ومع ذلك يارب ما تحوجني ابدا ابدا ... يارب اديني القوة أكمل .

فلنمت يا بلادي ... وعلينا السلام .
فلنمت لأن العيش فيك يسلب الحياة ...
فلنمت لأن لا قيمة لنا فماذا سينقص الكون بموت أحدنا تقصيرا؟ !
لن ينقص يا بلادي ...
فسلام علينا حين ولدنا بك ويوم نموت ويوم نُبعث .
سلام علي الطيبين فيك ،، سلام علي الفقراء ،، سلام علي الضعفاء وسلاما علي هؤلاء علي الاسِرة البيضاء .
اللهم نسألك شفاء
اللهم شفاء
اللهم شفاء

أقصي أحلامي وطموحي الأيام دي اني ارجع انام كويس بقالي سنة نومي ومزاجي شئ عجيب كده فضلا عن عصبيتي اللي زادت .. بعمل كل حاجة في حياتي وانا بفكر بنام كأني صاحي أقلق في نص الليل من قبل الثانية اللي عيني بتفتح فيها بكون بفكر هعمل كذا مع فلان وهدي كذا وهاخد و و و و و و و و و و و و بتنتهي غالبا بالنوم يطير وأفضل عامل زي اللي عنده صرع توتر وقرف. .. حقيقي أنا أصبحت شخص لا يُطاق وبعذر اي حد يهاجمني وما بردش ... انا خدت موقف عدائي من الحياة كلها بقت بالنسبة ليا اني افرم نفسي علشان أثبت رجلي ،، معنديش توازن طول ما في دماغي فكرة في وش وزن والحاح شديد من شخص جوايا زنان ،، ده غير اني شخص مش بتاع وقت كل اللي بعرف اعمله بعمله في ساعتها ،، ما بعرفش ااجل حاجة او اقعد وورايا حاجة !
طيب بتعمل حاجة يا ضيا أيوة بيقولوا اني ولد شاطر ومجتهد وذكي جدا في شغلي ،، طيب وصلت لحاجة يا ضيا اه الحمد لله بكسب المستوردين كويس وبرضيهم وعمري ما راضيت نفسي ...
النتيجة النهائية ان في ناس كتير نايمة في بيوتها انا قاعد افكر لها لأني ملزم وملتزم بحاجات كتير ...
نفسي اكون بارد ،، نفسي أهدي بدل الصرع اللي انا حاسس بيه ده ... نفسي اعمل كل حاجة واحدة واحدة وبراحتي ،، اتحولت لمسخ حتي الأكل بياكله لأنه محتاج يأكل مش أكتر .. مش عارف بس انا مضغوط ودماغي ما بتفصلش ابدا شئ مُرهق جدا الحقيقة .
كل حاجة اتبهدلت عندي ،، بقيت كهل في سن العشرين .. حاجة تفتح النفس والله .. اصحي حاسس ب ايه ؟
خدلك حباية واقعد استني الفرج .!
الله المستعان
يوميات وسخة .

ويبقي أمل أخير ...
رغم قسوة الأيام ،، رغم قلة الأحلام يبقي أمل الحب ..
ليُطيل العمر ،، ليُعيد الحياة الي أجسادنا التي اهانتها الحياة .....
هاهنا .
فإن أحد أسباب الوفاة هو أننا ولدنا في هذه البقعة من الأرض ،، لا شئ هنا يدعوا للسعادة ..
فقط تُصنع حينما تجد روحا تشبهك ولا تبالي ،، حينما تصبح هي الاخري ملاذك دائك ودوائك ... حينما تصبح وطنا حقيقيا .
فقط فلنبحث عن الحب ،، فلتكن آخر آمالنا أجساد نأوي إليها .. فليكن الحب زادنا ... يُجردنا من كل شئ ..
من خوفنا ،، من ضيق عيشنا ،، من سوء حظنا ،، من فقر أحلامنا ،، من مرض أجسادنا ...
فما افقرنا ان لم نجده ،، حينها سـ يزيد في تلك البقعة الحمقاء شخص آخر أكثر بؤسا واتعس حظا وافقر مالا وروحا .
سـ تفوح رائحة كريهة أخري لجثة ماتت منذ زمن لكنها ما زالت تملك رزقا قُدر لها وتحيا .
فقط علي هذه البقعة ما يجعل الأموات احياء هو الحب وما يجعل الأحياء اموات فقد الحب .
اذا فما زال في وسع الموتي أن يبحثوا عن الحياة .

وكان كل ما قد قيل لا يفي !

الروح محلها القلب ... فسلام علي قلوبنا يوم تتعلق الأرواح .. ويوم تحب ويوم تحزن ويوم ترحل الروح عنه .

أين صاروا .... ؟!!

المواجهة دايما بتوصلنا لآخر نقطة عايزينها فعلا ..
هتوصلك للحقيقة ،، للحب والكره .. لحاجات كتير كويسة ...
هتعرف العواقب المترتبة علي حاجات كتير ومدي سوئها وتأثيرها .
الخوف ما بيطولش العمر .

بعد كل التعب والأفكار والمجهود ،، بعد ما تكتسب حاجات كتير تبني منها حياة في عقلك وما توصلش ليها ..هتلاقي نفسك بتلقائية شديدة زيك زي اي حد بنفس الحياة والروتين والنظام العقيم اللي بتكرهه ،، وهتلاقي بشكل ما وبصدفة كونية عجيبة شخص تاني عايش كل تفاصيلك بدون مجهود !
عايش كل حاجة تعبت علشان توصلها وموصلتش بس هو وصل رغم تفاهته او تدني عقليته .!
الحياة فعلا غريبة جدا ..
اللي بيحصل مش تقصير بالعكس ده قدر وواقع ولحكمة ما مجهولة .
عموما في قول واحد رغم التغيير الكبير .
مش دي الحياة اللي كان نفسي فيها وكنت عايز أعيشها .
الله المستعان .

يارب انت عالم اني عمري ما كسلت عن حاجة لحد ،، يارب بفضلك عمري ما كنت بتعب وصلب وكنت بتحمل بفضلك ،، يارب وانت عارف إني عمري ما بعتمد علي حد ... عمري ما بقول لأ ،، عمري كله بعمل فيه للي حوليا وليا كل حاجة ...
يارب دائما وأبدا ساعدني وما تخلينيش احتاج لحد .. يارب خليني ضهر وسند ليهم كلهم وما تخلينيش محتاج حد ...
يارب وانت عالم باللي جوايا ... يارب خليني أكمل بقية عمري كده .
يارب انت عالم بعلمك عليا هكون عامل ازاي لو احتاجت لحد .
يارب قدر لي الموت واقف علي رجلي واحسن خاتمتي .

كان فاضلك اد ايه ؟؟
كان ناقصلك كام يوم ..!
أيام صعبة سابت صحبة حلوة ،، صحبة بتقرب من بعضها بس علشان بيحبوا بعض ... من غير مصلحة ،، من غير منفعة ،، من غير نية وحشة ...
صحبة خالصة ملهاش اي منفعة في بعض غير الحب والذكريات الجميلة رغم صعوبة الأيام ...
وآدي حتة من الذكريات وقعت وآدي حتة من الجمال راحت ...
ايه رأيك يا ضيا انت أقدم مني ياسطي رسيني اعمل ايه وايه الكلام.
_أصبر وهتعدي ياصديقي .
عدت وخلصت بسرعة شفت ؟!
عايز اشوفك ..
_قريب.
واضح أنها بقت بعيد ،، كنت عايز اجيلك في فرحة مش في عزاك .
كنت عايز اشوفك والله .

وتستمر الحياة ... وتمر الأيام وكأن شيئا لم يكن !
وكأن روح لم ترحل ،،وكأن نفس لم تمت !
تمضي الأيام وأرواحنا هشة ،، تمضي بقلوب ممزقة .
هذا الموت المجهول ،، هذا الرعب الحتمي ،، الأمان الأبدي ..
الحقيقة المُطلقة .... !
فهل حقا هناك جنة وجحيم ؟!
اين كان الأصدقاء بالأمس وأين صاروا ؟
ما الموت ؟!
وما الحياة ؟!
وما حقيقة الوقت والساعات ؟!
ماذا يُخبئ الغد ؟
ماذا ينتظرنا ثم ماذا عن أحلامنا المؤجلة ؟!
اين صار هؤلاء ولما أصبحت أجسادهم ثقيلة دون حراك ؟!!!!!
لما ولدت ولماذا أتيت ؟!
رحماك يا الله ...
عقلي قد جُن .
رحماك يا ربي .
رب اغفر وأرحم .