا عليا..

مهما يحصل مش هلاقى ربع اهتمام امى ولا هلاقى مكان زى بيتنا ارتاح فيه وعلى غرار محمود درويش هكتبلها ...

احن الى محشى امى ،، وملوخية امى ،، ورز امى ،، وبط امى ،، وشوربة امى ..

احن الى امى نفسها ...

اصل ميرضيش حد تعب وقلة نوم وقلة اكل ربنا يستر .
الله المستعان .

اتذكر فيصيبنى الفرح واشعر بنسمة هواء باردة تمر على وجهى برفق .. يصبح الكون اكثر اتساعاً والسماء اكثر صفاء ..

يجتاح الفرح قلبى ليضخ السعادة فى عروقى .. 

ثم ..!

افكر الى اين تصل سعادتى ؟؟ وما الفائدة اذا كان من بعدها انتهاء ..؟!

فيضيق الكون مرة اخرى ويضيق صدرى وتمتلىء السماء بغيوم اليأس الذى يدك حصون الفرح فى قلبى ويقتله ..

فى حرب تقف فيها الاحلام باكية رغم انعدامها .. !

اسقط مرة اخرى باحثاً عن الفرح  ثم يأتى اليأس ليقتله ..  وتظل دائرة ابدية لن تنتهى الا برحيل روحى الغريبة ..
وتغرق روحى فى حيرة سرمدية لا تعرف اين الطريق !

ربنا اكرم واجود من انه يحرم حد من شىء بيحبه .. بس انت اصفى ..

دى قناعة شخصية ان حتى لو ولد وبنت بيحبو بعض ربنا مش هيحرمهم من بعض لمجرد انهم عصوه ..

مش هيقولهم تعالوا كده انا هستمتع بعذابكم وذلكم !! مش معقول وهو ارحم بينا من امهاتنا ..

محدش هيضرك او هيفيدك الا بأمر بس خليك دايما عارف ..

شغلى .. ربنا

تعبى .. ربنا

افعالى . .ربنا

اقوالى .. ربنا

افكارى .. ربنا ..

خليه دايما قصادك اسجد وقرب وانسى كل االناس .. 

خليك عارف ان مهما كانت ظروفك وتجاربك صعبة وقذرة ومتعبة ومرهقة انت موجود علشان تتحملها ..!

ربنا مش هيحطك فى شىء انت مش اده ..

عاند ،، عافر وقول يارب ..

صفى قلبك ومتشيلش ذرة كره او حقد او غل لاى حد حتى لو اذاك حتى لو ظلمك حتى لو غلط فيك حتى لو اساء الظن فيك ..

دايما سامح دايما اسجد وقرب وادعى .

ورغم انى لسة بعيد اوى انا على يقين ان السعادة الحقيقة فى التوبة والانضمام الى قوافل العائدين الى الله .

بس متبقاش متشدد اوى ولا متساهل اوى خير الامور اوسطها .

اى حلم يا قلب تريد ؟؟ اى حلم يغازلك ويغريك ؟؟

فقط اصمت وكفى ضجيجا .

>أنا غريب في هذا العالم>أنا غريب وقد جُبتُ مشارق الأرض ومغاربها, فلم أجد
>مسقط رأسي ولا لقيت من يعرفني ولا من يسمع بي .




https://soundcloud.com/mkk911/bzkfibkey2f2

ليس ثقة او غرور بل يقين بــ اننى كنت ـ سأكون الافضل بين كل هؤلاء الذين عرفتهم وستعرفهم ..
لن تجد من يحبك مثلى .. من يحتويك ،، يغضبك ،، يصالحك ،، لن تجد من ينصت الى دقات قلبك من يفهم ويرى هذا الضوء الساطع من عينيك حزناً او فرحاً ..
ربما يكون القدر شاهداً ربما الصدفة وحدها من تثبت ..
لن تجد من يحبك مثلى .. فــ هنيئاً لمن فاز بك واسئل الله ان يكتب كل سنواتك سعادة شهورها وايامها دقائها وثوانيها .

مر عام على الرحيل ،، عام على الفقد .

انك تعترف قدام نفسك انك غلط كتير وانك كنت بتتصرف بشكل جنونى فده شىء كويس ..
ع المستوى الشخصى  انا شايف ان فى حاجات كتير جدا اتغيرت فيا مش انا بس اللى بقول كده لا كل اللى يعرفونى شخصيا قالوا كده قبلى .. كان مهم جدا انى ابطل طيش وجنان وافعال ملهاش اى مبرر .. كان لازم اتغير وافكر بشكل مختلف ..
كان لازم اراجع كل حاجة وكل الناس اللى عرفتها ..
دلوقت مش عارف اذا كان تغيير ولا لا مبالاة واستسلام بس انا حاسس انى خلاص مبقتش زى الاول وبتصرف بشكل مختلف ..
مبتقش شيخ بس برده مبقتش مُقصر .. مبقتش انانى وبقيت ابص بانصاف ..
عاجبنى انى بقيت اراعى شعور الناس واهتم بيهم وبمشاكلهم وظروفهم ..
عاجبنى انى اتغيرت بس مش مبسوط لانى لسة موصلتش لانى ابقى انسان مؤثر لانى ابقى شىء كويس ليا ولغيرى ...
لكل حد عرفنى من هنا وشافنى شخص انانى او قذر او وضيع او حتى تافه وسخيف متغيرش فكرتك عنى لانى مش هشوفك ولا هكون محطة فى حياتك ..
لكل حد شافنى مثالى ورائع وحبوب وطيب وجدع متغيرش فكرتك عنى لانى مش هعرفك ومش هكون محطة فى حياتك ...
جميل اوى انى اتعامل مع كل انسان بحالته كده من غير حكم اتعامل وفق مبادئى وافكارى ومش مهم هو بيتصرف ازاى بس مهم انا بتصرف ازاى ..
مش عارف هو حكم السن وتغير الافكار والاحلام ولا عقلت ولا اتهديت .؟!
مش عارف كل اللى اعرفه انى مش هبقى زيهم ومش هتعامل بلغتهم هسعى دايما لانى اكون انسان محترم ..
انسان مهذب وراقى ..
الكلام ده هيبقى شاهد عليا لانى وانا بكتبه دلوقت مفروض انى شخص تانى غير نور من شهر فات ..
ربنا يوفقنى ويثبتنى بس .

اللهم انك عفو كريم تحب العفو فعف عنى ..

اخيرة يا وطنى اخيرة يا حكومتنا فرصة اخيرة نريدها ..
فرصة لنكون رجال ،، لنموت بشرف ليكون لنا عزة وكرامة .. افسحوا لنا الطرق لنمر ...
لنضع طلقات اسلحتنا فى عيون هؤلاء الذين استباحوا الارض والعرض بدلاً من ان نضعها فى قلوب ابناء وطننا ..
فرصة لندك حصونهم  لــ ننتزع قلوبهم من صدورهم بأيدينا لنُروى لتُشفى صدورنا لنخفف هذا الوجع الذى استمر سنوات طويلة ..
فرصة ليُكتب لهذا الجيل انه لم يوقع على شهادة وفاه قضيتنا .. فرصة ليكون لدمائنا ثمن ليكون للعدوان رد قاس ..
فرصة من اجل اليتامى
من اجل الايامَى
من اجل العرض
من اجل الشرف
من اجل الكرامة
من اجل الدين
من اجل الارض
من اجل الاقصى .