اوضتى اللى كل حاجة فيها ملهاش علاقة ببعضها حتى الوانها ... معملى وملاذى ... فوضوية .
حبة كوميدى "حكايات سيكوباتية" ...
ولقطة مش لظيظة فى حقى بس حكم السن بقى والحوداث ^^
انا اتغفلت فى اللقطة دى اخويا اخدها وانا فعلا حالى بؤس ..!
وكالعادة يابنى انت مبتزهقش من القاعدة دى ؟!!!
الاشياء السيئة تحدث فلنجعلها جميلة بشى ما ..!

يوماً ما سنُزف شهداء او منتصرين ،، يوماً ما ستُـنثـر دمائنا حباً على جدرانك يا اقصى ...
حتما سنعود .

فى واحد قتل 8 اشخاص بكل شجاعة ،،، الــ 8 دول اعرف منهم 5 كويس  ..

دلوقت قالوا يندفنوا وبيندهوا علشان اللى عايز يدفن يجيب معاه كشاف ....

انا بحب ازق الناس وعندى عادة وسخة انى اتشعلق فى النعش واكون لازق فى باب القبر ،، بحب اكون مع الناس اللى اخر من شافهم فى اكفانهم ....

دلوقت انا مش هقوم ادفن حد ولا اصلا هاممنى ولا فبالى ...

من اقل من 12 ساعة بالظبط كان فى ناس عايشة بتخطط هتعمل ايه بيت كامل اتهد ...

اب وابن وابن ماتوا ... اب وزوجة وولاد ... وصديق ملوش ف القصة اتكل ...

فيهم واحد كل ما كان يشوفنى يضحك ويقولى ازيك يا عم ضيا .. !

بكل بساطة ده الموت ... دايما بيسلم عليك وبيفاجئك .

يعنى ايه حياة ؟ يعنى ايه موت ؟ فى جنة ؟ طب فى جحيم ؟

طب فى حساب وعقاب ؟

طب ليه ؟؟َ!

انا مش فاهم حاجة 

انا بقيت تنح .... انا اصلا مش قايم من مكانى ... بس خلاص .

https://soundcloud.com/hani-al-juaid/dctcick8o57g



حد واخد باله ،، ادماااااااااااااااااااان يا نااااااااااااااااااااااااس ...
مش بتوع اليومين دول ..

لت وعجن

خلاص انا كده خلصت جيش ،، سنة من حياتى قضيتها فى اماكن كتير وفى ظروف قاسية جدا ،، كرهت اللون الاصفر وكرهت الصحرا اللى كتبت عنها فيوم انى عايز اسكنها وانعزل قضيت مدة طويلة فيها كان اقسى شتا فى حياتى شفته قرب حدود ليبيا وكان اجمل رمضان فى حياتى قضيته قرب الواحات ...
ايا كان تجربة قاسية وممتعة الانسان الغبى اللى يشوف السلبيات بس فى كل شىء ... شفت ناس وعشت معاهم الناس دى تستاهل انى ادفع 100 سنة مش سنة واحدة علشان اعرفهم حقيقى مش ندمان على كل ضحكة وكل حكاية وكل قصة وكل موقف وكل ازمة كنا احنا المشكلة والحل ...
عموما كنت هبقى سعيد اكتر لو كنت طلعت من التجربة دى سليم اول مرة اخسر واطلع حقيقى من تجربة خسران والمرة دى كان شىء فى جسمى هو خسارتى .....
حادثة لطيفة كده طلعت منها بأصابة لذيذة ...
الحمد لله طبعا بس انا دايما هسئل ربنا ليه حصلى ده دلوقت وانا كنت فى قمة نشاطى انى اطلع انطلق واحقق احلامى ..
لحد دلوقتى مش فاهم الحكمة !
المشكلة انها جت فى وقت غبى الا وهو قبل ما اخلص بوقت بسيط !
دلوقتى انا بقيت بطىء شويتين بقيت هادى شويتين تلاتة يمكن ده الشىء الايجابى فى الموضوع ...
الاول كنت بعمل كل حاجة بسرعة الاكل والمشى والكلام والمواقف كنت ببقى كأنى مستعجل وحد بيجرى ورايا دلوقت بقيت على مهلى حتى السلم بقيت ع قدى فى طلوعه ...
هو يمكن الموضوع مش صعب بس انا بستحملش الوجع اموت انما ميكونش فى شىء محدد حياتى ومخلينى بتعامل بالشوكة والسكينة ...
على كل حال انت لما يحصلك حاجة مش هتحس باللى فات ولا هتفتكر انت كنت عايش ازاى بدون الاصابة دى وكأنها بقت ميزة فيك ^^
حياتك هتتغير تماما احلامك اهدافك كل شىء هيتقلب لازم تبقى مناسبة للوضع الجديد  ...
كأنك ماشى فى طريق وفاجئة قالوا ان فى شغل هيتعمل فى نفس الطريق ده وانت لازم تاخد تحويلة لحد ما تعدى الحتة اللى فيها شغل دى ... غالبا انت مش هترجع لنفس الطريق لا انت هتقبل تمشى فى الطريق التانى وتتحمل كل صعوباته لان خلاص مفيش رجوع ...
انا فاهم ان ده نصيب وانى افضل من ناس تانية بس فل يعنى ...
الله لطيف بعباده ،، اكيد خير ...
من لطف ربنا وعطفة وعلمه بانى مش هستحمل الموضوع بسيط ومش باين عليا اصلا ان فيا حاجة ...
ده بيخيلينى اطمن ان وما كان ربك نسيا ،، ربنا مش ناسى كل شىء حلمت بيه ومش هيضيعنى ومش هيسيبنى واكيد مش ناسى كل وعد وعدته ليه بس دى مش عباده على شرط يارب ادينى قلت اهه ...
يمكن حصلى كده علشان اكون قريب ومبعدش ،، يمكن لانى شخص مندفع وبخوض اى تجربة بدون خوف حتى لو محتاجة حذر ...
كده كل حاجة بقت تمام ناقص بقى الاقى نصى التانى هع هع هع طب ومين هتقبل تتجوزنى بقى !!
ياسلام ياسلام ياسلام .... انا مش يائس ومش مستسلم ومش عاجز وهوصل ولو لجزء بسيط من اللى انا عايزه اد 80% كده ^^
اللى شايفة نفسها تنفع تتجوزنى لو عدت هنا تسيبلى مشز ^^
ــــــــــــــــــــــــــــــــــ
رب انى قد مسنى الضر وانت ارحم الراحمين .

وسيشهد التاريخ ان اللواء 309 ازالة قنابل بيقول اننا دفعة فقر ،، يعنى بعد ما نعلم دفعة تانية الازالة يسافروا هم روسيا ونقعد احنا !!!!
انا عارفنى من زمان الدهب فى ايدى تراب .
الى الله المشتكى .