بعد سنين صغيرة تعامل مع ناس كتير جدا الحقيقة الوحيدة ان مافيش حد باقي لك فعليا غير ربنا ، كل الترتيبات مش هتمشي من غير توفيقه ، كل الوعود مش هتتنفذ غير بتوفيقه ، كل الخطط مش هتمشي الا بتوفيقه .
البشر مجرد وسائل بتقضي لك حاجتك مش من نفسهم لا من توفيق ربنا ..
الملاذ الحقيقي ربنا ، سندك الحقيقي ربنا ..
لما كل الطرق والابواب تتقفل مش هتلاقي غير ربنا ... كل سعي لك من غيره مش هيتم .. كل خطة اتحطت واعتمدت فيها علي نفسي ما كملتش مع وجود كل اسباب كمالها وتمامها .
العلاقة مع ربنا مش عايزة اولياء ولا زاهدين .. ربنا سامعك رغم ذنوبك ووساختك وشهواتك .. ربنا هيمد لك العون دايما ويسخر لك اللي يقضي حاجتك لما تطلب منه .
لن يبقي لك حبل مُمتد وباب لا يُرد في وجهك سوي الله .

ربنا كان كريم معايا دايما ومازال .. فيارب لك الحمد حتي ترضي ولك الحمد اذا رضيت ولك الحمد بعد الرضا .

الحمد لله الذي أخذ قليلاً واعطي كثيراً ، الحمد لله الذي لا يُحمد علي مكروه سواه .

الله المستعان .

لو مقياس الرجولة المرمطة والضغط والمسئولية والمعافرة فكفاية كده يامصر يلعن روح اهلك كفاية دعك .

مُغرم أنا ومُتيم .. ⁦❤️⁩

انا محتاج أركز ، محتاج أبذل مجهود جبار تاني ، محتاج أحط أهداف وخطط تاني ...
محتاج أعافر وأهاتي وأسايس وأطبطب وأجري وأقلق وأتضغط وأتفحت علشان أعيش بشكل كويس وعلشان أحقق طموحي ، محتاج ساعات نوم قليلة وأرق وترقب وذهن مشغول بإستمرار ، محتاج أبقي مفتح ومسؤل وأد كل حرف انطقه ... ضريبة لكل شئ في بلد وسخة تهلك أي حد .
ضريبة إن مافيش مخرج وضغط ضغط ضغط .
ضريبة إن خلاص عيش يومينك والآخرة خير وأبقي .
بنتهلك هلك ونستنزف كل طاقتنا علشان ننجح ونعجب وياريتنا عاجبين او متسابين في حالنا .
الله المستعان .

من مر من هنا فليدع لي ، أوشك الصادقين ان يُجاب لهم .

تقع عيني على عينه حين صدفة فيبتسم لي ... ويذوب قلبي .. ⁦❤️⁩

الاعتراف الوحيد اللي لازم اقوله اني بخاف من الهواء الشديد جدا ، بخاف من صوته ووجوده اصلا ..
😐😐

تدفع بلاد الإسلام مليارات الدولارات كجزية ، كهدية ، كفدية ، كتجارة ..
ثم تنتظر بلاد المسلمين معونة شتوية وقروض وشفقة ..
ننتظر سانتا ليُنقذ الفقراء ويأوي المُشردين من بقايا حرب افتعلها مُسلم وبدأها مُسلم واستمر فيها مُسلم وتقاتلوا احزاب وفصائل ... أنت عربي مُسلم ؟
إذا لا قيمة لك عند البشرية وعند ولاه امورك ... نحن اولي بالخسف اولي ببراكين تنفجر لتُشوى اجسادنا دون رحمة ...
😑
ألا تبا لنا وسحقاً .
ثم يأتي احمق ليتسائل لما أُنزل الدين خاصة للعرب وفي شبه الجزيرة ؟
ألا تري رحمك الله ؟
ألا ترانا يقتل بعضنا بعضاً حكومة لشعب وشعب لشعب وحزب لحزب من أجل اللاشيء ؟
كانت العرب قديما تتقاتل من أجل بهيمة ولو علم هؤلاء أننا زائلون ما ذبح بعضنا بعضاً من أجل كرسي أو منصب .. قبح الله وجوه السادة ، قبح الله وجوه الاغنياء ، قبح الله وجوه الفقراء ، قبح الله وجوهنا جميعاً .
لعن الله الصحراء وأموالها وساكنيها .

هَذَا خَلْقُ اللَّهِ فَأَرُونِي مَاذَا خَلَقَ  الَّذِينَ مِنْ دُونِهِ بَلِ الظَّالِمُونَ فِي ضَلَالٍ مُبِينٍ ⁦❤️
الله الله .

كنت أحلُم ... وتوقف الحلم ثم مضيت وحدي ...
فلا يكفي الندم وحده الآن .. ولا استطيع ان اُدير ظهري لألتقط حُلمي ... كل ليلة يسقط جزء مني .. لأحيا في صباح جديد .. أأبدو بخير ؟
نعم أنا بخير لكنني لست كذلك .

أنا قوي وتلك حقيقتي لن ولم أستسلم يوماً وإن لم يتبقي مني شئ وأعلم إنني إن مت سأموت رجلاً دون خوف او إنكسار ... أمضي في حياتي وإن تعثرت هل هي جنتنا الأبدية ؟

ليست كذلك .. لا وقت هاهنا للنحيب وللبكاء علي من مضي ومن فارق ، لا وقت للحزن وفتح قوسين بين لو كنت فعلت .
لكن ...
ماذا إن حاصرني حلمي الكبير ؟
ماذا لو كنت قد غُيبت وها أنا استفيق من غيبوبتي لأراني مُكبل اليدين ؟
ماذا وإن اجتاح جيش ما حصوني وطرحني أرضا .. هل اواصل الدفاع أم أستجيب ويُكتب أنه قد هُزم ها هنا من ظن أنه قوي واستسلم .. ثم انحني واعترف .. ثم بكي وندم .. ثم حرق مدينته بأكملها وجاء إلينا ليذوب ... ليتنفس .. ليري جنته الأبدية ...
أي تعاسة تُدون في سجل فارس كهذا ... قد حرق مدينته من أجل أن ينتصر !

كنت قد عزمت علي ألا اركبة ولو مرة ، لكنه كان لطيف وجميل وأتاح لي فرصة تصفح هاتفي ، وانعشني بهواء بارد جميل في طريق مُظلم ... تمنيت ان يطول بنا الطريق اكثر من ذلك ، لكن لابد من نهاية لرحلة التوكتوك الأبدي . 😁

في حاجات لازم يكون الشخص فخور بيها وعارف انها حاجة تُضاف ليه ، كل قرار اخده صح ، كل فكرة نفذها صح ، كل موقف أتصرف فيه صح لازم يفتكره وقت ما هو حاسس انه ضايع .. أنا فخور بنفسي لما كنت لسة في ثانوي وبودي الشغل للورش ولما يدوني بقشيش كنت ارفض واقولهم ده شغلي وباخد مرتب عليه فمش محتاج إكرامية .

وانا فالجيش كنت حرس علي مدينة سكنية تحت الانشاء مهندس الموقع والزائرين واللي لهم شقق كانوا كل مرة ادخلهم من البوابة يعرضوا فلوس بشكل مُلِح وانا كنت برفض سواء ليا او للي معايا بحكم اني كنت اقدمهم ، بعدها عرفت ان العساكر اللي كانوا قبلي كانوا مقلبين الكل والمهندس ده كان بيعاني علشان يدخل عربيات الرمل والطوب والزلط وكان بيدفع مبالغ كل مرة يكون له عربية برا ... كان بيجي كل يوم يعدي علينا يقعد معانا ويسئل عن ظروفنا وعننا ويناقشنا ويدينا نصايح وخبرة ويمشي .. الراجل يأس لدرجة انه عرض يجيب لنا غدا رفضت .

ماعتقدش انه عمل كده مع اللي قبلي او حاول يقرب منهم .

أنا كل ما بفتكر مواقف لي كتير بحس اني فخور بنفسي لاني زي ما بحكي عنها دلوقتي أكيد بيتحكي عني اني شخص أتصرف صح في مكان غلط .

افتكر مرة شفت ولد شقي جدا وبلطجي فعلا كان بيحب بنت امها حاولت تصاحبه وتديله فلوس واكل علشان يبعد عنها رفض بعزة نفس رهيبة وبعد عن البنت ونسيها .

في حاجات بتتشال فالنفوس والقلوب ونعوذ بالله من الندالة ودنائة النفس وحب الذات والمصلحة وقلة المروءة وسوء الطلب وفضح الخلق .

لا شيء حقيقي .. !