صباح مقرف ..
نفسي انام واشبع !

ولما بسمع صوت الحصري بفتكر الجنة ونعيمها ... بحس بمتعة غريبة 😊
الراجل ده عظيم .
ربنا يجعلنا من أهلها .

زمان لما كنت ببقى نفسي انام براحتي واصحي بدري كنت اتضايق من نفسي ازاي ابقى نفسي انام واصحي ... كنت بنزعج جدا ..

دلوقت انام اصحى بعد ساعتين عادي جدا بقوم اقعد تحت المية وافتح التلاجة ادعبس وافتح فيس واعيش طبعا مش انشكاح بس عند ف اللي ساكن جوايا ،، مش هتضايق زي زمان بالعكس خالص لما دماغى بتتقل وابقى هموت وانام ع الضهر كده مبنامش عند ف جسمي ،، مانا كنت نايم 😁

النهاردة صاحي ف اللاوعي شحاسس بأي حاجة خالص غير شوية الوجع اللي اتعودت عليهم خلاص .

ورغم النوم القليل النهاردة فايق عايز اسمع مزيكا ،، عندي شهية للقراءة بس مش هقرأ حاجة ..
مزاجي معتدل .. مليش طلبات ولا احتياجات ...
هقعد لوحدي وده شئ ممتع ...
قررت أأنتخ خلاص مش هشتغل .. أو في انتظار البدء من جديد ،، محتاج لنفسية تانية وظروف ثانية علشان ابتدى احط خطة وهدف أوصله  ،، يا مسهل .
جعان ... ناسي كل الناس ومش فاكر غيرها هي وحشتني جدا وحشني كل حاجة فيها كلامها وطيبيتها وحنيتها اللي بتخاف تظهرها ..
واحشني افعل ما يحلو لي في وجودها 😊😊
لما بس بتخيل اني ممكن اصحى ف يوم مكتئب أو متعصب والاقيها جنبي بتلقائية كده بنكر جوايا اصلا لو هي معايا مفيش حزن ولا اكتئاب هصحى منشكح ....
أنا مجربتش احساس السعادة والفرح الدائم قبل كده بس أقدر اوصفه كويس اوى لو تخيلت أنها معايا وجنبي ،، ممكن اتكلم عن الخلود باستفاضة لو مسكت أديها ... ممكن اكلمك عن حتة من الجنة بين اديا لو امتلكتها ،، ممكن اوصفلك علاج سحري لحالتك لو حضنتها .. هستغني عن المسكن لو بصيت ف عينها ..
متأكد أنها لو ملكي كل صباح لما احضنها قبل ما أنزل هكسب كل معارك اليوم ،، متأكد اني هحسم كل حروبي لصالحي من أول جولة وبس لأن سعادتها سلاحي ،، لأن ضحكتها درعي ،، لأن عنيها ملاذي 😊
التفكير فيها بس ليه مفعول السحر ع مزاجي وحالتي ورغم كده بخرجها برة دايرتي كتير !
ومتقبل جدا فكرة أنها مش ليا !
عادي ممكن مرة اروح اشوفها ،، الزهراء مش بعيدة .

كل حاجة زفت وقطران كل حاجة غلط ،، الواحد زهق من حياته ومن حظة الخرا عايز اتهد واتبني من جديد عايز اتولد تاني ... كل حاجة غلط
مفيش أمل عايش مستني الموت وصلت للمرحلة دي من البؤس والاكتئاب اني فعلا كل ما الأمور تسوء أقول هموت وخلاص ،، لعنة اني اتولدت ف البلد دي ولا أنا اللي جيت غلط ..
توتر
عصبية
قلة نوم
قلة أكل
وجع
مسكنات
زفت
قطران
خرا
بلا أزرق
تتعذب وتتحرم وتصبر مطلوب منك ده
تسيب كل حاجة بتحبها علشان متدخلش النار
تمرض تكتئب تولع ده قدر منقولش لا !
إشمعنى أنا وربنا عارف انى ضعيف ليه بيعمل فيا كده وهو عارف انى ممكن اغلط واتمادي !
أنا زهقت وقرفت وطهقت من العيشة كلها ومن كل تفاصيل حياتي المملة بنت العاهرة ،، يلعن أبو القرف
يلعن أبو العيشة
حاجة بنت ستين كلب وسخة ،، خوازيق اتكتب علينا نلبسها مولودين نتعذب ونتحرم ونسكت الكلاب ليها لزمة عننا .

يوماً ستُنثر دمُائنا حباً وشرفاً على جدرانك يا أقصى ...
أتمنى أن ندرك اليوم الذي يفسحون فيه كل الطرق التي تؤدي إليك ...
آه لو نمُر نُبادل العمر بسلاح ،، والدم بكرامة ..
والله لنزاحمن جنودك ياصلاح الدين في دروب الموت .

الناس اللي عمرها قصير عارفين ان عمرهم قصير وغالبا عارفين سيناريو موتهم هيكون ازاي !!

إن الطيبون يكرهون عالمنا السئ ،، هؤلاء الرائعون الذين يغادرون الارض سريعا ،، كأنها تلفظ جذورهم وكأنهم كرهوا أن تبقى أرواحهم على هذه الارض في هذا الزمان ....
أما نحن الحمقى الذين لم ندرك حقيقة الحياة ... باقون .

يا جدعان أنا بصلي الحمد لله وعمري ماسبت الصلاة ابدا بس بقالي مدة مش حاسس بيها .. ومش فاهم الحكمة من بعض الأمور ....
عندي شغل الحمد لله والدنيا ماشية وزى الفل ...
المشكلة بس ان لو حد سئلني ايه هدفك أو حلمك مش هعرف اجاوب لأني فعليا مبقاش عندي .. وده ف حد ذاته محسسني بالعجز والفشل ....
عادي ممكن اشتغل واخد مرتب كويس واعيش وخلاص ،، يمكن عدم وصولي لمستوى أنا عايزه شايفه فشل في حين أن ناس ثانيه كتير شيفاني واصل لمرحلة كويسة ! ،، بس غالبا في حاجة لما الاقيها هتفتح أبواب أوسع وهتساعدني الاقيلي هدف تاني ...
الناس اللطيفة والجميلة اللي سابت رسالة ،، شكرا ع اهتمامكم مش كل اللي بقوله بكون عايشه 100% ...
الوضع مش مأساوي اوى كده ... مازال مازال هناك متسع 😊😊😊

لازم كل فترة كده الواحد يفكر نفسه بفشله واهماله وتقصيره ف حق نفسه ،، مثلا ...
متعلمتش التعليم اللي ناس بسيطة حصلت عليه...
قصرت ف حق نفسي عمري مالعبت رياضة ....
معنديش أي ميزة خالص ....
محققتش حاجة ع المستوى الشخصي ...
شعري بيقع وهبقي اصلع كمان كام سنة ....
ربنا كرمني بإصابة ف ضهري إلى حد ما مضيقاني ...
ساذج واهبل وبينضحك عليا ،، شرير وقذر احيانا ...
مش زي 90% من الشباب تصرف وفكر ..
كائن عجيب جدا وغبي يكاد يكون عديم الجدوى احيانا ....
ناجح جدا ف ان ناس كتير تعرفني ،، فاشل جدا ف اني اكسب حبيب ويوم ما حبيت حبيت حد مش هطوله !
فاشل .....
بتكسف آه والله لسة بتكسف جدا وانا بكلم حد  وشي ف وشه ...
بس وقح جدا وجرئ لما اكلم حد كتابة أو فون ...
مغفل ...
وأخيرا في مشروع اني ابقى قليل الحيلة ....
سئ الحظ جدا ،، قليل الفرص وده فشل موجه مُسير يعني فيه مش بمزاجك !
لازم كده الواحد يكون صريح مع نفسه وكل مدة يواجه ويقدر حجم المكسب والخسارة خلال فترة ما .....
لو قلت حجم الخسائر يبقى فل لو زادت يبقى هتقع ف وادي سحيق كله همبرجر ولحمة ورز ومحشي وايقونات زرقا واسلاك وسرير وحمام مش هتخرج منه أبدا إلا بسكتة قلبية أو جلطة أو هيطول عمرك وهيمرضك الملل ويغرس الفشل سكاكينه ف قلبك .
نصيحة .... زي ما قال كاتب مشهور شفاكر اسمه دلوقت ،، دور ع الحب ولاقيه وبعدها كل حاجة ممكن .
الحب بشكل ما نجاح ،، وبرده واجه نفسك انك فشلت ف الحب .😁

علي مهل ..😊