خلاص انا كده خلصت جيش ،، سنة من حياتى قضيتها فى اماكن كتير وفى ظروف قاسية جدا ،، كرهت اللون الاصفر وكرهت الصحرا اللى كتبت عنها فيوم انى عايز اسكنها وانعزل قضيت مدة طويلة فيها كان اقسى شتا فى حياتى شفته قرب حدود ليبيا وكان اجمل رمضان فى حياتى قضيته قرب الواحات ...
ايا كان تجربة قاسية وممتعة الانسان الغبى اللى يشوف السلبيات بس فى كل شىء ... شفت ناس وعشت معاهم الناس دى تستاهل انى ادفع 100 سنة مش سنة واحدة علشان اعرفهم حقيقى مش ندمان على كل ضحكة وكل حكاية وكل قصة وكل موقف وكل ازمة كنا احنا المشكلة والحل ...
عموما كنت هبقى سعيد اكتر لو كنت طلعت من التجربة دى سليم اول مرة اخسر واطلع حقيقى من تجربة خسران والمرة دى كان شىء فى جسمى هو خسارتى .....
حادثة لطيفة كده طلعت منها بأصابة لذيذة ...
الحمد لله طبعا بس انا دايما هسئل ربنا ليه حصلى ده دلوقت وانا كنت فى قمة نشاطى انى اطلع انطلق واحقق احلامى ..
لحد دلوقتى مش فاهم الحكمة !
المشكلة انها جت فى وقت غبى الا وهو قبل ما اخلص بوقت بسيط !
دلوقتى انا بقيت بطىء شويتين بقيت هادى شويتين تلاتة يمكن ده الشىء الايجابى فى الموضوع ...
الاول كنت بعمل كل حاجة بسرعة الاكل والمشى والكلام والمواقف كنت ببقى كأنى مستعجل وحد بيجرى ورايا دلوقت بقيت على مهلى حتى السلم بقيت ع قدى فى طلوعه ...
هو يمكن الموضوع مش صعب بس انا بستحملش الوجع اموت انما ميكونش فى شىء محدد حياتى ومخلينى بتعامل بالشوكة والسكينة ...
على كل حال انت لما يحصلك حاجة مش هتحس باللى فات ولا هتفتكر انت كنت عايش ازاى بدون الاصابة دى وكأنها بقت ميزة فيك ^^
حياتك هتتغير تماما احلامك اهدافك كل شىء هيتقلب لازم تبقى مناسبة للوضع الجديد ...
كأنك ماشى فى طريق وفاجئة قالوا ان فى شغل هيتعمل فى نفس الطريق ده وانت لازم تاخد تحويلة لحد ما تعدى الحتة اللى فيها شغل دى ... غالبا انت مش هترجع لنفس الطريق لا انت هتقبل تمشى فى الطريق التانى وتتحمل كل صعوباته لان خلاص مفيش رجوع ...
انا فاهم ان ده نصيب وانى افضل من ناس تانية بس فل يعنى ...
الله لطيف بعباده ،، اكيد خير ...
من لطف ربنا وعطفة وعلمه بانى مش هستحمل الموضوع بسيط ومش باين عليا اصلا ان فيا حاجة ...
ده بيخيلينى اطمن ان وما كان ربك نسيا ،، ربنا مش ناسى كل شىء حلمت بيه ومش هيضيعنى ومش هيسيبنى واكيد مش ناسى كل وعد وعدته ليه بس دى مش عباده على شرط يارب ادينى قلت اهه ...
يمكن حصلى كده علشان اكون قريب ومبعدش ،، يمكن لانى شخص مندفع وبخوض اى تجربة بدون خوف حتى لو محتاجة حذر ...
كده كل حاجة بقت تمام ناقص بقى الاقى نصى التانى هع هع هع طب ومين هتقبل تتجوزنى بقى !!
ياسلام ياسلام ياسلام .... انا مش يائس ومش مستسلم ومش عاجز وهوصل ولو لجزء بسيط من اللى انا عايزه اد 80% كده ^^
اللى شايفة نفسها تنفع تتجوزنى لو عدت هنا تسيبلى مشز ^^
ــــــــــــــــــــــــــــــــــ
رب انى قد مسنى الضر وانت ارحم الراحمين .
ايا كان تجربة قاسية وممتعة الانسان الغبى اللى يشوف السلبيات بس فى كل شىء ... شفت ناس وعشت معاهم الناس دى تستاهل انى ادفع 100 سنة مش سنة واحدة علشان اعرفهم حقيقى مش ندمان على كل ضحكة وكل حكاية وكل قصة وكل موقف وكل ازمة كنا احنا المشكلة والحل ...
عموما كنت هبقى سعيد اكتر لو كنت طلعت من التجربة دى سليم اول مرة اخسر واطلع حقيقى من تجربة خسران والمرة دى كان شىء فى جسمى هو خسارتى .....
حادثة لطيفة كده طلعت منها بأصابة لذيذة ...
الحمد لله طبعا بس انا دايما هسئل ربنا ليه حصلى ده دلوقت وانا كنت فى قمة نشاطى انى اطلع انطلق واحقق احلامى ..
لحد دلوقتى مش فاهم الحكمة !
المشكلة انها جت فى وقت غبى الا وهو قبل ما اخلص بوقت بسيط !
دلوقتى انا بقيت بطىء شويتين بقيت هادى شويتين تلاتة يمكن ده الشىء الايجابى فى الموضوع ...
الاول كنت بعمل كل حاجة بسرعة الاكل والمشى والكلام والمواقف كنت ببقى كأنى مستعجل وحد بيجرى ورايا دلوقت بقيت على مهلى حتى السلم بقيت ع قدى فى طلوعه ...
هو يمكن الموضوع مش صعب بس انا بستحملش الوجع اموت انما ميكونش فى شىء محدد حياتى ومخلينى بتعامل بالشوكة والسكينة ...
على كل حال انت لما يحصلك حاجة مش هتحس باللى فات ولا هتفتكر انت كنت عايش ازاى بدون الاصابة دى وكأنها بقت ميزة فيك ^^
حياتك هتتغير تماما احلامك اهدافك كل شىء هيتقلب لازم تبقى مناسبة للوضع الجديد ...
كأنك ماشى فى طريق وفاجئة قالوا ان فى شغل هيتعمل فى نفس الطريق ده وانت لازم تاخد تحويلة لحد ما تعدى الحتة اللى فيها شغل دى ... غالبا انت مش هترجع لنفس الطريق لا انت هتقبل تمشى فى الطريق التانى وتتحمل كل صعوباته لان خلاص مفيش رجوع ...
انا فاهم ان ده نصيب وانى افضل من ناس تانية بس فل يعنى ...
الله لطيف بعباده ،، اكيد خير ...
من لطف ربنا وعطفة وعلمه بانى مش هستحمل الموضوع بسيط ومش باين عليا اصلا ان فيا حاجة ...
ده بيخيلينى اطمن ان وما كان ربك نسيا ،، ربنا مش ناسى كل شىء حلمت بيه ومش هيضيعنى ومش هيسيبنى واكيد مش ناسى كل وعد وعدته ليه بس دى مش عباده على شرط يارب ادينى قلت اهه ...
يمكن حصلى كده علشان اكون قريب ومبعدش ،، يمكن لانى شخص مندفع وبخوض اى تجربة بدون خوف حتى لو محتاجة حذر ...
كده كل حاجة بقت تمام ناقص بقى الاقى نصى التانى هع هع هع طب ومين هتقبل تتجوزنى بقى !!
ياسلام ياسلام ياسلام .... انا مش يائس ومش مستسلم ومش عاجز وهوصل ولو لجزء بسيط من اللى انا عايزه اد 80% كده ^^
اللى شايفة نفسها تنفع تتجوزنى لو عدت هنا تسيبلى مشز ^^
ــــــــــــــــــــــــــــــــــ
رب انى قد مسنى الضر وانت ارحم الراحمين .
ليست هناك تعليقات :
إرسال تعليق