تخاريف

هو اللى انا مش فاهمة انى ببقى هطق وزهقان وعايز اتكلم مع حد رغم الناس الكتيييييييييييييييييير اللى عرفتهم واللى اعرفهم ،، فى ناس معينة عارفة ان وجودها بيفرحنى وان وجودها بيريحنى وان وجودها بيطمنى ورغم دة مش بلاقيهم ..!!
احساس  عقيم وغبى لما تحس ان حياتك متوقفة ع  وجود شخص وتسئل نفسك لية بيعمل معايا كدة ؟؟
طيب طالما عارف انة ممكن يريحنى لية مش بيعمل دة ؟؟
صعبة اوى لما تحس ان روحك وحياتك ف ايد حد وهو عارف دة ومتجاهلك وانت عمال تروح يمين وشمال مش مرتاح كأنك تاية ...
بس لو فكرت هتلاقى بردة ان فى ناس كنت انت حياتها ويتمنوا منك تكون موجود علشان يفضلوا مبسوطين وانت كنت عارف وانسحبت ..
حتى لو انسحبت خوف عليهم ولو انسحبت علشان مش هيكون عندك ولاء ليهم فـــ انت بردة متهم ..!!
حاجة غبية اوى كلها تناقض تجيبها شمال تيجى يمين تجيبها يمين تيجى شمال بس حلها واحد بس ..
وهو  ان كان مفروض معرفش ناس كتيييييييييييييير ولا يعرفونى علشان لما احتاج حد واحد مفضلوش عن الكل وعلشان لما يمشى احس بطعم اللى هعرفهم .. انما تمشى ومحسش بطعم اللى عرفتهم ولا الموجودين ولا اللى هعرفهم حتى ،، مقتنع انهم مش زيك !!
الموضوع صعب شوية .. امسك موبايلك وقلب ف الارقام شوية بردة هتلاقى نفسك بتقرب وتفاضل لحد ما توصل لشخص واحد وتقول ياااااااة لو كان اللى فــ بالى مكان الشخص دة تقوم تزهق وتخلص الكلام وتقفل بسرعة بسرعة وتجرى تبص ع رسايل اللى فــ بالك تراجعها هتحس بشوية راحة ولما تفوق هتلاقى نفسك لوحدك ...