اه ياعم سملوطى لو تعرف انى بكتب ف يومياتى عن فنجان القهوه الصباحى بتاعك هنا كنت ظبته والله عن كده ...
انا كرهت القهوه بسببك وربنا ولما تحب تدارى خيبتك تقولى خدلك سيجاره بترشينى .!!
طب خليهم سيجارتين ياخى ونا هسكت نفسى اقولك كده اسملوطى ورغم انى عارف انك بتغالط ف الحساب وبتسرق بس ماشى بحسبها تمن السيجاره اللى مبشربهاش اصلا الا بظروفها ...
بص ياعم سملوطى هو كفايه اسمك بصراحة بس فنجان القهوه ده كان شي اسطورى كده بالنسبه ليا حاجه كده عجيبة بحسها وبسببك كرهته وقربت ابوس رجلك واقولك لو قاعد تحت بير سلم هيجى مع القهوه مية برده بتعاند ...
اه نسيت هى كوباية شاى اصلا مش فنجان ومره زياده ومره مانو ومره خفيف ومره تقيل بمزاجك لحد ماجننتنى وخلتنى اطلب قهوه بالنعناع !!
ماهو اصل انا كان لازم اعتب عليك اسملوطى احبيبى علشان مطقش فيك وانت كبير وعيب قولك كده ف وشك ...
ما انا كنت مقاطعك وكنت بقيت اتعامل مع "بُنى" كان مظبط الاداء شويه يابُنى هاتلى قهوه بن خفيف حتى الاسم على مسمى شفت .
 وبعدين ياسملوطى ليه دايما تجيبلى البيبسى وتشرب نصها منى ؟؟؟؟
تصدق هقتلك يوم الاتنين لانى زهقت منك ده انا طلعت شايل منك اوى ومش واخد بالى !!
البيبسى يا معفن ،، يااااااااااه ده  قلبى طلع اسوووود .
صبراً سملوطى فــ ان موعدنا الاثنين بس يارب تيجى بقى وماتغيب سنينك سوده ف بنى كاروه .
# تهييس .