انا فى البداية مكنش فى بالى خالص ولا خطر على بالى ان ممكن فى يوم من الايام احبها واتعلق بيها للدرجة دى ...
دايما امى كانت بتجيبها معاها البيت مكنتش بهتم بوجودها ولا بحاول اقرب منها ولا ابصلها حتى ،، امى دايما كانت تقولى دى جميلة حاول تقرب منها وتتفاهم معاها وهتحبها ... وكنت دايما اقولها لا مشاعرى واحاسيسى مش معاها مع حد غيرها ..!
مرات كتيرة كنت ادخل المطبخ الاقيها موجودة عندنا افتح التلاجة وانسى كنت داخل ليه اجيب ازازة مية واخرج كنت ببقى محرج تفكرنى داخل ابص عليها ... كنت بخرج على طول ما ابصش ..!!!
مرة دخلت لقيتها قاعدة وسط امى واخواتى وكلهم قالوا انهم بيحبوها ومحدش اختلف على انها جميلة ..!!!
.
.
.
مرة تانية اخويا حاول معايا اجرب بس اقرب منها وعلمنى ازاى اتعامل معاها ...
مرة بليل داخل المطبخ لقيتها المرة دى بصيت ليها اوى ومنزلتش عينى من عليها وهى مكانها مش بتتحرك ..
قربت منها بشويش مسكتها وقربتها منى اوى ... اتجرأت واخدت بشفايفى حتة منها ومشيت .....
مقولتش لحد انى عملت كده ... وهى غالبا هتقول لهم مش معقولة هتسكت ...!
تانى يوم الموضوع كان عادى ومحدش اتكلم معايا ... عجبنى الموضوع وقلت لامى تجيبها تانى ..!
امى خرجت جابتها وجت معرفش ايه السر ان امى تدخلها المطبخ دايما ... الكل نام وانا مراقبها ...
دخلت المطبخ بسرعة قربت منها ... مسكتها بدون اى مقاومة منها واغتصبتها ..!
.
.
.
.
.
.

كنت مستمتع جدا جدا.....
                         عرفت انى كنت غبى جدا جدا جدا انى فضلت حد تانى عليها ،، وندمت اوى انى حبيت الموز اكتر من المانجة .

# انا سخن جداً ... هلاووس